Rangfærslur Kristins H. Gunnarssonar

Það virðist vera sem að Kristinn H Gunnarsson hafi vaknað eitthvað illa í morgun og ruglast í ríminu ef marka má viðtal hans við fréttamann RÚV í hádegisfréttum í dag.

Í gær samþykkti þingflokkur Frjálslynda flokksins ályktun um komu flóttamanna til Akraness en í niðurlagi samþykktarinnar var tekið undir með F-listanum á Akranesi um að stjórnvöld hefðu átt að standa betur að málinu en gert var.  Það studdu allir þingmenn Frjálslynda flokksins ályktunina nema einn og sá heitir Kristinn H Gunnarsson.

Á fundi miðstjórnar var síðan samþykkt afdráttarlaus ályktun sem ég lagði fram þar sem ítrekaður var stuðningsályktun þingflokks við Magnúsi Þór og F-listann á Akranesi.  Það voru einungis 3 af 18 sem greiddu atkvæði gegn tillögunni og hef ég vissu fyrir því að allir þingmenn flokksins hafi stutt tillöguna nema einn og sá heitir einmitt Kristinn H. Gunnarsson.

Það er mér algerlega óskiljanlegt hvernig Kristni H. Gunnarssyni geti dottið í hug að túlka atburði gærdagsins með þeim hætti að það sé uppi ágreiningur á milli miðstjórnar og þingflokks Frjálslynda flokksins.  Í áðurnefndum fréttatíma RÚV lætur hann líta út fyrir að miðstjórn flokksins sé ekki að virða samþykkt þingflokksins og fer þess á leit að hún sé virt en það er einmitt ályktunin sem hann treysti sér ekki til að styðja sjálfur!

Miklu nær væri að halda því fram að Kristinn ynni markvist að því að kljúfa sig frá þingflokki og miðstjórn Frjálslynda flokksins, sérstaklega í ljósi þess að í sömu mund og miðstjórnarfundurinn hófst í gær setti hann út grein á heimasíðu sína sem má túlka sem árás á afstöðu formanns og varaformann Frjálslynda flokksins í málinu.

 

Athugasemdir

[Johnny Rebel (IP-tala skráð) 24.5.2008 kl. 17:02]

Nei vá fenguð þið bætt við í undirlagið að X-F hefði haft rétt fyrir sér með að stjórnvöld hafi staðið illa að málunum. Þið eruð hetjur.

eða ekki........

Þið hafið sannað ykkur sem samansafn af aumingjum. Kristinn er vel geymdur í flokki ykkar.

Gefist upp þegar ráðist er á ykkur og breytið um skoðun á málunum. Þið eruð ómarktækar bleiður. 

[Guðmundur Óli (IP-tala skráð) 24.5.2008 kl. 17:21]

Þetta byrjar svona því miður, þegar þegar flokkaflakkarar komast til valda í stjórnmálaflokkum.

 Þá er látið til skarar skríða gegn þeim, sem þeim stendur ógn af.

Þetta er þekkt mynstur um byrjun á klofningi og óánægju.

Þetta finnst mér.

[Þröstur (IP-tala skráð) 24.5.2008 kl. 17:33]

Ég hef aldrei skilið þá ákvörðun ykkar Frjálslynda að hafa tekið hann Kristinn H. Gunnarsson inn í flokkinn. Hann er eins og laufblað sem berst með vindinum í allar áttir. Gjörsamlega óútreiknarlegur!

En ástæðan fyrir því að ég kaus Frjálslynda í síðustu kostningum er að ég hef miklar mætur af honum Magnúsi Þór Hafsteins og þér, Sigurjón! Þið ættuð báðir að vera á alþingi. Þiði verðið bara að koma sterkir inn í næstu kostningum.

[Johnny Rebel (IP-tala skráð) 24.5.2008 kl. 17:46]

Ég bakka ekki með skoðanir mínar og fer ekki að grenja þegar einhver ræðst á mig eða að mér. Það hafið þið hins vegar gert sem gerir ykkur að bæði aumingjum og ómarktækum flokki. Næst þegar þið skellið einhverju fram þá mun fólk hugsa að nú nægi að ráðast harðlega á ykkur og þá breytið þið skoðun ykkar. Ég held að enginn muni taka mark á ykkur í framtíðinni vegna þess sem þið hafið nú gjört. Ekki það að margir hafi gert það fyrir.

[Jónas (IP-tala skráð) 24.5.2008 kl. 17:55]

Þessi Jonny Rebel með uppreisnaseggsréttnefnið hangir á blogsíðum Frjálslyndra haldandi að einhver lesi þvæluna sem vellur taumlaus úr honum, það er nú öðru nær. Staðreyndin er sú að Samfylkingin er að keyra á útlendingastefnu sem hagfræðingur á þeim bæ samdi. Þessi hagfræðingur Samfylkingarinnar er þeirra Hannes Hólmsteinn og gengur stefnan út á að moka inn í landið eins mörgum útlendingum og hugsast getur í nafni hagvaxtar. Sjálfstæðisflokkurinn hefur leitt stefnu misskiptingar og hyglað auðmönnum. Samfylkingin hefur svikið alþýðuna og stefnir að því að gera íslendinga að annars flokks þegnum. Báða þessa flokka á að liggja bannorð við að kjósa í næstu kosningum!!

[Johnny Rebel (IP-tala skráð) 24.5.2008 kl. 18:11]

Þeir ættu kannski að hlusta á "þvæluna" í mér í staðinn fyrir að láta valta yfir sig vegna óbilandi trúar á að þeirra aðferðir virki best sem þær gera augljóslega ekki eins og sést hefur undanfarna daga. Fólk á bara í vandræðum með að svara mér enda hefur það lélega og ómarkvissa stefnu að verja.

Það má vel vera að Samfylkingin og Sjálfstæðisflokkurinn séu eins og frjálslyndir segja. Hitt er annað mál að Frjálslyndir hafa nú stutt þessi tvö öfl í flóttamannamálinu og þar með stutt innflytjendastefnu þeirra. Eru þeir einhverju betri? 

[Steinn Hafliðason, 24.5.2008 kl. 18:21]

Ég held að Johnny Rebel fái fá atkvæði í næstu kosningum en hann fer nú væntanlega ekki að grenja yfir því.

[Johnny Rebel (IP-tala skráð) 24.5.2008 kl. 18:29]

Ég á von á því að fá ekkert atkvæði enda hef ég engan áhuga á að bjóða mig fram

Ef ég myndi bjóða mig fram myndi ég allavega þora að tala um það sem ég lofaði og myndi ekki breyta um skoðun þegar það hentaði. 

[Jónas (IP-tala skráð) 24.5.2008 kl. 18:59]

Nei Viðar ég er ekki að ruglast á flokkum, það er Samfylkingin sem á þennan hagfræðing, Ágúst Einarsson og eru að keyra á stefnu hans sem miðar að því að koma fjöldanum hérna upp í 1 Milljón í nafni hagvaxtar sem ALLRA FYRST!. Sjálfstæðisflokkurinn á sinn Hólmstein og við vitum hvaða misskiptingu það hefur leitt yfir þjóðina. Stefna Samfylkingarinnar er ekki betri því hún gengur út á að gera Íslendinga að annars flokks þegnum!

[Johnny Rebel (IP-tala skráð) 24.5.2008 kl. 19:02]

Lestu skýrslu Ágústar. Hann talar um 3-5 milljónir.

[Sigurður Einarsson (IP-tala skráð) 24.5.2008 kl. 19:21]

Miðstjórn Frjálslynda flokksins fattar ekki um hvað málið snýst. Það var ekkert að því í sjálfum sér að spyrja spurninga og krefjast svara. Sem og Magnús þór gerði. En regin feill sem Magnús gerði, og miðstjórn Frjálslynda flokksins fattar ekki eða hefur ekki lesið greinagerð Magnúsar nógu vel.Er að Magnús lýsir yfir andstöðu við komu flóttamanna í sömu greinagerð þrátt fyrir að vera ekki búinn að fá svör við þeim spurningum sem hann lagði fram. Það er hinn stóri pólitíski feill Magnúsar og miðstjórnin tekur undir þetta. Þannig að með samþykkt miðstjórnar er flokkurinn farinn að tala tungum tveim. Tekur undir með Magnúsi með þær spurningar sem hann lagði fram, og lýsir jafnfram yfir stuðning við komu flóttamanna til landsins en ekki til Akranes samkvæmt ályktunni. Það er því ljóst að ályktun miðstjórnar er tómt rugl.

[B.N. (IP-tala skráð) 24.5.2008 kl. 20:54]

Ég vil byrja á að lýsa fullum stuðningi við viðhorf Kristins H.Gunnarssonar í þessu Magnúsamáli. Ég fæ ekki séð hvenrnig annars þessi ágæti maður Sigurjón Þórðarsson sem er hvers mans hugljúfi í leik og starfi, gáfnabrekka svo að maður fær ríg í hálsinn að hann skuli komast að þeirri niðurstöðu að málefnaskrá Frjálslynda flokksins sé helst til þarflaust plagg ef það fer gegn skoðunum einstakra manna innan flokksins.(ath. landsfundur samþykkir málefnaskrá sem miðstjórn getur ekki ekki breytt!!) Kristin H. Gunnarsson er stórmenni á pólitískan mælikvarða. Hann var góður sem alþýðubandalagsmaður,betri sem framsóknarmaður og nú blómstrar hjá Frjálslynda flokknum. Það er löngu kominn tími á að Kristin gefi það út að hann ætli að gefa kost á sér til formanns Frjálslynda flokksins sem kosið verður um á landsfundi á næsta ári. Þá mun slæða hinna mannlegu viðhorfa gilda nær og fjær og Frjálslyndir ná miklum árangri.

Hey, Hey,

Baldvin Nielsen, Reykjanesbæ stofnfélagi Frjálslynda flokksins og fyrrverandi miðstjórnarfélagi og meðlimur.

[Sigurður Jónsson (IP-tala skráð) 24.5.2008 kl. 21:58]

Kristinn H. er hryðjuverkamaður og málar sjálfan sig út í horn í öllum flokkum sem hann hefur haft viðkomu .

Hann á alls ekki heima á Alþingi Íslendinga þar sem hann er ofstopamaður. Ef hann væri foringi í herliði væri hann búin að skjóta alla sem ekki væru samþykkir honum og það er 99 % allra sem hann þarf að umgangast. Hitler var lagður í einelsti það er Kristinn H. Gunnarsson einnig og undrar engan sem hafa hitt hann tvisvar.

[Hallur Magnússon, 24.5.2008 kl. 22:41]

Þingflokksformaður Frjálslyndaflokksins á leið í Sjálfstæðisflokkinn?

[B.N. (IP-tala skráð) 24.5.2008 kl. 22:50]

Heil og sæll Einar Einarsson. Stór eru orð þín en farið hefur fé betra og vænna að hausti. Sannaðu til þó ég sé ekki lítill og þar með spámannlega vaxinn muntu eiga eftir að snúast hugur og fagna Kristni H. Gunnarssyni þegar hann sest í formannsstólinn að ári hjá Frjálslyndum.

