Samfylkingin blessar áframhaldandi mannréttindabrot

Það er óneitanlega kaldhæðnislegt að vita til þess að Ingibjörg Sólrún Gísladóttir og séra Karl Matthíasson varaformaður sjávarútvegsnefndar Alþingis, hafi lagt blessun sína yfir þá hundalógík sem sjávarútvegsráðherra ber á borð sem svar ríkisins til Mannréttindanefndar Sameinuðu þjóðanna. 

Svar ríkisstjórnar Samfylkingar og Sjálfstæðisflokks hefst á alllöngum málflutningi þar sem farið er enn á ný yfir sjónarmið stjórnvalda í málinu en þau höfðu öll komið fram áður í meðförum málsins og fengið falleinkunn hjá Mannréttindanefndinni.  Álitið fól í sér að íslenskir sjómenn hafi verið beittir ósanngjörnum leikreglum og það ætti að veita sjómönnunum sem sannarlega var brotið á fullnægjandi skaðabætur.

Í lok svarsins er þess getið að ekki sé nákvæmlega gert grein fyrir því hversu langt eigi að ganga til að breyta kerfinu í átt til sanngirnis og hversu háar skaðabætur ætti að greiða sjómönnunum.  Niðurstaða ríkisstjórnarinnar er því sú að fyrst að það sé ekki tíundað nákvæmlega þá sé það réttast sanngjarnast að gera nákvæmlega ekki neitt.

  Niðurstaðan er því hrein og tær hundalógík.

 

Svar sent til mannréttindanefndar SÞ

Athugasemdir

[Aðalheiður Ámundadóttir, 9.6.2008 kl. 11:09]

Ástralir sendu einu sinni svipuð viðbrögð til nefndarinnar vegna álits sem þeir fengu.

Svar nefndarinnar við þessum viðbrögðum Ástralíu voru á þá leið að svar ríkisins græfi grafa undan viðurkenningu ríkisins á lögbærni nefndarinnar skv. viðaukanum til að meta einstaklingserindi.“ ("undermines the State party´s recognition of the Committee´s competence under the optional protocol to consider communications.") 

Ísland fær því að öllum líkindum bágt fyrir þessa svarleysu... 

[Sigurjón Þórðarson, 9.6.2008 kl. 11:19]

Aðalheiður, mér sýnist þessum vaðli fyrst og fremst vera ætlað að fóðra íslenska fjölmiðla í þeirri von að þeir melti hann gagnrýnislaust.

[Aðalheiður Ámundadóttir, 9.6.2008 kl. 11:47]

Já og hættan á því er svo sannarlega til staðar, því íslenskir fjölmiðlar eru sorglega valdhlýðnir og  þurfa að fara að hisja ærlega uppum sig buxurnar í allri umfjöllun um mannréttindi

[Jóhann Kristjánsson, 9.6.2008 kl. 20:38]

Íslenskir fjölmiðlar eru ennþá í torfkofapælingunum þegar kemur að gagnrýni.

Einar K er hinsvegar inni í torfkofanum og neitar að koma út í dagsljósið og sjá alla veröldina fyrir utan.

Með öðrum orðum. Einar er haldinn þröngsýni á háu stigi,, sem er svosem ekkert nýtt hjá sjálfstæðismönnum.

[Árni Gunnarsson, 9.6.2008 kl. 22:31]

Mannréttinda-umhverfis-og byggðasjónarmið í einni og sömu pólitísku aðgerðinni eru Samfylkingunni óskiljanleg.

Og ástæðan er einföld:

Hugmundafræðin og skilaboðin koma ekki frá höfuðstöðvum EB. eða Háskólanum í Bifröst.

[guðrún hlín adolfsdóttir (IP-tala skráð) 9.6.2008 kl. 22:36]

Skyldu kjósendur samfylkingar hafa viljað að við hunsum mannréttindi og álit þjóðar okkar hlýtur skaða meðal annara þjóða. Vonandi að kjósendur muni hvað mannréttindi eru okkur mikilvæg sem sjálstæðri þjóð. Sá sem ekki stendur vörð um sín mannréttindi er illa staddur í sínu lífi.

[Magnús Þór Hafsteinsson, 9.6.2008 kl. 23:16]

magnusthor.eyjan.is

[Sigurgeir Jónsson, 10.6.2008 kl. 08:42]

Frjálslyndi flokkurinn stendur einhuga að baki útgerðarmönnunum sem sendu málið til mannrétindanefndarinnar.Málið snýst ekki síst um það, að útgerðarmennirnir fái bætur ef á þeim hefur verið brotið.Ef Mannréttindadómstóll Evrópu dæmir útgerðarmönnunum í hag ef málið fer þangað þá verður Íslenska ríkið að greiða þeim skaðabætur og væntanlega mörgum öðrum sem líka eiga þá rétt á skaðabótum.Því spyr ég ykkur sem eru í forystu Frjálslyndaflokksins hvort Frjálslyndiflokkurinn geti ekki stutt það að málið fari fyrir mannréttindadómstólinn og útgerðarmennirnir fái gjafsókn frá ríkinu ,en efþað fæst ekki þá verði hafin söfunun á vegum Frjálslyndaflokksins til þess að styðja við bakið á útgerðarmönnunum við að senda málið fyrir Mannréttindadómstólinn.

