Jón Magnússon, Ólafur F. Magnússon og Vilhjálmur Þ. Vilhjálmsson

Í 24 stundum í dag skrifar Margrét Kristjana Sverrisdóttir grein þar sem hún lýsir miklu frati á núverandi borgarstjórnarmeirihluta og er rauði þráðurinn í röksemdinni persónulegar aðdróttanir að Ólafi og Vilhjálmi.

Þetta er ekki í fyrsta sinn sem heilög Margrét lýsir aðra stjórnmálamenn vanhelga. Þar má nefna að hún gekk hart fram í persónulegum svívirðingum gegn Jóni Magnússyni þar sem hún gerði honum upp skoðanir. Það er eitt að greina á um og efast um núverandi meirihluta og pólitísk viðhorf manna en annað að lýsa þá nánast vanhelga. Ég er þeirrar skoðunar að Margrét verði að hugsa sinn gang þar sem hún snýst af heift ítrekað gegn sínum fyrri samherjum.

Þetta ætti að vera til umhugsunar fyrir þá sem hyggja á samstarf við hana. 

Athugasemdir

[asgerdurjona (IP-tala skráð) 12.2.2008 kl. 13:57]

Sæll Sigurjón, takk fyrir síðast og þakklæti fyrir hjálpina við blaðið.  Ég er sammála varðandi Margréti.  Eitthvað hlýtur henni að líða ílla því hún notar hvert tækifæri til að höggva til sinna gömlu samstarfsfélaga.  Það er vont fyrir hana að vera svona reið í sálu sinni.

Sjáumst á þorrablótinu .

kkv.

Ásgerður Jóna Flosadóttir

[Bjarni Kjartansson, 12.2.2008 kl. 14:12]

Svo eru þau afar sár, Dagur og Svavarsdóttir.

Nú er komið tómahljóð í ,,Tjarnarkvartetinn" Annars er það skömm til þess að vita, að svona gott fyrirbrygði, sem Tjarnarkvartetinn var, skuli nú vera nafn á samsuðu til vinstri í pólitíkk og sérlegu bandalagi um völd, bara völd.

Iss þetta lið er aumkunarvert.

Miðbæjaríhaldið

[Theódór Norðkvist, 12.2.2008 kl. 18:38]

Ég er búinn að lesa greinina og gat ómögulega séð persónulegar aðdróttanir í garð Óla og Villa. Ég gat ekki betur séð en allt væri satt og rétt sem hún skrifaði og nokkuð raunsönn lýsing á því sem gerðist.

Getur þú bent á hvar Margrét vó að persónum Ólafs og Vilhjálms í greininni? Getur þú bent á eitthvað atriði sem var ósatt hjá henni?

[Kristján H Theódórsson, 12.2.2008 kl. 19:52]

Hvaða fyrir liggjandi sannleikur og sanngirni er í eftirfarand fullyrðingu Margrétar?

"Báðir eru Vilhálmur og Ólafur að syngja sitt síðasta í pólitík. Það vissi Ólafur þegar hann ákvað að hans síðasta verk yrði að reisa sér bautastein sem borgarstjóri."

Gott ef Theódór gæti bent á hvaða fyrirliggjandi sannleikur er í tilvitnaðri setningu!

[Eggert Karlsson, 12.2.2008 kl. 21:25]

Þótt Óla vanti vit í brjóst

Varla mun það Möggu veikja

en eitt er alveg morgunljóst

að Sigurjón er Íhaldssleikja

[Theódór Norðkvist, 12.2.2008 kl. 21:55]

Ef Ólafur F. og Vilhjálmur Þ. eru ekki að syngja sitt síðasta í pólitík, með þessum svikum, margendurteknu lygum og hálfsannleik, þá er annað hvort kerfið meingallað, eða Íslendingar aumingjar að láta þá komast upp með þetta.

Menn sem svíkja samstarfsmenn í meirihluta, eða selja dýrmætustu eignir borgarinnar í hendur á fjárplógsliði, eiga að drulla sér út úr íslenskri pólitík og helst ekki að sinna ábyrgðarmeiri störfum en að sópa götur.