Varðandi skrif þess sem kallar sig Sigurð Jónsson, ég segi svo að varla getur nokkur maður skrifað annað eins, um nokkurn mann hvað þá alþingismann,ætti að átta sig á því að til glöggvunar að hendur hans hafa tíu fingur og fætur hans tíu tær og væri hollt að hann legði í vana sinn að gaumgæfa þessa staðreynd 14 sinnum áður en hann setji hendur á lyklaborð . Nota bene heilræðavísur Hallgríms Péturssonar er gott heilræði

                                Með bestu friðarkveðju,

                             Baldvin Nielsen,Reykjanesbæ 

[B.N. (IP-tala skráð) 24.5.2008 kl. 23:30]

Sæll Viðar.

Þú ert nokkuð að sjá þetta til hliðar við það sem ég sagði. Dæmi úr heilræðavísum H.P.

Hugsa um það helst og fremst,

sem heiðurinn má næra.

Aldrei sá til æru kemst sem ekkert gott vill læra. 

Lærður er í lyndi glaður lof ber hann hjá þjóðum.

Hinn er ei nema hálfur maður sem hafnar siðum góðum.

Lítill látur, ljúfur og kátur,

leik þér ei úr máta.

Varast spjátur, hæðni, hlátur,

heimskir menn sig státa''.

Ég vona að þú skiljir betur hvað ég á við viðra ber alla menn og líka alþingismenn.

                             Með bestu friðarkveðju,

                         Baldvin Nielsen,Reykjanesbæ

[Guðrún Jóna Gunnarsdóttir, 24.5.2008 kl. 23:53]

Hvernig er þetta Sigurjón með stefnu FF í málefnum innflytjenda? Er hún önnur en sú opinbera stefna sem flokkurinn hefur gefið út? Ef svo er, væri ekki nær að skipta þeirri ,,gömlu" út og segja sannleikan eins og hann er?

Hver er þín stefna í þessum málaflokki?

[Johnny Rebel (IP-tala skráð) 25.5.2008 kl. 00:50]

Þeir vita ekki stefnuna sjálfir Guðrún. Ekki spyrja þessa menn of erfiðra spurninga því þeir svara þeim ekki.

[ari (IP-tala skráð) 25.5.2008 kl. 01:00]

Kristinn passaði ekki í Framsóknarflokkinn og passar ekki heldur í Frjálslynda Flokkinn. Alltaf á skjön við aðara í flokknnum sem hann er í. Hvað er/var hann að gera í þessum flokkum... og af hverju eru þessir flokkar að halda honum? 

[Magnús Helgi Björgvinsson, 25.5.2008 kl. 01:20]

Bara að minna þig Sigurjón á hvað Magnús sagði í upphafi þessa máls.

• Hann taldi að Akranes gæti ekki tekið við þessu fólki. Hann bar við að félagsleg vandmál væru þvílík á Akranesi að bærinn réði engan vegin við að taka á móti "Svona fólki" m..a að það væru 25 fjölskyldur sem biðu eftir félagslegu húsnæði á Akranesi. En þegar að bent var á að þetta ætti ekki að snerta almenn félagsleg úrræði þá dó þetta út hjá honum.
• Hann sagði að það væri miklu skynsamlegra að senda þessa peninga bara til þessa fólks og kaupa þjónustu fyrir þau þar sem væru. Það mundi nýta peningana miklu betur.
• Hann sagði að þetta fólk kynni ekki einu sinni stafrófið okkar.

Ég sé ekki hvað þetta er annað en tilraun til að skapa andúð gegn þessu fólki.

Það er gaman að velta fyrir sér hvernig frjálslyndir hefðu tekið á þessu ef þetta væri t.d. íslenskt fólk með fötlun sem ákvæði að taka sig saman og flytja með stuðningi frá ríkinu til Akranes. Mundu þau ekki skapa þarna sömu vandamál. Reyndu svo ekki að halda því fram að Magnús sé ekki að reyna að skapa tortryggni og andúð gegn þessum fyrirætlunum .

Bendi líka á að flóttamálastofnun hefur bent á að ekki sé búið að ákveða hverjir það eru sem koma hingað. Það þarf fyrst að fá sveitarfélag sem er tilbúið að taka á móti þeim. Síðan er farið út og fólki boðið að flytja hingað. Það er síðan valið úr þeim hóp sem hingað vill flytja. Því er ekki hægt að undirbúa allt fyrirfram. Mynni á að í þau skipti sem flóttamenn hafa flutt hingað hafa bæjarbúar unnið í samstarfi við Rauðakrossinn að því að útbúa húsnæði og fleira. En það má mikið vera ef að Magnúsi er ekki búið að takast að eyðileggja samstöðu um þetta verkefni á Akranesi.

[Jón Valur Jensson, 25.5.2008 kl. 02:02]

Það gengur ekki, Sigurjón, að vekja upp alla þessa umræðu og svara svo ENGU. Ekki er hann Viðar talsmaður þinn?

Verst þykir mér þó, að Magnús Þór skrifi svona lítið um þessi mál síðustu dagana – hann getur vel staðið fyrir sínu og þarf að gera það.

Verðug voru þau orð einhvers innflytjandans í sjónvarpi, að það er gott að umræðan komi upp alllöngu áður en fólkið kemur hingað.

Annars er margt undarlegt við þetta mál og einkum það að hafa ekki valið flóttafólk frá Súdan, þar sem útrýmingarherferðir standa yfir, bæði í vestur- og suðurhluta landsins og um fjórðungur milljónar þegar verið í hel komið af vígasveitum sem starfa undir verndarvæng islamiskrar ríkisstjórnar í Kartúm, sem nýtur sérlegs stuðnings Kínverja vegna viðskiptahagsmuna. Palestínufólkið sem er úr flóttamannabúðunum við sýrlenzku landamærin í Írak hefur ekki búið við árásir af þvílíkri stærðargráðu, þótt bæði Sýrlendingar og Írakar hafi reynzt þessum trúbræðrum sínum að mörgu leyti mjög illa og haldi þeim inni í ghettói, rétt eins og Jórdanir og Líbanir gerðu í stórum stíl og nú jafnvel Egyptar gagnvart Gazamönnum.

Eins og þeir ættu að liðsinna trúbræðrum sínum, ekki með vopnum, heldur með því að meðtaka þá, veita þeim ríkisborgararétt og styðja þá til atvinnu og mennta, þannig ættum við líka að styðja trúsystkini okkar, t.d. í Súdan og Írak, þar sem þau eru (í síðarnefnda landinu) ofsótt og hvorki erkibiskupi þeirra né alþýðumönnum hlíft, eins og Linda Einarsdóttir hefur einna mest fjallað um hérlendis.

Það gefur auga leið, að það er auðveldara fyrir kristna menn að aðlagast hér á landi en múslimska. En ég hef áður bent á þá staðreynd, að fyrir 2/3 af því fé, sem fer til þessara palestínsku flóttamanna hér á landi (a.m.k. fjórðung milljarðs á þessu ári og næsta), hefði mátt búa þeim glæsileg lífs- og menntunarskilyrði í einhverju múslimsku landanna við Miðjarðarhafið (þar sem arabíska er töluð), með því að semja um það við t.d. ríkisstjórn Túnis eða Marokkó, öllum aðilum þar til hagsbóta.

Ef það má ekki ræða þetta mál, þá er eitthvað að í okkar þjóðfélagi.

Með góðri kveðju, 

[Sigurjón Þórðarson, 25.5.2008 kl. 03:14]

Jón Valur, ég veit ekki betur en að ég hafi svarað flestum þeim spurningum sem hafa verið beint að mér en það stendur vissulega út af að svara Guðrúnu Gunnarsdóttur.  Ég mun gera það við tækifæri en mér fannst spurningin hennar að nokkru gildishlaðin.

[Johnny Rebel (IP-tala skráð) 25.5.2008 kl. 03:41]

Eftir atburði dagsins þar sem frjálslyndir "áréttuðu" stefnu sína og gerðu fyrri málflutning sinn í flóttamannamálinu ómerkann þá getur enginn tekið mark á þeim lengur. Kannski verða fleiri stefnumál þeirra "áréttuð"?

Þið mynduð gera sjálfum ykkur og öðrum mikinn greiða með að hætta umræðu um þessi mál. Þið hafið orðið "skoðanabræðrum" ykkar til þvílíkrar skammar og niðurlægingar með málflutningi ykkar og uppgjöf. Þið hafið í raun gert málstaðnum miklu meira ógagn en nokkru sinni gagn.

[Jón Kr. (IP-tala skráð) 25.5.2008 kl. 08:47]

Mig langar að benda sérstaklega á kosningaplaggið sem Viðar vísar til hér að ofan.  Þá sést að þessi neikvæða afstaða til innflytjenda er auðvitað ekki ný af nálinni hjá Frjálslynda flokknum.  Þetta klúður Magnúsar á Akranesi er auðvitað ekki einn og stakur atburður í þessu sambandi.

[Guðrún Jóna Gunnarsdóttir, 25.5.2008 kl. 09:16]

Takk fyrir þetta Sigurjón, ég bíð róleg eftir svari.

Viðar, ég hef einmitt lesið gaumgæfilega stefnu þá sem er birt á þeim vefslóðum sem þú vísar til. Finn ekki alveg samhljóm með henni og  skrifum og áherslum ykkar félaga. Því er heiðarlegast að spyrrja hreint út til að fá skýringar og koma í veg fyrir misskilning

[Jón Kr. (IP-tala skráð) 25.5.2008 kl. 09:32]

Guðrún Jóna.  Ekki hélt ég að það ætti fyrir mér að liggja að verja skrif Viðars Helga hér á þessum þræði.  En ég verð þó að segja að það er rétt hjá honum að það er mikill samhljómur á milli málflutnings Magnúsar og svo þessa skjals sem Viðar vísar í: http://xf.is/Files/Skra_0018650.pdf

Þeir punktar sem taldir eru upp á þessu skjali er að innflytjendur lækki laun og taki vinnu af Íslendingum, velferðakerfið þoli ekki að við tökum á móti innflytjendum, innflytjendur séu þegar of margir og við náum ekki að kenna sinna því fólki sem kemur með Íslenskukennslu og fleiru.

Það er svo af og frá að fordómafull umræða sé ný af nálinni hjá Frjálslynda flokknum.

[Jóhann Elíasson, 25.5.2008 kl. 10:45]

Ég veit nú ekki betur en að Kristni H. Gunnarssyni hafi tekist að "kljúfa" alla flokka sem hann hefur komið nálægt.  Hann er versti "ódráttur" sem nokkur flokkur getur fengið, það hefur sýnt sig svo ekki verður um villst að maðurinn rekst afskaplega illa innan hóps.

[Óðinn Þórisson, 25.5.2008 kl. 10:47]

 Ekkert sem Kristinn gerir kemur mér á óvart - það hlýtur að styttast í að hann skipti um flokk.

[Árni Gunnarsson, 25.5.2008 kl. 13:28]

Það má ræða innflytjendastefnu okkar í vinnuskúrum, í kaffistofum og hverjum ótilgreindum "málstofum" samfélagsins og. Mér er fullkunnugt að þar gengur þessi umræða flest á annan veg en þann eina sem samþykktur er af andstæðingum Frjálslynda flokksins.