[Ólafur Þ. Oddsson (IP-tala skráð) 10.6.2008 kl. 08:47]

Þessi mannréttindabrot eur ekki gott veganesti fyrir ISG og vinkonur hennar sem aðgöngumiði í Öryggisráð SÞ.

Einnig hafa fleiri mannréttindabrot átt sér stað hér á landi t.d. lögregluofbeldi, nú svo ekki má gleyma hinni löngu einangrunarvist ungs íslendings í Færeyjum nú í vetur, en það er klárlega brot á mannréttindaákvæðum Evrópusambandsins og er skilgreint sem pynting.  ISG þarf heldur betur að taka til hjá sér.

Ríkisstjórnin er friðuð gagnvart fjölmiðlun, Mogginn er málgang Sjallanna, en Fréttablaðið er málgagn Samfylkingarinnar.  

[Aðalheiður Ámundadóttir, 10.6.2008 kl. 12:43]

Þetta mál fer ekki fyrir mannréttindadómstól Evrópu. Einfaldlega vegna þess að dómstóllinnn tekur ekki við málum sem áður hafa fengið meðferð hjá mannréttindanefnd SÞ.  Það stendur skýrum stöfum í málsmeðferðarreglum og fjöldi fordæma bakkar það upp. Auk þess er hvorki jafnræðisregla né atvinnufrelsisákvæði í mannréttindasáttmála Evrópu.

Ég er hins vegar sannfærð um að málinu er ekki lokið hér heima. 

Síðan hvenær hefur Sjávarútvegsráðherra völd til að ákveða hverjir fái bætur v/ mannréttindabrota?

Nefndin mun segja ísl. stjórnvöldum að ekki sé nóg gert fyrr en  bætur verði greiddar. Ég er viss um að þeir fá bætur eftir einum eða öðrum leiðum, en það verður ekki í gegn um Mannréttindadómstól Evrópu.  

[Sigurgeir Jónsson, 10.6.2008 kl. 13:11]

Það er ekkert því til fyrirstöðu Aðalheiður, að láta reyna á það hvort  hvort Mannrétindadómstóllinn tekur málið fyrir.Það verður einfaldlega að fá úrskurð Mannréttindadómstólsins í þessu máli eða sambærilegum málum.Frjálslyndi flokkurinn með lögfræðingana Jón Magnússon og Atla Gíslason, vinstri Grænir hljóta að vilja fá úrskurð dómstólsins, verður að taka af skarið til að eyða þessari óvissu.Sömuleiðis Samfylkingin.

[Sigurgeir Jónsson, 10.6.2008 kl. 13:16]

Þú ert kanski að afgreiða Mannréttinddómstól Evrópu sem ekki mannréttindadómstól Aðalheiður.Ertu viss um að Ragnar Aðalsteinsson sé sammála þér. Ég treysti Ragnari betur en þér,hann hefur farið með mörg mál fyrir dóminn og er með mál fyrir dómnum núna.

[Aðalheiður Ámundadóttir, 10.6.2008 kl. 13:26]

Sigurgeir. Ragnar er leiðbeinadi mín í lokaritgerð sem ég er að skrifa um þetta mál, hann þekkir málsmeðferðarreglur dómstólsins betur en nokkur annar hér á landi og trúðu mér, hann er mér sammála, því það er hann sem hefur frætt mig um flest sem ég veit varðandii dómstólinn...

Ég var að skrifa færslu um þessar pælingar á blogginu mínu. 

[Aðalheiður Ámundadóttir, 10.6.2008 kl. 13:29]

og eitt annað... sem er bara mín skoðun. Pólitíksir flokkar eiga ekki heima í réttarsölum mannréttindadómstóla (og ekki í neinum réttarsölum) stjórnmálaflokkar eiga því fyrir alla muni að halda sig fjærri dómsmálum sem einstaklingar reka... annað er óhollt

[Sigurgeir Jónsson, 10.6.2008 kl. 15:36]

Stjórnmálaflokkum sem og einstaklingum innan þeirra hlýtur að vera frjálst að reka mál fyrir dómstólum.Ef úgerðarmenn sem telja sig beitta órétti vegna kvótakerfisins á sambærilegan hátt og þeir útgerðarmenn sem sendu málið fyrir mannréttindanefndina,fá engan stuðning þeirra sem hæst láta um mannréttindabrot, til að fá greiddar skaðabætur í gegnum Mannrétindadómstól Evrópu,þá stjórnast það fólk af einhverjum öðrum hvötum en að mannréttindi skuli höfð í heiðri.Ég skora á þig Aðalheiður að fá álit Ragnars Aðalsteinssonar ,fyrst þú hefur aðgang að honum,á því hvort ekki sé hægt að senda málið, eða sambærilegt mál til Mannréttindadómstólsins og fá álit hans birt í dagblöðum.