Síðan minni ég á að Vilhjálmur fer að komast á eftirlaunaaldur, fæddur 1946 og fæstir eru í pólitík fram á elliár. Ef honum verður ekki vikið til hliðar er samt ferli hans sjálfhætt vegna aldurs.

Ólafur F. hefur hrökklast úr sínum gamla flokki, Sjálfstæðisflokk, situr í nafni Frjálslyndra en er ekki einu sinni í þeim flokki lengur.

Kristján H., ef þú heldur að menn með svona sviðna jörð að baki eigi framtíð í pólitík, þá ertu mjög bjartsýnn fyrir þeirra hönd, að ég segi ekki meira. 

[Ásthildur Cesil Þórðardóttir, 12.2.2008 kl. 22:30]

Ef einhver er með sviðna jörð í kring um sig, og jafnvel áður en hún hefur komist á skrið, þá er það sú hin sama kona og hér er til umfjöllunar.  Það er ekki tala á því hve marga hún hefur gert að persónulegum óvinum, sem töldu sig vera samherja hennar.  Og þekki ég töluvert til.

[jensen (IP-tala skráð) 12.2.2008 kl. 23:13]

Margrét þorir,Sigurjón þú varst að tala þig niður,leitt að lesa svona spark frá þér.

[Sigurgeir Jónsson, 12.2.2008 kl. 23:38]

Kanski mætir Margrét á þorrablótið.

[Jóhann Elíasson, 12.2.2008 kl. 23:52]

Margréti hefur sett mikið niður síðustu misserin og er búin að tapa því trausti sem nokkrir ónefndir höfðu til hennar og það hvernig hún hefur spilað undanfarið gerði endanlega útaf við hana.  Það hvernig hún reynir endalaust að leika eitthvað fórnarlamb er bara aumkunarvert og ef pólitískur ferill er á enda hjá einhverjum, er það hjá Margréti Sverrisdóttur því allir flokkar yfirgefa þessa fjölskyldu, Sjálfstæðisflokkurinn yfirgaf föður hennar og Frjálslyndi flokkurinn yfirgaf hana, nei þau hættu ekki - hversu aumkunarvert getur fólk orðið í málflutningi sínum?

[Ólafur Ragnarsson, 13.2.2008 kl. 03:53]

Sæll Sigurjón!í ljósi þess sem Margrét skrifar í 24 Stundum þegar hún skrifar m.a:  ." En Ólafur misreiknaði sig, því borgarbúar töldu Vilhjálm hreint ekki verðskulda að komast aftur til valda og raunar kysu flestir að þeir báðir segðu af sér. Vilhjálmur klúðraði málum Orkuveitunnar svo hrapallega, að hann missti m.a.s. allt traust sinna nánustu samstarfsmanna sem skunduðu á fund Geirs Haarde ívandræðum sínum.m.a."" Þá er athyglisvert að hlusta á hvað núverandi flokksbróðir hennar sagði í"Silfrinu"á sunnudag.Þegar hann kallaði eiginlega,hvað á maður að segja,stallsystir Margrétar úr svonefndum "Tjarnarkvartett" Svandísi Svavarsdóttir kommúnista.Og hreinlega þetta brölt á þeim"klúður"Og talaði um að það væri ljótt af fólki að ráðast svona að"gamla góða Villa"og líkti atburðum líðandi stundar við að sparkað sé í liggjandi mann.Maður spyr hvaða flokkar mynda þennan"Tjarnarkvartett"?Maður veit að það er Samfylkingin,Vinstri Græn og hvaða flokkur er sá fjórði.Ekki er það Frjálslyndir og óháðir eftir útskýrigum Margrétar sjálfrar og ekki er það Íslandshreyfingin allavega ekki eftir ummælum Jakobs Frímanns á sunnudag.Hér á árum áður var skipstjóri í einni af verstöð landsins kallaður "fiskilausi" út af hve honum þótti fatast aflabrögð.Maður fer nú að geta kallað  Margréti, "Margréti flokkslausu"því að í ekki virðist hún vera í neinum.Allavega ekki í Borgarstjórn Rvíkur.Svo virtust leiðir þeirra flokkssystkina úr Íslandshreyfingunni þar sem ég hefði talið að Jakob Frímann væri áhrifamaður í og hún varaformaður liggja í allar áttir allavega ekki saman.Er nú einn flokkurinn enn búinn að yfirgefa auminga Margréti frænku mína(í nokkra ættliði 5 eða 6)Það skyldi þá aldrei vera.Kært kvaddur