Það er heimskulegt að á þeim viðkvæma tíma sem við lifum á núna og snýst um stóraukinn fjölda innflytjenda sem nemur hátt á annan tug þúsunda má ekki ræða nein vandamál sem af þessu hafa hlotist hjá öðrum þjóðum og kunna óbreyttu að minna á sig hér.

Ég tek ekki hér neina afstöðu til þeirra deilna sem nú hafa risið milli Magnúsar Þ. og Krisrins H.  Það er ekki stærsta málið en aðeins hluti af því.

Ég leyfi mér að spyrja hvort allt þetta hjartahlýja fólk í garð innflytjenda ætlist til að þeir verði þriðja flokks borgarar? Ég tel mig vita að svo muni ekki vera. Þá spyr ég að því hvaða líkur muni vera á því að velferðarkerfi okkar sé við því búið að takast á við þær skyldur sem fylgja samfélagslegri ábyrgð á hverjum ríkisborgara ef fjölgun verður sú er í stefnir og margir krefjast?

Það má spyrja að því af hverju við tökum ekki á móti 6000 flóttamönnum? Það má spyrja að því með sömu rökum og margir leyfa sér að nota í umræðu um þetta mál.

Hvers vegna munum við sleppa við trúarbragða-og menningarátök þau sem nágrannar okkar eru nú að berjast við með litlum eða engum árangri?  Kannski má leysa þau með því að kalla talsmenn Frj. fl. rasista og aumingja! Hver veit?

Sumir telja sér skylt að bera ábyrgð á orðum sínum en ekki er það þó algilt; því miður. Allmargir hafa leyft sér að tala niðrandi um alþingismanninn Jón Magnússon og tengja við hann meinta ógæfu Frjálslynda flokksins! Þessu fylgja auðvitað rök sem hæfa málflutningnum,-semsagt engin rök.

Á slíkum málflutningi mun seint verða tekið mark. En sumir gera auðvitað ekki svo háar kröfur til sjálfs sín að á þem sé tekið mark.

Aðeins örlítil viðbót: Margir hafa tekið samanburð af flutningi Íslendinga til annara þjóða tímabundið eða varanlega og sagt sem svo að andstæðingar óhefts innflytjendaflæðis hingað ræði nú ekki mikið um slíka hluti sem vandamál fyrir þær þjóðir!

Þá er einföldunin orðin mikil ef sambærilegt telst þegar annars vegar 20-30 þús. manns frá Íslandi sest að og dreifist um þjóðlönd sem telja hundruð milljóna, og hinsvegar þegar tugir þúsunda fólks frá hinum ýmsu menningar-og trúarheimum flytjast til landfræðilega einangraðs eyríkis með 300 þúsund!

Eins og nú gæti stefnt í óbreyttu.

þETTA ER AUÐVITAÐ EKKI BOÐLEGUR SAMANBURÐUR OG SEGIR MIKLA SÖGU UM ÞÁ SEM HANN TILHEYRIR. 

[Sigurjón Þórðarson, 25.5.2008 kl. 15:56]

Guðrún Jóna,  stefnan hefur ekkert breyst í málefnum flóttafólks.

Síðan Frjálslyndi flokkurinn hóf umræðu um málefni útlendinga þá hafa verið notuð mjög stór orð um mig og félaga mína Magnús Þór, Jón Magnússon, Guðjón Arnar ofl.. 

Einna lengst hefur gengið fyrrum ritstjóri sorpblaðs sem lagði upp laupana í kjölfar ritstjórnar hans, en sá heitir Illugi Jökulsson en hann hefur ekki einungis ráðist að persónum áðurgreindra manna heldur einnig dregið maka formannsins inn í skrifin og reynt að gera sér mat úr því að eiginkonan væri pólsk.

Nú í kjölfar þess að Magnús Þór Hafsteinsson setti spurningamerki við komu 60 flóttamanna til Akraness og vildi að það væri farið yfir ákveðna þætti, þá byrjaði sami söngurinn á ný.  Rifjað var upp rasista talið og sóðaskrif bárust frá þeim sem vilja halda allri málefnalegri umræðu um málin niðri s.s. skrif Össurar Skarphéðinssonar, Gríms Atlasonar og Illuga Jökulssonar.

Það er rétt að fara yfir það með gagnrýnum hætti hvernig t.d. Svíum hefur tekist til í móttöku flóttamanna en á skrifum Samfylkingarmanna sem sum hver eru kennd við einhver fræði er fullyrt að þar gangi hlutirnir með þeim hætti að varla beri skugga á.  Vel að merkja þá hefur umræða um þessi mál verið tabú, rétt eins og að Samfylkingin vill að þeir verði hér.

Í Svíþjóð má ekki nefna það að alvarlegir glæpir eru  tengdir ákveðnum þjóðernum sem ekki eru af sænsku bergi brotið.  Í einu hverfi Malmö þar sem búa vel á þriðja tugþúsunda íbua sem eingöngu eru innflytjendur eða afkomendur þeirra er atvinnuleysi og glæpir gríðarlegt vandamál.  Nefndar hafa verið atvinnuleysistölur í kringum 70 - 80% og að samfélagið sé svo aðskilið "sænsku" samfélagi að dæmi er um börn sem eru fædd og uppalin í hverfinu tali mjög bjagaða sænsku.

Ég er sannfærður um að umræða um þessi mál sé mikilvæg og að t.d. Svíar hafi með þöggun sinni á gagnrýnni umræðu með því að úthrópa hana sem vonda sé ekki farsæl leið. 

Það er auðvelt að snúa út úr hreinskilinni umræðu um þessi mál eins og fólk hefur séð á undanförnum vikum hér í athugasemdum hér á síðunni og víðar ef vilji er til. Það er samt helvíti hart að verða vitni að því að formaður þingflokks Frjálslynda flokksins skuli stunda þann leik og koma í bakið á varaformanni og formanni Frjálslynda flokksins með rangfærslum í máli sem er  afar viðkvæmt. 

[Skorri (IP-tala skráð) 25.5.2008 kl. 16:06]

Ég vil svo mikið taka undir með honum Jóni Vali hér að ofan:

"Það gefur auga leið, að það er auðveldara fyrir kristna menn að aðlagast hér á landi en múslimska. En ég hef áður bent á þá staðreynd, að fyrir 2/3 af því fé, sem fer til þessara palestínsku flóttamanna hér á landi (a.m.k. fjórðung milljarðs á þessu ári og næsta), hefði mátt búa þeim glæsileg lífs- og menntunarskilyrði í einhverju múslimsku landanna við Miðjarðarhafið (þar sem arabíska er töluð), með því að semja um það við t.d. ríkisstjórn Túnis eða Marokkó, öllum aðilum þar til hagsbóta."

Hefur þessi vinkill ekki verið skoðaður?

[Gunnar (IP-tala skráð) 25.5.2008 kl. 16:17]

Skorri: Þessi vinkill?

Held að hann hafi verið flokkaður undir rasisma, eins og allt annað í kringum þetta mál.

Samfylkingin og fylgismenn hennar eru eins og hysterískir og móðursjúkir kjánar í þessu máli. 

Ekki má ræða mál innflytjenda að þá er viðkomandi rasisti og bölvaður óþokki, síðan étur fólk þetta upp eftir þeim og heldur þessari vitleysu áfram.

Hvernig er ástandið í glæpagengjum útlendinga hér á landi í dag??? og í guðanna bænum ekki segja að Íslendingar fremji glæpi líka, ÞVÍ ÞAÐ KEMUR MÁLINU EKKERT VIÐ. Íslenskir glæpamenn eru sama vandamál og alltaf en engin ástæða er til að flytja inn fleirri glæpamenn, sérstaklega á meðan lögreglan getur varla sinnt almennri löggæslu hér á landi því embættin eru fjársvelt.

Hvað er eiginlega að gerast með landann? Eru allir orðnir ruglaðir?

Það má varla segja orðið "útlendingur" lengur að þá er viðkomandi bara kynþáttahatari og óþverri. HVAÐ ER AÐ EIGINLEGA?!!?!?

Farið aðeins að hugsa!

[Kolgrima, 25.5.2008 kl. 16:37]

Sigurjón, það er ekki sama hvernig hlutirnir eru sagðir. Og stundum kemur orðalag upp um skoðanir fólks á öðru fólki - heldurðu að það sé tilviljun að svo margir, þ.m.t. kjósendur flokksins, skuli telja ykkur talsmenn þeirra sem er í nöp við ókunnugt fólk úti í heimi?

Ég þekki ekki þessi skrif sem þú vísar til en virðist hafa komist að svipaðri niðurstöðu og Illugi eins og þú lýsir henni en það gerði ég einungis með því að lesa skrif talsmanna Frjálslynda flokksins og kjósenda  hans. Sá aldrei blaðið hans Illuga, það berst illa um sveitir landsins.

Ég hef búið í fjölmenningarþjóðfélagi og var þar útlendingur sjálf, kynnst borgum með hverfum, nefndum eftir fólki af misjöfnu þjóðerni, s.s. frá Kína, Indlandi og löndum í Norður Afríku svo eitthvað sé nefnt, en kannast ekki við lýsingar ykkar á þeirri óöld sem þar ætti að ríkja, skv. ykkar skrifum. Nema síður sé. 

Hafi Svíar gert óskapleg mistök varðandi innflytjendur, ættum við að fagna því að geta lært af þeim, í stað þess að nota þau sem hræðsluáróður, eins og mér finnst þið gera. Til dæmis með því að sjá til þess að börn af erlendum uppruna læri tungumálið. Því hefur ekki verið sinnt nógu vel hér á landi og á því þarf að taka. Til dæmis með því að gera leikskóla skólaskyldan frá fjögurra ára aldri og hætta að einangra útlend börn í deildum fyrir útlendinga þar sem þau virðast verða fantagóð í ensku en komast hjá að læra íslensku. 

[Guðrún Jóna Gunnarsdóttir, 25.5.2008 kl. 16:58]

Ekki finn ég svarið enn við spurningu minni Sigurjón, þarf að liggja betur yfir skrifum þínum. Það vill svo til að ég er einstaklingur með sjálfstæðar skoðanir eins og þú þekkir, óháð því hverra manna ég er.

Við Jóhann nokkurn Elíasson vil ég segja; þú tekur ansi stórt upp í þig án nokkurs rökstuðnings. Ekki kannast ég við að Kristinn hafi klofið neinn flokk sem hann hefur verið í. Mér finnst þetta þreytt og sjúskuð  umræða.  Alþýðubandalagið  lagði upp laupana og hann kaus að fara ekki í Samfylkinguna. Hvar er klofningurinn þar?

Í framsóknarflokknum var Kristinn málsvari almennra flokksmanna og  var stefnu flokksins trúr. Framsóknarflokkurinn hefur alla tíð verið klofinn í tvennt og rétt er að benda á sögulegar staðreyndir í þeim efnum. Þó keyrði um þverbak þegar Halldór vann gegn sínum formanni 1991 og náði síðan yfirhöndinni 1994. Sá meirihluti sem myndaðist þá í kringum Halldór er enn við lýði; gegn Guðna arminum. Klofningurin heldur áfram og ekki er hægt að kenna Kristni um hann eða hvað?  Hvernig kemur klofningur frá Kristni þar fram?

