Ísbjarnavatkin

Óvæntar heimsóknir tveggja ísbjarna í Skagafjörðinn hafa verið tilefni bollalegginga um að flakk ísbjarnanna sé bein afleiðing; hlýnunar jarðar, bráðnunar hafíssins og hvarfi íssins af norðurpólnum. Í sumar hafa síðan verið af og til fluttar fréttir af því að ísinn sé nánast horfinn af norðurpólnum.  Á vefnum Barentsobserver.com er nú ný frétt sem ber til baka fyrri fréttir og  segir að ísinn sé á sínum stað svo ef til vill er  rétt að huga að fleiri skýringum á óvæntum gestagangi en loftslagshlýnuninni.

Það er reyndar önnur frétt á Barentsvefnum sem ætti að vekja enn meiri áhuga íslenskra landsfeðra og -mæðra en það er fréttin af þorskinum í Barentshafinu sem að sérfræðingar Hafró hafa sagt verið ofveiddan um árabil og svo mjög að veiði hefur á stundum verið margföld það sem sérfræðingarnir ráðlögðu.  Engu að síður þrátt fyrir meinta ofveiði er þorskstofninn sagður við hestaheilsu.  Fréttin á Barentsvefnum greinir frá því að norsk yfirvöld fullyrði að þorskveiðin hafi verið mun meiri en opinberar tölur bera með sér vegna slælegs eftirlits. 

Ef að satt reynist þýðir það einungis eitt og það er að upphafleg fiskveiðiráðgjöf hafi verið kolröng og í framhaldinu væri rétt að spyrja hvort að sérfræðingarnir hafi eitthvað réttara fyrir sér hér við land en í Barentshafinu?

Athugasemdir

[Víðir Benediktsson, 4.8.2008 kl. 20:34]

Rússar breyttu aðferðafræði við mælingar og fundu milljón tonn af þorski í viðbót í Barentshafinu. Spurning um að senda nokkra íslenska fræðimenn á námskeið til Rússlands?

[Sigurjón Þórðarson, 4.8.2008 kl. 21:07]

Já það væri ráð Víðir eða þá að láta Jón Kristjáns og Kristinn P halda námskeið á Skúlagötunni.

Nú berast fréttir af því að það sé mikið af þorski að koma upp við Færeyjar þrátt fyrir spár reiknisfiskifræðinga.

[Róbert Tómasson, 5.8.2008 kl. 22:56]

Sæll Sigurjón

Ég sá einu sinni sérfræðinga skilgreinda á eftirfarandi hátt:

Sérfræðingur er einhver sem lærir sífellt meira um sífellt minna þar til hann að endingu veit all uj ekki neitt.

ég held bara að það sé hellingur til í þessu.

kveðja Róbert