Ágúst fann það

Fátt hefur meira verið rætt á kaffistofum landsins en hvað hafi raunverulega breyst með því að Samfylkingin tók sæti Framsóknarflokksins í ríkisstjórn. Sumir hafa bent á að ríkisútgjöld hafi blásið út af meiri krafti en áður og að ójafnvægið í efnahagslífinu sé orðið meira en það var. Sendiherrum hefur líka fjölgað. Aðrir hafa bent á að ferðagleði ráðherra er meiri en áður á meðan ráðherrar virðast vera jafn staðfastir og viljugir og áður í að brjóta mannréttindi á sjómönnum.

Það er greinilegt að þessi umræða leggst orðið þungt á varaformann Samfylkingarinnar sem er farinn að leita að málum sem hafa raunverulega breyst til hins betra. Og jú, hann státar hróðugur af því á vefsíðu sinni að hjartalæknar séu nú aftur komnir á samning við Tryggingastofnun.

Athugasemdir

[Hjörtur J. Guðmundsson, 5.5.2008 kl. 21:26]

Hvað segirðu, hefurðu s.s. gert fræðilega úttekt á því hvað sé rætt á öllum kaffistofum landsins?

[Sigurgeir Jónsson, 5.5.2008 kl. 21:52]

Pútín heldur andstæðingum sínum skipulega frá rússneskum ríkisfölmiðlum .Hann brýtur mannréttindi á andstæðingum sínum.Sama er með Ríkisútvarpið. Þar er mönnum mismunað eftir hvar í flokki þeir eru.Það er engin spurning.Mér finnst það mannréttindabrot, að hefta tjáningarfrelsi fólks, stórum alvarlegra en það mannréttindabrot sem Mannréttindanefnd Sameinuðu Þjóðanna segir að verði framið á mér sem útgerðarmanni, ef ég þarf að kaupa aflaheimildir á 3000 tonna frystitogara til að gera hann út.Síðan snýr Egill Helgason bara út úr þegar honum er bent á þetta.Nú er búið að leggja útvarpsráð niður. en er virkilega svo komið með RÚV að einn maður geti bara ráðstafað að vild hvaða einkavinir hans í hópi þingmanna komi fram í hans einnar og hálfrar klukkustundar þætti á viku.Gæti til að mynda Katrín j. átt hvern einasta þátt.Mér sýnist nú reyndar að það sé búið að setja Guðna í frost, bæði í spaugstofunni og hjá Agli.

[Sigurjón Þórðarson, 6.5.2008 kl. 00:09]

Nei nei Hjörtur þetta er ekki fræðileg úttekt enda er eflaust margt fleira sem rætt er um s.s. fótbolti, kylfur, helgin, sumarfríð og presturinn.

Ég er annars að dunda mér við fræðilega úttekt á grein í Nature þar sem sérfræðingar komast að því að það sé gagnrýnisvert að stjórna fiskveiðum með því að vernda smáfisk eins og gert er hér á landi þar sem að það geti valdið dýpri sveiflum í stofninum.

 Það sem er athyglisvert við greinina er að þessar niðurstöður fást án þess að nota augljósar líffræðilegar forsendur í stað þess er stuðst nær eingöngu við tölfræði.

Það sem er mér óskiljanlegt er við lestur greinarinna er hvernig forstjóri Hafró komst að því að hún studdi við þá aðferðarfræði sem Hafró stundar.