Ég hef ekki orðið vör við annað en að Kristinn hafi starfað af heilindum hjá FF og verið opinberri stefnu flokksins trúr, ekki síst í málefnum innflytjenda. Hvar og í hvaða málum hefur Kristni tekist að kljúfa flokkinn?

Hver er staðan innan FF frá sjónarhóli áhorfanda? Jú, Sigurjón, þú ert ósáttur eftir síðustu kosningar, skiljanlega og fékkst ekki þann framgang sem þú ætlaðir innan forystunnar. Mér hefur virst þú kenna Kristni alfarið um það, hvernig sem þú kemst að þeirri niðurstöðu. Guðjón Arnar hefur hingað til verið maður sinna ákvarðana.

Magnús Þór beið einnig afhroð í síðustu alþingiskosningunum. Kom það einhverjum á óvart í ljósi síðustu sveitarstjórnarkosnina? Magnús er eðlilega fúll og ósáttur. Ekki fæ ég séð hvernig Kristinn kom að þeim málum.

Jón Magnússon kom inn í FF og klauf innganga hans flokkinn í herðar niður með eftirminnilegumm  hætti. Margrét Sverrisdóttir gekk út ásamt fjölmorgum öðrum. Bagaleg staða korter fyrir kosningar. Allt frá komu hans í flokkinn hefur kraumað og bullað óánægja og valdabarátta. Það hafa verið stríðandi fylkingar líkt og innan Framsóknarflokksins. Þú Sigurjón, Magnús Þór og Viðar hafið fylkt ykkur utan um þann leiðtoga ykkar - ekki formanninn. Ég er fullviss um það að Jón mun ekki launa ykkur hollustu ykkar þegar á reynir. 

Sá maður sem einmitt hefur litað innflytjendaumræðuna dökkum litum, einkum gegn múslimum er einmitt Idolið ykkar. Um það snýst gagnrýni mín og margra annarra.

Ég tel mig þekkja nokkuð til þinna starfa Sigrujón og hefði seint trúað öðru en að þú myndir standa að sameiningu flokksmanna.  Um það snýst málið, að ná innbyrðis sáttum og málamiðlunum í stað þess að vera eins og gaggandi hænur, ýmist í fjölmiðlum eða á blogginu líkt og félagar þínir ástunda. Þú mátt þó eiga það að öllu jöfnu ferð þú ekki niður á það plan.

Ég hef sagt það áður og ítreka það hér að ég get fallist á margt í rökstuðningi Magnúsar en aðferðarfræðin var röng. Það er gríðalegt áhyggjuefni hversu mikinn ofsa hann og sumir aðrir sýna í hvert sinn sem menn eru þeim ekki sammála eða koma með gagnrýni. Viðar er ungur og eldheitur stjórnmálakandidat og ugglaust höfðar hann til hóps manna, einkum ungra manna. Ekki til til mín, mér blöskrar hitinn og offorsið. Það sama get ég sagt um Magnús Þór sem þarf að fara að gíra sig niður. Það er engum hollt að vera alltaf á háa C-inu. 

Menn hafa flakkað á milli flokka af ýmsum ástæðum og hef ég gert það að umtalsefni mínu. Nefndi m.a. Jón M í því samhengi og fékk hörð viðbrögð. En þegar menn halda úti sjúskaðri umræðu um flokkaflakk og klofining er rétt að þeir fylgi henni með málefnalegum rökstuðningi, vilji þeir láta taka sig alvarlega 

[Jón Kr. (IP-tala skráð) 25.5.2008 kl. 18:33]

Gunnar segir hér að ofan: 

Það má varla segja orðið "útlendingur" lengur að þá er viðkomandi bara kynþáttahatari og óþverri. HVAÐ ER AÐ EIGINLEGA?!!?!?

Þetta er auðvitað alrangt því auðvitað er ekki verið að forðast umræðu um útlendinga.  En eins og Frjálslyndir hafa stillt upp þessum málum þá mega þeir búast við að vera kenndir við bæði kynþáttahatur og óþverhátt.

[Johnny Rebel (IP-tala skráð) 25.5.2008 kl. 19:22]

Viðar: Ég veit að þið hafið aldrei lagst gegn því en að hafa "áréttað" skoðun sína í Akurnesarmálinu vegna þrýstings annara flokka og manna finnst mér óttalega lélegt. Næst þegar þið talið gegn of miklum straumi erlendra verkamanna t.d. er voðalega erfitt að taka mark á ykkur því sú skoðun gæti verið "áréttuð" líka. Eins í raun með allar skoðanir ykkar. Þið virðist ekki standa fastir á ykkar.

Mér finnst undarlegt að maður eins og þú, alveg ljómandi góður populisti, skulir vera að hanga í þessum flokki því ég tel þig geta gert miklu betur utan hans. Ég er ekki að nota orðið "populisti" hér til að tala niður til þín enda finnst mér sú stefna ekkert endilega verri en hver önnur "lýðræðisstefna".

Andstæðingar ykkar væna ykkur sífellt um kynþáttahyggju, nasisma og annað slíkt og þið fallið í þá gildru að afsaka ykkur og koma ykkur þar með í nauðavörn. Ég held að nánast allir viti í raun að þið tengist þessu tvennu ekki á neinn hátt en nota þetta til þess  að eyðileggja fyrir ykkur og hindra umræður við ykkur. Ef þú lest málefnin.com má sjá að fólk þar er að vakta allar síðurnar ykkar og finnur sér minnsta tilefni til að bendla ykkur við slíkt.

Þið verðið að snúa vörn í sókn og það sem fyrst. 

[Johnny Rebel (IP-tala skráð) 25.5.2008 kl. 19:39]

Carl Ivar Hagen er ekki lengur formaður FRP og flokkurinn virðist vera orðinn voða "softcore mainstream" flokkur eftir brottför hans þaðan. Flokkurinn fékk 22,1% atkvæða í síðustu kosningum en ekki virðast innflytjendamálin batna nokkurn skapaðann hlut í Noregi þrátt fyrir það. Aðlögun virkar ekki og hefur aldrei gert. Það þarf mun rótækari stefnu til að koma breytingum í gegn.

[Jón Valur Jensson, 25.5.2008 kl. 19:58]

Jæja, Sigurjón, nú þú ert þó alltjent farinn að taka þátt í umræðunni hér á vefslóðinni, en þú hafðir ekki lagt eitt orð til málanna eftir ritun greinarinnar hér efst, þegar ég setti inn mína aths. kl. 2:02. En það var einmitt þetta sem ég vildi sjá, viðbrögð þín við þróun umræðunnar, en bað hins vegar ekki um svar við neinum spurningum.

Ég þakka Skorra aths. hans kl. 16:06.

Árni Gunnarsson, sá spakvitri maður og öfgalausi, á hér gott innlegg kl. 13:28, og frásögn Ingunnar Guðnadóttur kl. 16:06 er athyglisverð.

[Johnny Rebel (IP-tala skráð) 25.5.2008 kl. 20:56]

Viðar: Við verðum bara að vera ósammála um flokkinn, fátt við því að gera. Ef þú og Magnús mynduð taka af skarið, fara út úr flokknum og stofna nýjan þá tel ég að þið mynduð njóta mun meira fylgis og fá öflugri mannskap til liðs við ykkur.

En ég tek undir að gaman væri að fá skýra stefnu frá ykkur því hana tel ég mig ekki finna í handbók ykkar sem ég hef þó lesið og átti eintak af áður en ég týndi því eða einfaldlega henti því (man ekki hvort var).

Góðir hlutir gerast kannski hægt en nú hafa kjósendur ykkar beðið í 10 ár eftir viðunandi árangri og finnst mér það vera fullhægt.

Þið eruð kannski á vaxtarárum en ef stefnan verður ekki skerpt (eins og þú telur líklegt að gerist) þá tel ég ykkur vera á lokasprettinum. 

[Magnús Helgi Björgvinsson, 25.5.2008 kl. 22:57]

Þegar fólk er að tala um vandamál í Noregi og fleiri stöðum er talað um þetta eins og að löndin séu að fara á hliðina vegna útlendinga. Ég leyfi mér að efast um að þetta sé satt. Auðvita eru einhver vandamál. En að tala um þau eins og þau séu að kollvarpa löndum eins og Danmörku, Svíþjóð og Noregi held ég að séu stórkostlegar ýkjur. Og vandamálin sem komin eru upp núna eru líkleg til að hverfa með 2 eða þriðju kynslóð fólks ef rétt er haldið á málum.

[Jón Kr. (IP-tala skráð) 25.5.2008 kl. 23:25]

Eitt er að ræða um þau vandamál sem tengjast innflytjendum og annað er að ala á fordómum gegn þeim hópi líkt og FF hefur gert.  Fátt er betur til þess fallið að skapa hér alvarleg vandamál og árekstra milli innflytjenda og Íslendinga en það fordómafulla lýðskrum sem einkennt hefur málflutning Frjálslynda.

[Árni Gunnarsson, 25.5.2008 kl. 23:34]

Fátt er betur til þess fallið að skapa hér árekstra og alvarleg vandamál en það að leyfa ekki skoðanaskipti um eitt viðkvæmasta mál samfélagsins ef til framtíðar er horft.

[B.N. (IP-tala skráð) 25.5.2008 kl. 23:42]

Samkvæmt lögum Frjálslynda flokksins sem voru samþykkt á landsfundi árið 2007 má sjá stefnu flokksins í máli innflytjenda og flóttafólks.(Hvað var það aftur sem Sigurjón Þórðarsson skildi ekki í rökum Kristins H.Gunnarssonar?) 

4. gr.Landsþing.,,Landsþing hefur æðsta vald í málefnum Frjálslynda flokksins.  Landsþing mótar stefnu flokksins bæði á almennum, breiðum grundvelli, og í einstökum málaflokkum. Landsþing skal halda annað hvert ár, en þó er miðstjórn heimilt að boða til Landsþings fyrr séu brýnar ástæður til að hennar mati.'' 

    INNFLYTJENDUR OG FLÓTTAFÓLK

,,Leggja þarf aukna áherslu á íslenskukunnáttu innflytjenda til að auðvelda þeim

þátttöku í íslensku þjóðfélagi. Tryggja ber að þessi hópur njóti félagslegs jafnréttis

og geti tekið fullan þátt í samfélaginu, öllum til hagsbóta.

Íslenskt þjóðfélag mun í framtíðinni að hluta til verða myndað af hópum fólks

sem á rætur að rekja til ólíkra menningarheima. Frjálslyndi flokkurinn telur að

tilkoma fólks af erlendu bergi brotið leiði til víðsýni meðal þjóðarinnar og auki

samkeppnishæfni hennar á alþjóðavettvangi.

Ísland á ekki að skorast undan ábyrgð í málefnum flóttafólks. Einnig ber Íslendingum

að taka þátt í mannúðar- og hjálparstarfi á erlendum vettvangi''.

