Grenin á höfuðborgarsvæðinu

Talsverð umræða er í Reykjavík, og jafnvel mótmæli, vegna breytingar á einhverri hestarétt. Síðan virðist sem góður slatti af borgarfulltrúum sé að fara á taugum yfir því að borgarstjórinn ætli að standa við kosningaloforð um að flugvöllurinn í Vatnsmýrinni fari ekki úr henni og að hugsanleg færsla hans verði rædd í tengslum við öryggismál, þ.e. aðgang landsbyggðarfólks að sjúkrahúsinu.

Ég er nýbúinn að heimsækja höfuðstaðinn. Það kemur mér nokkuð á óvart að umræddir borgarfulltrúar sem leggja áherslu á þessi mál njóta mikillar samúðar í fjölmiðlum enda tel ég um miklu brýnni mál að ræða, s.s. að taka á þeim niðurníddu húsum og grenum sem er víða að finna í miðborginni.

Einnig væri mál málanna að fara að athuga hvort erlent verkafólk sé ennþá í þeim sporum að vera gert að búa í iðnaðarhúsnæði, hundruðum eða þúsundum saman. Það er mun brýnna en að vera að hugsa um færslu flugvallarins sem er að öðru leyti búið að ákveða að fari ekki næsta áratuginn.

Athugasemdir

[Óskar Þorkelsson, 7.5.2008 kl. 11:41]

Óli F er nú aldeilis duglegur við það að friða grenin..

[Björn Björnsson, 7.5.2008 kl. 22:01]

Vinsamlega athugaðu að flugvellir eru ekki færðir. Þeir eru lagðir niður (aflagðir).

Ég er sannfærður um að flugvöllurinn verður á þessum sama stað um ókomna tíð en í breyttri mynd. Við megum ekki gleyma því að flugtæknilegar framfarir hljóta að hafa áhrif á hönnun flugvalla.

Björn Björnsson