Baldvin Nielsen, Reykjanesbæ

[Johnny Rebel (IP-tala skráð) 25.5.2008 kl. 23:51]

Rétt er það Ingunn að hann þurfti hvað eftir annað að fást við menn sem þessa eins og Frjálslyndir gera í dag. Ég man samt aldrei eftir að Kalli hafi gefist upp og ég ráðlegg ykkur að gefast ekki upp heldur þótt að á móti blási. Ef þið gerið það þá gefið þið þessu liði þau skilaboð að kúgunaraðferðir þeirra virki og það hreinlega má ekki. Get ekki lýst því hversu pirraður ég var í gær og er enn að flokkur ykkar skyldi bakka og gefa eftir út af þessum vitleysingum

[Jón Kr. (IP-tala skráð) 26.5.2008 kl. 00:27]

Árni Gunnarsson.  Skoðanaskipti eru auðvitað ágæt og ég hef ekki talað um að banna þau eða reynt að stoppa þau.  En það að ala á fordómum er samt ekki leiðin til að koma í veg fyrir vandamál varðandi innflytjendur. 

Árekstrar milli innflytjenda og Íslendinga hafa verið að aukast og útlendingar finna fyrir vaxandi fordómum og andúð hér á landi.  Þar ber Frjálslyndi flokkurinn mikla ábyrgð.  Sá flokkur hefur verið með tilefnislaust lýðskrum í málefnum innflytjenda þar sem innflytjendum er gjarnan stillt upp sem sérstökum óvinum og andstæðingum sem fremji glæpi, taki vinnu frá verkafólki og sé þung birgði á heilbrigðiskerfinu svo eitthvað sé nefnt (sjá t.d. kosningaáróðurinn sem Viðar Helgi vísar í hér að ofan).

Sigurjón Þórðarson hefur ekki verið barnanna bestur í þessum efnum og hann hefur miklu frekar en ég reynt að stoppa umræðu.  Þegar ég var á lista VG í NA-kjördæmi fyrir síðustu kosningar þá klagaði hann mig ítrekað til kosningastjóra vegna gagnrýni minnar á Frjálslynda flokkinn.  Svo fór að ég hitti Sigurjón á kosningaskrifstofunni þar sem hann var við þriðja mann.  Þar var meðal annars talað illa um múslima og hversu óæskilegir þegnar þeir væru hér á landi auk þess sem brennivín og mellur bara á góma, ef ég man rétt.

Ég spurði Sigurjón hér nýlega á blogginu hvort þessar skoðun hans að múslímar væru óalandi lýður sem ætti að halda utan íslenskrar landhelgi, hefði haft áhrif á afstöðu hans til þessara palestínsku kvenna.  Hann hefur ekki enn svarað því.

[Jón Valur Jensson, 26.5.2008 kl. 02:45]

Hver er þessi Jón Kr., sem hér talar? Það væri fróðlegt að fá að vita það, en víst er, að hann er í Vinstri grænum, og kann það að skýra ásókn hans og áróður gegn FF, enda hefur Sigurjóni gengið vel að afla fylgis í sínu glænýja NA–kjördæmi, þangað sem hann var allt í einu sendur til að rýmka fyrir Kristni H. (í NV-kjördæmi), og höfðu Frjálslyndir þó sáralítinn stuðning haft áður í NA-kjördæmi. Ég get hvorki tekið mark á þessum orðum nafna míns hér (ennþá síður en hann sjálfur treystir minni sínu!) né á ýmsum fullyrðingum hans í innlegginu 25.5. kl. 9:32.

[Ingólfur, 26.5.2008 kl. 03:07]

Sigurjón, Kristinn tala í grein sinni um að íslendingar, sem ein ríkasta þjóð heims, eigi að axla sína ábyrgð og taka á móti flóttafólki. Svo segir hann frá því hve vel móttaka flóttamanna hefur gengið og í niðurlagi greinarinnar segir hann:

"Ég get ekki tekið undir málflutning sem er til þess fallin að sá efasemdum og tortryggni í garð flóttamanna eða dregur í efa getu einstakra sveitarfélaga til þess að taka við hópi flóttamanna. Ég vil hvetja til þess að menn láti af slíku háttalagi og sameinist frekar í því verkefni að sýna flóttamönnum að þeir séu velkomnir til landsins og að óskað er eftir þátttöku þeirra í samfélaginu. Umræða um einstaka þætti sem varða málefni flóttamanna er þörf en hún á að grundvallast á viljanum til þess að gefa þeim kost á því að lifa og starfa í íslensku þjóðfélagi."

Hann segist ekki geta tekið undir málflutning sem er til þess fallinn að sá tortryggni í garð flóttamanna, og því er hann "að kljúfa sig frá þingflokki og miðstjórn Frjálslynda flokksins", samkvæmt þessari grein þinni.

Þarna er ég alveg fullkomlega sammála þér. Stefna FF í útlendingamálum snýst um að gera útlendinga tortryggilega. Og ef þingmaður ykkar tekur ekki undir þá stefnu að þá er hann að kljúfa sig frá flokknum.

Þið sláið fram spurningum, eins og:

"VILJUM VIÐ SITJA UPPI MEÐ SÖMU VANDAMÁL OG AÐRAR ÞJÓÐIR SEM HAFA LEYFT ÓHINDRAÐAN INNFLUTNING ERLENDS VINNUAFLS?"

"Hver verða kaup og kjör íslenskra iðnaðarmanna og byggingaverkamanna þegar um hægist á vinnumarkaði?"

"Erum við að leggja of mikið á velferðarkerfið eð ótakmörkuðum innflutningi rlends vinnuafls á skömmum tíma"

Þið eruð ekki að koma með neinar lausnir, eins og hvernig væri hægt að hvetja innflytjendur til þess að læra málið betur og mennta sig. Eða hvernig væri hægt að tryggja að erlennt vinnuafl fái laun samkvæmt íslenskum samningum.

Nei, þið viljið bara koma í veg fyrir að útlendingar komi hingað PUNKTUR

Magnús Þór hefði líka getað komið með tillögur um hvernig Akranesbær gæti undirbúið sig, þannig að móttaka flóttamannanna gengi sem best, komið með uppbyggilega gagnrýni, en nei, hann vildi einfaldlega ekki fá þá.

Þú segir reyndar að "Magnús Þór Hafsteinsson setti spurningamerki við komu 60 flóttamanna til Akraness og vildi að það væri farið yfir ákveðna þætti"

Þetta er einfaldlega rangt hjá þér. Hann var ekki bara að setja spurningarmerki eða benda á sitthvað sem mætti bæta heldur vill hann einfaldlega ekki fá þessa flóttamenn hingað. Frekar ætti að hjálpa þeim heima hjá sér, þó hann viti að þeir eigi hvergi heima.

[Magnús Helgi Björgvinsson, 26.5.2008 kl. 09:12]

Vildir bara taka undir með Ingólfi hér að ofan. Var einmitt í gær að setja inn athugasemd á öðru bloggi þar sem ég sagði m.a.

Þetta væri að mínu mati ekki orðið að þessu vandamáli í dag ef að menn hefðu ekki rokið í fjölmiðla með umræðu um að þessir flóttamenn mundu valda því að fólk á Akranesi fengju ekki þjónustu frá félagsmála yfirvöldum. Að skólar gætu ekki tekið við þeim, að þau kynnu ekki okkar stafróf og svo framvegis. Og best væri bara að senda þeim peninga og hjálpa þeim þar.

Málið hefði ekki tekið þessa stefnu ef að viðkomandi menn á Akranesi hefðu sagt:

• Til að geta tekið sómasamlega á móti þeim þurfum við að efla skóla og leikskóla
• Við þurfum að tryggja að viðkomandi flóttamenn fái alla þá þjónustu og menntun til að þeir eigi auðveldara með aðlögun.
• Við þurfum að tryggja að þó þeir komi til okkar þá verði tryggt að félagsþjónustan verði í stakk búin að takast á við þessi verkefni til viðbótar öðrum.

Þetta er allt spurning um orðalag. Og í orðalagi Magnúsar Þórs í viðtölum sérstaklega áður en að gagnrýni á hann byrjaði mátti lesa að hann vildi bæði að Akranes og Ísland væri laust við að taka við þessu fólki.

[Stefán (IP-tala skráð) 26.5.2008 kl. 11:05]

Það hlýtur að taka flokkaflakkarann Kristinn H Gunnarsson all nokkurn tíma á morgnana að átta sig á því í hvaða stjórnmálaflkokki hann er staddur í dag. Svo þarf hann náttúrulega að finna sér málefni til að vera á móti í viðkomandi stjórnmálaflokki, því að á því virðist hann þrífast í stjórnmálum. 

[B.N. (IP-tala skráð) 26.5.2008 kl. 11:36]

Þessi pistil hér fyrir neðan sem Krístin H.Gunnarsson skrifaði og birtist á heimasíðu hans er í samræmi við málefna skrá Frjálslynda flokksins sem samþykkt var af æðstu stofnun  flokksins Landsþingsins. Guðjón Arnar formaður, og meirihluti miðstjórnar hafa brotið gegn lögum flokksins með því að taka pólinn í hæðina að segja að Frjálslyndi flokkurinn styðji Magnús Þór Hafsteinsson í máli þessu. Hvað þeir vilja persónulega í sínu nafni er annað mál.              Þingflokkurinn styður komu flóttamanna 25. maí 2008 ,,Þingflokkur Frjálslynda flokksins hefur gert samþykkt um málefni flóttamanna og væntanlega komu flóttafólks til Akraness. Fyrri hluti ályktunarinnar er almenn stefnumörkun í málefnum flóttamanna en í síðari hlutanum er fjallað með gagnrýnum hætti um Akranesmálið. Fram hefur komið að ágreiningur var í þingflokknum, en hann afmarkaðist við Akraneskaflann. Ég er ekki sammála málflutningnum í því máli og tel að stjórnvöld hafi staðið sig vel á undanförnum málum við móttöku flóttamanna og að ástæðulaust sé að leggjast gegn því að Akraneskaupstaður taki að sér næsta hóp. Þvert á móti tel ég að fagna eigi vilja ríkisstjórnarinnar í þessum efnum og vinna með henni að því að láta komu og dvöl erlendu flóttamannanna ganga sem best. Vert er að vekja sérstaka athygli á því að samstaða náðist í þingflokknum um hinn almenna kafla ályktunarinnar, sem lýsir meginatriðum flóttamannastefnunnar. En hún er byggð á grundvallarstefnuskrá flokksins, sem er að finna í málefnahandbók hans og er aðgengileg á heimasíðu Frjálslynda flokksins. Segja má að flóttamannastefnan sé fjórþætt. Í fyrsta lagi áréttar þingflokkurinn stefnu flokksins í málefnum flóttamanna og lýsir vilja sínum til þess að bjóða flóttafólki búsetu og dvöl hér á landi. Flóttafólk er velkomið til landsins. „Við skorumst ekki undan ábyrgð í málum flóttafólks og viljum að Íslendingar taki virkan þátt í mannúðar- og hjálparstarfi á erlendum sem innlendum vettvangi“ segir einnig í samþykkt þingflokksins. Í öðru lagi segir í samþykktinni að Íslendingar eigi að beita sér í auknum mæli fyrir bættum hag flóttafólks og hvetur þingflokkurinn Alþingi og ríkisstjórn til þess að auka fjármagn til málaflokksins á komandi árum og ályktar að stórefla eigi hjálparstarf annars vegar sem veitt er á erlendum vettvangi og hins vegar til þess að veita flóttamönnum hérlendis móttöku. Í þriðja lagi, og það er mikilvægt að það komist til skila, ályktar þingflokkurinn, að veita eigi flóttamönnum móttöku hérlendis án tillits til kynþáttar eða trúarbragða þeirra. Með þessu er sagt, svo ekki verður misskilið, að Frjálslyndi flokkurinn gerir sér ekki mannamun varðandi flóttamenn sem koma til landsins. Múslimar eru jafnvelkomnir og kristnir, hörundsdökkir jafnvelkomnir og hvítir svo dæmi séu tilfærð. Loks er í fjórða lagi tekið fram í ályktuninni að mikilvægt sé til þess að tryggja góðan árangur, m.a. við aðlögun flóttamanna að íslensku samfélagi , að sýna erlendum flóttamönnum að þeir séu velkomnir til landsins og til þátttöku í þjóðfélaginu. Ofangreind fjögur atriði eru kjarninn í tillögu um almenna stefnu í málefnum flóttamanna sem ég lagði fyrir þingflokkinn og hann féllst á . Samþykkt þingflokksins var kynnt fyrir miðstjórn flokksins og það er athyglisvert að miðstjórnin ályktar ekki um hana eða einstök atriði í flóttamannastefnunni í samþykkt sem gerð var um deilurnar á Akranesi og meirihlutaslitin í bæjarstjórninni. Það verður aðeins skilið sem samþykki miðstjórnar við stefnumörkun þingflokksins. Að öðrum kosti hefði miðstjórnin látið það koma fram í ályktun sinni, ef hún gerði ágreining við þingflokkinn um stefnuna í málefnum flóttafólks. Ekki er annað vitað en að góð samstaða sé innan Frjálslynda flokksins um stefnumörkun þingflokksins og að með samþykktinni hafi tekist að skýra stefnu flokksins. Stefnan er frjálslynd eins og vera ber hjá frjálslyndum flokki og felur í sér umburðarlyndi og mannúð. Hinu er ekki að leyna að ágreiningur er um málflutninginn á Akranesi undanfarnar vikur og verkefnið er að jafna hann. Það ætti að vera viðráðanlegt þegar fyrir liggur með skýrum hætti hver stefna flokksins er í málefnum flóttamanna. Áherslur í einstökum sveitarfélögum þurfa eðlilega að vera innan hinnar almennu stefnu flokksins''. Baldvin Nielsen, Reykjanesbæ

<

[Árni Gunnarsson, 26.5.2008 kl. 12:14]

Niðurstaða:

Hvernig sem umræður ganga fram þá skulu stuðningsmenn Frjálslynda flokksins vera rasistar og á móti innflytjendum.

Þeir halda því fram að allir innflytjendur séu glæpamenn, öfgafullir múslímir eða berklasjúklingar.

Þeir halda því fram að innflytjendur muni setja velferðarkerfið á hausinn.

Ef hér myndast vandamál eru þau öll afdráttarlaust frjálslyndum að kenna vegna þess að þeir hafa sáð eitri rasismans inn í þjóðarsálina.

Er þetta ekki bara sú niðurstaða sem við getum sæst á?

Ofan á annað hafa einhverjir fjandvinir okkar svo kallað okkur hræsnara!

Athyglisvert samræmi í því.

Núna áðan á Útvarpi Sögu benti Guðbjörn Jónsson á að fyrir þessar 200-300 milljónir sem búið er að eyrnamerkja þessu verkefni á Akranesi væri hægt að búa 500-1000 börnum vanþróaðra ríkja örugga framtíð í samnfélögum þeirra. Þar nefndi hann verkefni á vegum hinna ýmsu allþjóðastofnana sem við öll þekkjum og mörg okkar eru þátttakendur í.

Móttaka 60 flóttamanna til lands sem er þeim eins framandi í öllu tilliti og hugsast getur er dálítil auglýsing og fullnægir sýndarþörf hjartahlýrra.

Ánægð og örugg 1000 börn í fjarlægum þjóðlöndum eru ekki áberandi fréttaefni, fáir vita af þeim og þau eru næstum aldrei í umræðu þjóðarinnar. Það er ekki einu sinni hægt að nota þau til að reisa deilur við neinn sem við þurfum að ná okkur niðri á.

Hræsnin getur verið hrekkjótt þegar hún er vandlega hulin í ofsafenginni og grunnri umræðu.

Hverjir eru hræsnararnir í þessu deilumáli?

Áreiðanlega talsmenn Frjálslynda flokksins.

Það er auðvitað ekki spurning!

[Magnús Helgi Björgvinsson, 26.5.2008 kl. 12:25]

Við erum að tala um ákveðin hóp af fólki sem er landlaust ekki með réttindi í Írak mega ekki flytja til Palestínu. Við erum að tala um að í löndunum þarna í nágreni búa frá fleiri hundruðum þúsunda upp í milljónir flóttamanna frá Palestínu og hafa búið um áratugaskeið.

Við erum að bjóðast til að gera okkra til að hjálpa þessum ákveðna hóp. Sem býr þarna í eyðmörk milli landa og getur ekki komist lönd né strönd. Það þýðir ekki að benda á einhverja aðra sem við gætum hjálpað líka. Við getum gert það en þetta fólk verður í sömu vandræðum áfram. 

[Magnús Helgi Björgvinsson, 26.5.2008 kl. 12:30]

Guðbjörn hélt heyrðist mér að það væri bara hægt að hjálpa þessu fólki þar sem það býr

Fínn staður fyrir börn? Veit ekki!

[B.N. (IP-tala skráð) 26.5.2008 kl. 12:52]

Sammála þér Árni Gunnarsson að talsmenn flokksins fyrir utan Kristins H. Gunnarssonar hafa skaðað flokkinn mjög enda vinna þeir gegn lögum Landsþings sem er æðsta stofnun flokksins.

Landsþing á ekki að vera sýndarlýðræði innan flokksins. Því miður  hafa forustumenn margir í Frjálslynda flokknum fengiið mann oft til að halda það þegar horft er til vinnubragða þessara manna .

Baldvin Nielsen, Reykjanesbæ

[Árni Gunnarsson, 26.5.2008 kl. 13:10]

"Það þýðir ekki að benda á einhverja aðra sem við getum hjálpað líka. Við getum gert það en þetta fólk verður í sömu vandræðum áfram."

"...búa frá fleiri hundruðum þúsunda upp í milljónir flóttamanna...."

Það er nefnilega lóðið.

Magnús Helgi: Þetta vandamál er auðvitað stærra en svo að okkar litla þjóð fái úr neinu bætt svo um munar. Við höfum úr svo litlum fjármunum að spila að framlag okkar verður tæpast sýnilegt þó við göngum nær okkur en þarna er rætt um.

Og vandamálið á sér þær djúpu rætur að afleiðingar þess vanda verður viðfangsefni alþjóðasamfélagsins um ókomna tíð.

En mér finnst Guðbjörn Jónsson hafa sett gott innlegg í umræðuna og hvet til að orðum hans verði gaumur gefinn. Auðvitað hljótum við að reyna að hámarka árangur af okkar litlu þátttöku. Þetta snýst nefnilega um vandamál sem ég trúi að við öll höfum áhyggjur af og viljum af fremsta megni leysa. Þar má hugsa sér margar leiðir.

Þess vegna eigum við að skiptast á skoðunum á öfgalausan hátt.

Mér hugnast alls ekki að þetta mál sé rætt af slíkum ofsa að menn séu sakaðir um kynþáttahyggju og jafnvel illmennsku.

Hafandi starfað í Frjálslynda flokknum frá upphafi veit ég að það er rangt að saka þá talsmenn okkar sem mest taka til máls í þessari umræðu- og hófu hana reyndar um rasisma eða illmennsku. Það er móðgun við almenna rökfræði, almenna skynsemi,- og svo ég taki til orða Halldórs Laxness í frægu bréfi til Janosar Kadar, -það er "móðgun við menninguna!"

Ef við getum ekki rætt þessi mál á hærra plani en gert hefur verið allt frá því að umræða hófst þá ættum við að reyna að eiga hljóða stund með sjálfum okkur áður en við tökum næst til máls.

Einhverjum þykir mikið liggja undir að koma höggi á pólitíska andstæðinga.

Okkur í Frjálslynda flokknum finnst í þessu máli mest um vert að finna bestu lausnirnar. Við höfum alltaf trúað því að farsælasta leiðin til þess væri opin umræða.

Ég hef fylgt í mestu eða öllu skoðunum Magnúsar Þórs og Jóns Magnússonar í þessu máli, en þeir hófu umræðuna eins og við vitum. Það hefur formaður okkar Guðjón Arnar Kristjánsson einnig gert. Guðjón er eins og við vitum kvæntur konu af erlendu þjóðerni. Ég þekki þessa menn betur en flestir þeir sem ráðist hafa á þá með ásökunum um jafnvel beina illmennsku og þori næstum að fullyrða að enginn þeirra er illmenni.

Ég efa að neinn sem mig þekkir beri mér það að ég sé harðlyndur óþokki eða illmenni.

[Árni Gunnarsson, 26.5.2008 kl. 13:36]

Baldvin:

Athugasemd þín bendir til þess að ég sé orðinn ófær um að gera mig skiljanlegan í rituðu máli.

Það eru mér mikil vonbrigði.

[Ingólfur, 26.5.2008 kl. 14:09]

Árni, ef FF vill ræða þessi mál á hærra plani að þá þarf hann að hætta að ýta undir tortryggni í garð útlendinga.

Það er mjög takmarkað hve mikið er hægt að hjálpa flóttamönnum heima hjá sér vegna þess að það á hvergi heima og býr við mjög ótrygg skilyrði.

Þó svo að við byggðum fyrir það hús og skóla, að þá er það mjög ótryggt að það haldi húsinu, eða að börnin komist í skólana.

Þó svo að móttaka okkar á flóttafólki hafi lítil áhrif á heildarfjölda flóttafólks, að þá breytir aðstoðin öllu fyrir þær fjölskyldur sem hingað koma.

Þess vegna finnst mér sorglegur hugsunnarháttur þinn, að við getum svo lítið gert, best að sleppa því bara alveg.

[Magnús Helgi Björgvinsson, 26.5.2008 kl. 14:30]

Árni ef allir segðu: Það er svo margir flóttamenn og fólk í neyð að við getum hjálpað svo fáum - Þá yrði engum hjálpað í heiminum.

[Grétar Pétur Geirsson, 26.5.2008 kl. 14:55]

Nú þarf þessari umræðu að fara að ljúka við komumst ekkert áfram með hana á þessum nótum sem hér hafa verið skrifuð.Það kemur hvergi fram í greinagerð Magnúsar að hann sé á móti flóttafólki.

'Eg hvet ykkur að lesa greinagerðina og gagnrýna hana málefnanlega ekki fara alltaf í neðstu tröppuna í málflutningi.Stefna flokksins í innflytjendamálum er skýr fyrir alla þá sem eru sæmilega læsir.

Það er meira en aðrir flokkar geta státað sig af eina sem þeir hafa til málana að leggja er að úthrópa fólk í Frjálslynda flokknum sem rasisma sem er dapurlegt og fátæklegt

Hvað varðar skoðun Kristins H Gunnarssonar þá hefur hann fullt leyfi til að hafa hana. Annars á ekki að mínu mati að vera að greina frá því hvernig einstaka menn greiði atkvæði á fundum

[Árni Gunnarsson, 26.5.2008 kl. 15:12]

Ingólfur og Magnús:

Þessar færslur ykkar beggja hafa auðvitað sannað allt það sem ég ræddi hér á undan um þær rökræðuleiðir að allt það sem við frjálslyndir segjum um þessi mál skal túlka á eina lund.

Einu gildir þó rökin verði langsótt.

Þær ályktanir mínar með vísun til orða Guðbjörns Jónssonar um að leita skuli leiða til að hámarka árangur af framlagi okkar til þessara brýnu mannúðarmála á að túlka á eftirfarandi hátt:

Af því að við getum ekki leyst þessi mal fyrir allt þurfandi og þjáð fólk, leggur Árni til að við gerum ekki neitt!

Þegar viðmælendur mínir vita orðið betur en ég sjálfur hvaða merkingu ber að leggja í orð mín er rétt að ég taki mér hlé frá þessari umræðu.

Með best kveðjum!

[Jón Valur Jensson, 26.5.2008 kl. 15:12]

Þetta var viturlegt innlegg frá Grétari.

En ef einhverjir eru "á móti þessu flóttafólki", þá eru það Írakar og Sýrlendingar. Meðferðin á þessum trúsystkinum þeirra, sem einnig tala sama tungumálið, hefur verið með ólíkindum í marga áratugi – það er ekki verið að gera fólkinu fært að ná fótfestu í þjóðfélaginu, verða þar nýtir borgarar og fá að sjálfsögðu ríkisborgararéttindi, eins og það mun fá hér innan fárra ára, heldur var hópnum haldið í ghettói við þær aðstæður sem líta má á myndunum hér ofar (í dag kl. 12:30). Samt tala múslimar og Kóraninn fjálglega um það, hve miskunn og hjálp við fátæka sé mikilvæg og vel þeir eigi að reynast bágstöddum og einkum trúbræðrum sínum!

[Ingólfur, 26.5.2008 kl. 15:48]

Árni, viltu taka á móti flóttamönnum eða ekki?

Ég er sammála því að það er verðugt verkefni að hjálpa fátækum börnum, enda gerum við það líka.

En afsakar það okkur frá því að axla okkar ábyrgð og taka á móti flóttamönnum sem ekki er hægt að hjálpa heima hjá sér, heldur þurfa nýtt heimili, nýtt ríki og nýja þjóð.

Grétar, það sem ég er fyrst og fremst að gagnrýna er málflutningur Magnúsar í garð þessara flóttamanna. Þarna er ég alveg sammála KHG sem segir: "Ég get ekki tekið undir málflutning sem er til þess fallin að sá efasemdum og tortryggni í garð flóttamanna eða dregur í efa getu einstakra sveitarfélaga til þess að taka við hópi flóttamanna."

[Árni Gunnarsson, 26.5.2008 kl. 16:18]

Ingólfur:

Eiginlega hef ég engan áhuga á að skeggræða þessi má öllu meira við þig né aðra þá sem taka sér vald til að leggja út af orðum mínum á þann veg sem þeim hentar best og þeirra viðhorfum.

Hvort sem ég svara spurningu þinni játandi eða neitandi veit ég að þú munt túlka svarið sem nei.

Auðvitað tökum við á móti þessu vesalings fólki eins og búið er að ákveða.

Hvort það er rétt að koma því fyrir á Akranesi eða annarsstaðar er svo mál sem ég hef enga þekkingu á að meta og hef blátt áfram enga skoðun á.

Ég geri bara þá kröfu að það leyfist hverjum sem er að hafa á því skoðun og að þar leyfist fleiri skoðanir en ein án þess að viðkomandi fái á sig ruddalagar árásir og smekklausar dylgjur. 

[Magnús Helgi Björgvinsson, 26.5.2008 kl. 16:26]

Grétar ég er ekki að úthrópa Frjálslyndaflokkinn sem slíkann þegar ég deili á hvernig ákveðnir menn setja fram sínar skoðanir á hlutunum. Ég hef lesið greinargerð Magnúsar og þar er nú ósköp lítið sagt. Það sem ég deili helst á við hann er hvernig hann setur fram hlutina t.d. í fljölmiðlum sem fulltrúi frjálslyndra á Akranesi:

• Hann gefur í skyn að Akranes eigi nóg með sín félagslegu vandmál. (hljómaði eins og það væru 25 fjölskyldur á götunni.
• Hann gefur í skyn að skólar og leikskólar ráði ekkert við allann þennan fjölda. Sem hann veit þó ekki hve verða margir. Þetta gætu hæglega verið allt í allt 30 til 40 börn sem þýddi þá kannski 10 í leikskóla 10 í grunnskóla og einhverjir í framhaldsskóla
• Hann gefur í skyn að þar sem að þau hafi annað stafróf en við þá verði þetta ógurlegt vandamál. En ég bendi nú á að fólk á þessu svæði hefur nú lært ensku og eiga í samskiptum við allann heimin og virðist ekki ganga illa að tileinka sér annað mál.

Árni þarna er ákeðin hópur sem býr við hörmulegar aðstæður. Sameinuðu þjóðirnar hafa farið fram á að þarna verð komið til aðstoðar. Þú þarft ekki að halda að við séum eina ríkið sem komum þarna að. Það verða örugglega aðrar þjóðir sem bjóða upp á aðstoð líka.  Þarna í þessu búðum er mikið af einstæðum mæðrum sem ég sé ekki í fljótu bragði hvað sé annað hægt að gera fyrir en að bjóða þeim að flytja. Þær hafa flestar misst menn sína í stríði sem við studdum og eru nú ofsóttar af því að fólk telur að Saddam hafi gert vel við þetta fólk sem kom frá Palestínu. En þau hafa ekkert ríkisfang í dag.

Bendi á ágæta grein á redcross.is. Þar segir m.a.

 Móttaka flóttamanna sem fyrirhuguð er í ár er verkefni sem hefur verið framkvæmt með núverandi hætti síðan 1996 þegar hópur flóttafólks kom til Ísafjarðar. Hóparnir sem síðan hafa komið hafa verið 25 til 30 manns hverju sinni (að frátöldu einu skipti þar sem tekið var á móti 75 manns) og hefur verið tekið á móti þeim í ýmsum sveitarfélögum. Hér er því ekki um nýtt verkefni að ræða heldur verkefni þar sem veruleg reynsla og þekking býr að baki. Íbúar sveitarfélaga af ýmsum stærðum hafa tekist á við sams konar verkefni. Hjá Flóttamannastofnun Sameinuðu þjóðanna hefur það vakið sérstaka athygli hversu vel hefur til tekist á Íslandi og hafa aðrar þjóðir horft til ýmissa atriða í móttökunni hér

Það að taka á móti fólki í nýju landi er úrræði sem er gripið til þegar engin önnur leið er fær þ.e. fólk á hvorki kost á að hverfa aftur heim eða búa sér framtíð í því landi sem það flúði til. Þannig er því farið með það fólk sem Íslendingar hafa boðið að koma til Íslands nú.

Þar er líka farið yfir hvernig að Rauði krossinn stendur að móttöku flóttamanna hér.

[Adolf H (IP-tala skráð) 26.5.2008 kl. 16:29]

Mér sýnist að í innsta kjarna Frjálslynda flokksins sé einhverskonar sjálfseyðingarvél sem slítur flokkinn sundur jafnharðan og hann er byggður upp.  Menn eru ekki fyrr komnir í þennan flokk heldur en þeir byrja að keppast við að reyna að skilja sig frá hinum ógeðfelldari hliðum hans og flýja hann síðan.

Upphaflega var frjálslyndi flokkurinn stofnaður meira og minna utan um andstöðu við kvótakerfið.  Hjáróma rödd sem hugsjónamenn héldu þó gangandi og Mannréttindanefnd S.Þ. hefur staðfest að hefur haft á réttu að standa.  En þennan litla flokk langaði að verða stór.  Um svipað leiti var öllu ógeðfelldara stjórnmálaaf, sem enginn vissi í raun fyrir hvað stóð, að gefast upp á að viðhalda tilveru sinni.  Mig minnir að þetta fyrirbæri hafi verið kallað (ó)nýtt afl.   Þessi ófögnuður var tekinn inn í FF og hrakti þaðan fjölda annarra upprunalegra hugsjónamanna.  Síðan hafa þessir aðkomumenn nýtt afl sitt til að ýta út úr flokksstarfinu öllum þeim sem standa framarlega og dregið inn í flokkinn allskonar lítilfjörlega kynþáttahyggjumenn til að bæta í persónulegan slagkraft sinn innan flokksins.   Og gamli fréttamaðurinn sem fór í "brottkastsfréttaleiðangurinn fræga" notar nú spunahæfileika sína til að telja fólki trú um að á Íslandi sé einhverskonar útlendingavandamál og ráðast persónulega að öllum sem draga það í efa.

[Árni Gunnarsson, 26.5.2008 kl. 16:41]

Adolf H,:

Þakka þér fyrir gott og málefnalegt innlegg.

En ber að skilja orð þín svo að þú sért ófáanlegur til að ganga til liðs við okkur?

[Magnús Helgi Björgvinsson, 26.5.2008 kl. 18:17]

Jón Valur ég er sammála þér í þvi að margar þjóðir sem er múhameðstrúar er stjórnað af trúarofstækismönnum sem velja sér bara kafla úr Kóraninum sem henta þeim og oftast þá það harða og óvægna. Nota það til að kúga þegna sína. Og manni finnst skrýtið að þeir haldi fólki frá Palestínu sem flóttamönnum á afmörkuðum svæðum nú jafnvel ´60 árum eftir að fólk flúði frá Palestínu. Hér á vesturlöndum væri þetta fólk nú fyrir löngu orðið hluti af viðkomandi þjóðum.

[Gulla (IP-tala skráð) 26.5.2008 kl. 18:40]

Jón Kr, þú segir hér fyrir ofan: 

Árekstrar milli innflytjenda og Íslendinga hafa verið að aukast og útlendingar finna fyrir vaxandi fordómum og andúð hér á landi.  Þar ber Frjálslyndi flokkurinn mikla ábyrgð.  Sá flokkur hefur verið með tilefnislaust lýðskrum í málefnum innflytjenda þar sem innflytjendum er gjarnan stillt upp sem sérstökum óvinum og andstæðingum sem fremji glæpi, taki vinnu frá verkafólki og sé þung birgði á heilbrigðiskerfinu svo eitthvað sé nefnt (sjá t.d. kosningaáróðurinn sem Viðar Helgi vísar í hér að ofan).

Hvernig færðu þetta út? Að Frjálslyndi flokkurinn sé að stilla innflytjendur upp sem andstæðingum?

Persónuleg óvild þín gegn FF og félagsmönnum flokksins eru farin að lita skrif þín og þú ert kominn út á hála braut. Og felur þig síðan bak við nafnleysi.

Ég trúi varla að nokkur maður taki mark á þér, enda ekki merkilegur pappír sem gerir ekkert annað en að flakka milli bloggsíðna að tala illa um og hreinlega ljúga upp á liðsmenn FF, ættir kannski að taka þér eitthvað annað fyrir hendur??? 

mbK.

[Johnny Rebel (IP-tala skráð) 26.5.2008 kl. 19:07]

Gulla: Sá maður sem þú talar um hér að ofan hefur áður komið fram undir fullu nafni, ætla ekki að segja það ef hann kýs að gera ekki svo lengur. Ég held að þar sem hann sé ekki skráður notandi að þá geri hann ráð fyrir því að allir viti hver hann er og nenni hreinlega ekki að skrifa nafnið sitt í fullri lengd.

Annars kemur þetta nú úr hörðustu átt frá þér :) Hverju skiptir það hvort menn nota fullt nafn eða ekki? 

[Gulla (IP-tala skráð) 26.5.2008 kl. 20:53]

Johnny:

Hef ég ekki séð þig gagnrýna þessa árás á FF sem hefur verið að undanförnu.

Nú gagnrýnir þú mig fyrir að gera það sama.

Ertu farinn að tala í hringi eða ertu b´æuinn að skipta um skoðun? Er núna í lagi að fólk skíti yfir Frjálslynda og kalli þá rasista?

Ættir kannski að fara að gera það upp við þig.

Guðlaug Sigurjónsdóttir 

[Gulla (IP-tala skráð) 26.5.2008 kl. 20:54]

Mér finnst bara sjálfsagt að menn sem gera ekkert annað en að gagnrýna og skíta yfir Frjálslynda flokkinn og félagsmenn hans skrifi undir það með nafni.

En það er bara mín skoðun.

Guðlaug Sigurjónsdóttir 

[Johnny Rebel (IP-tala skráð) 26.5.2008 kl. 21:18]

Sæl Gulla: Þú hefur eitthvað misskilið mig. Ég var aðeins að gagnrýna að manneskja sem skrifaði undir dulnefni gagnrýndi annan mann fyrir að gera það sama. Jóni er frjálst að gera það sem honum sýnist varðandi nafn eða nafnleysi, orð hans skipta máli.

Ég hef gagnrýnt árásirnar á FF ásamt því að benda á orsakir þeirra og koma með tilögur hvað Frjálslyndir geta gert í málinu. Ég hef líka gagnrýnt Frjálslynda fyrir skoðanaskipti sín og fyrir að hafa hreinlega gefist upp.

Mín vegna má fólk kalla Frjálslynda rasista en ég vil nú ekki brúka slíkt heiðursorð yfir þá sjálfur.

Ef flokkurinn hefði hlustað á mig strax væri ekki svona illa fyrir honum komið. Ég ráðlagði þeim t.d. að spila sókn en ekki hanga í vörn og verjast ásökunum um rasisma, ég ráðlagði þeim að taka harðari afstöðu og standa fast á sínu en gerðu þeir það? Nei. 

[Jón Kr. (IP-tala skráð) 26.5.2008 kl. 21:24]

Gulla, ég hélt að Jón væri gott og gilt nafn í augum þeirra sem vilja vernda íslensk lífsgildi.

Annars er skondið að hafa fylgst með því í bloggheimum hvernig fjöldi fólks hefur lýst yfir stuðningi við Magnús.  Segir að þessu flóttafólki eigi ekki að hleypa upp á Skaga.  Nær sé að hjálpa heimamönnum uppi á Akranesi og svo Írökum Austur í Írakseyðimörk.  Nefndar hafa verið háar tölur í þessu sambandi og fyrir hverja 30 múslíma sem hjálpað er uppi á Skaga sé hægt að hjálpa þúsundum manna á söndunum þar suðurfrá. 

Nú er svo allt í einu komið á daginn að þetta var allt tómur misskilningur og Magnús var aldrei á móti komu þessa flóttafólks.  Þannig var allt þetta meinta stuðningsfólk gabbað og í raun var það allan tíman á öndverðu meiði við Magnús Þór.  Allt þetta fólk sem taldi sig vera að verja Frjálslynda flokkinn og Magnús sérstaklega með því að tala um að það væri ekki sniðugt að taka á móti þessu einstæðu mæðrum, vor í raun að snúa útúr orðum hans meðan "liðléttingar Samfylkingar" og Magnús sjálfur voru samherjar í málinu.

[Johnny Rebel (IP-tala skráð) 26.5.2008 kl. 21:36]

Góður punktur Jón.

[Magnús Helgi Björgvinsson, 26.5.2008 kl. 22:26]

Var að skoða síður Landssambands ungra Frjálslyndra og sé að þeir sem munu erfa flokkinn eru harðir á þeirri leið að útlendingar séu hér ekki velkomnir. Þeir setja þetta meira að segja í lög félagsins sem markmið [held að ég geti ekki verið að misskilja þetta] í 2 gr laga féagsins stendur

Markmið samtakanna er að vinna að þjóðlegri og frjálslyndri stefnu í stjórnmálum, með höfuðáherslu á frelsi og réttindi einstaklingsins, þjóðareign náttúruauðlinda landsins sem og sjálfstæðri stjórnun á innstreymi innflytjenda til Íslands

Reyndar er ég svo vitlaus að ég skil ekki hvað er átt við með "sjálfstæðri stjórnun á á innstreymi innflytjenda" Á þá að gera stjórn á innstreymi sjálfstæða frá hverjum? Kannski okkur?

Síðan má lesa þetta í kafla um innflytendur annarstaðar á síðunni:

Tekin verði að nýju upp stjórnun á innstreymi farandverkamanna sem og nýbúa frá aðildarríkjum Evrópusambandsins.
Gerður verði greinarmunur á farandverkamönnum og nýbúum.

• Hluti farandverkamanna
  • Farandverkamenn skili inn heilbrigðis og sakarvottorði við komuna til landsins.
  • Farandverkamenn fái hér tímabundið atvinnu og dvalarleyfi
  • Atvinnurekendur sjúkratryggi að fullu farandverkamenn sína.
  •  Tekið verði hart á öllum brotum gegn réttindum launamanna.

• Hluti nýbúa
  • Settur verði árskvóti á fjölda nýbúa. Árskvóti þessi miðast við aukalega getu ásamt vilja þjóðarinnar til mannfjölgunar.
  • Nýbúaumsækjendur skili inn heilbrigðisvottorði, sjúkrasögu og sakarvottorði.
  • Nýbúar fái íslensku og þjóðarkennslu þeim að kostnaðarlausu.

Vá bara að skila inn sjúkrasögu, heilbrigðisvottorði og sakavottorði. Eru menn bara að verða bilaðir. Meira að segja í Bandaríkjunum er ekki rukkað eftir sjúkrasögu. Hvernig þætti mönnum sem væru að flytja til útlanda reglulega að skilja eftir sig sjúkra sögu um allann heim.

Það er svona vanhugsaðar öfgar og orðalag eins og "innstreymi nýbúa" "vilja þjóðarinnar til mannfjölgunar" "árskvóti á fjölda nýbúa" sem valda því að maður fer að halda að frjálslyndir séu á móti því að útlendingar flytji hingað og hafi ekki hugsað þessi mál til hlýtar.  Hér fyrir ofan hef ég verið að vitna í opinberasíðu ungra frjálslyndra og það sem stendur þar hlýtur að vera stefna flokksins sbr. logo og nafn þessa félags.

[Gunnar Ásgeir (IP-tala skráð) 27.5.2008 kl. 02:41]

Ég sé nú ekkert að því að fólk sem vill fá að dvelja hér á landi skili inn heilbrigðisvottorði,

Það hefur verið mikið um að innflytjendur sem hingað komi hafi flutt með sér sjúkdóma eins og t.d berkla.

Hvað er að því að passa upp á svoleiðis?

Og með sakavottorðið, hvað með þessa 2 morðingja sem hingað gátu komið án þess að tala við kóng eða prest? Hvað með þessi glæpasamtök sem hér hafa skotið rótum, þetta eru glæpamenn með ljótan feril úr heimalandinu. Hvað er að því að taka fyrir svona?

Já Magnús, menn eru að vera bilaðir ?!!?!?

Mér sýnist frekar þú vera bilaður kunningi. 

[Magnús Helgi Björgvinsson, 27.5.2008 kl. 08:51]

Þessir viðkomandi menn voru nú ekki með nein sérstök dvalarleyfi. Annar var hér á fölsku nafni meira að segja. Ég er ekki viss um að íslendingar væru hressir með að þurfa að skila þessum gögnum í öðrum löndum. Og ef menn með eitthvað svona á bakinu ætluðu að koma hingað þá kaupa þeir sér bara svona vottorð!

Minni á að menn frá Íslandi hafa nú oft flúið undan réttvísinni til útlanda líka.

Og það getur vel verið að ég sé bilaður en ég mundi ekki sætta mig við að vera í félagi sem talar um erlent fólk sem "innstreymi nýbúa" Og setjandi kvóta á hversu margir megi flytja hingað inn. Hélt reyndar að Frjálslyndir væru á móti kvóta!

[Gunnar Ásgeir (IP-tala skráð) 27.5.2008 kl. 09:17]

Á þessu ári komu hingað til lands til að dvelja eða vinna 2600 c.a innflytjendur. Á meðan fóru c.a 400 úr landi.

Með þessu áframhaldi að þá endar þetta með ósköpum.

Eflaust er meirihluti þessa innflytjenda gott fólk en á meðan allt er svona opið að þá getum við fengið allskonar glæpahyski með. Morðingja, nauðgara, barnanauðgara...

Þú hlýtur að sjá að eitthvað þarf að gera til að ná stjórn á þessu. Þýðir ekki bara að opna landið upp á gátt og vona það besta.

Það er í fréttum á hverjum einasta degi um afbrot útlendinga hér á landi.

Er það eðlilegt? Jú jú vissulega fremja Íslendingar líka glæpi en þurfum við að flytja inn meiri vandamál?

Síðan ef einhver vill ræða þessi mál og benda á lausnir t.d að þá er viðkomandi rasisti og kynþáttahatari.

Hvað er í gangi eiginlega.....??? 

[Magnús Helgi Björgvinsson, 27.5.2008 kl. 12:31]

Hvað ósköpum. Minni á að efnahagskerfi og annað hér á Íslandi er löngu orðið stærra en svo að við ráðum við að anna því. Hér er því ekkert atvinnuleysi og vantar fólk í vinnu. Hér hefði allt sprungið líka ef engin hefði komið. Þá hefðu mörg verk ekki verið framkvæmd hér á landi. Þannig er t.d. um 60 til 70% verkamanna í byggariðnaði útlendingar. Og því hafa þau bjargað okkur.

Ég veit nú ekki til þess að útlendingar hafi hér framið mörg morð. Og miðað við fjölda þeirra sem hér búa er þetta nú í ansi góðu lagi.

Þeir útlendingar sem eru aðallega í glæpum koma hingað sem ferðamenn.

[Þröstur Halldórsson (IP-tala skráð) 27.5.2008 kl. 21:16]

það er nú meiri vitleysan sem vellur upp úr þér Magnús! Ég legg eindregið til að þú dragir úr drykkjunni og einbeitir þér að einhverju öðru en skriftum!

[Magnús Helgi Björgvinsson, 27.5.2008 kl. 21:47]

Ég verð nú að því miður að viðurkenna þetta var ekki skrifað undir áhrifum heldur eru þetta skoðanir mína hversu vitlausar sem þér finnst þær vera. En þetta var mjög málefnalegt hjá þér Þröstur!