[Ólafur Ragnarsson, 13.2.2008 kl. 03:54]

Þarna vantaði Framsókn í "Tjarnarkvartettin"

[Theódór Norðkvist, 13.2.2008 kl. 14:57]

Alveg er hann með ólíkindum þessi halelúja-kór Frjálslyndra. Tala um persónulegar aðdróttanir og heift og geta ekki bent á staf máli sínu til rökstuðnings. Ekki það að ég sé neinn aðdáandi Margrétar, það er ég ekki.

[Jóhann Elíasson, 13.2.2008 kl. 19:55]

Theódór Norðkvist, þú verður að segja hverjir það eru sem eru í þessum svokallaða hallelúja-kór Frjálslyndra.  Þarna ert þú sjálfur með persónulegar aðdróttanir, sem þú varst að enda við að fordæma.

[Theódór Norðkvist, 13.2.2008 kl. 23:06]

Ásgerður Jóna Flosadóttir, Bjarni Kjartansson, Ásthildur Cesil, Bjarni Kjartansson og Kristján H Theodórsson. Það kann að vera að kórinn sé stærri, en fleiri hafa ekki tónað hér.

Ég veit ekki hvort þú (Jóhann E) sért í kórnum, ég hef ekki séð félagatalið, en þú mátt eiga að þú færir rök fyrir þínu máli. 

[Ólafur Ragnarsson, 13.2.2008 kl. 23:10]

Kæri Theódór!Ég er nú vestfirðingur að ætt eins og mér segir hugur til að þú sjálfur sért mér finnst nafn þitt benda til þess.Ég þekkti allavega alnafna þinn sem þar bjó á Ísafirði mikinn öðling sem var eitt sinn gjaldkeri hjá útgerð sem ég var hjá.Eitt langar mig til að biðja þig um,viltu benda mér á hvar hægt er að finna persónulega heift í athugasemd minni hér á undan.Og það get ég sagt þér að Sverrir Hermannsson var minn uppáhaldsstjórnmála maður í gamla daga.Hefur þú "grúskað"nokkuð í gömlum og eða nýjum ræðum eða  skrifum hans.Gerðu það ef ekki.Lestu um hann í Valdatafli í Valhöll.Ég kom á síðasta Landsfund FF á  með von um að Margrét myndi ekki yfrirgefa flokkinn hvernig sem kosning um varaformann færi.En eftir ræðuna sem hún hélt þá féllust mér hendur.Aðrar eins og þú,mundir sennilega kalla"persónulegar aðdróttanir og heift"út í einn mann hef ég aldrei heyrt.Einn góður gamall Bolvíkingur sem sat við hliðina á mér sagði bara:"eftir svona ræðu kýs ég hana ekki".Ræðan hlýtur að vera einhverstaðar til.Ég legg til að þú verðir þér út um hana áður en þú ferð að núa mér um nasir að tala um"persónulega heift og persónulegar aðdróttanir.Þú tala um vöntun á rökum ,ég vitnaði bara í hennar eigin flokksbróðir allavega enn.Ég er faktíst hreykinn af að vera talinn í "þessum Hallelúja-kór Frjálslyndra".Menn vita þá fyrir víst hvar ég er í flokki en það er annað en hægt er að segja um títtnefnda Margréti.Með verskfirskum kærum kveðjum

[Theódór Norðkvist, 13.2.2008 kl. 23:36]

Sæll Ólafur, alltaf gaman að hitta Ísfirðinga fyrir. Ég er sonur þessa alnafna míns. Takk fyrir hlý orð um föður minn, ég met það mikils. Ég skoðaði bloggið hjá þér og var að reyna að koma andlitinu fyrir mig, en tókst ekki. Langt síðan þú fluttir að vestan?

Ég hafði þig ekki í huga, enda ert þú ekki í upptalningunni. Ég skal ekki vera að bera tónlistarhæfileika upp á fólk, ef það mælist svona illa! Mér fannst þitt innlegg reyndar vera vel rökstutt og alls ekki rætið.

Ég veit að Sverrir og pabbi þekktust og því miður kom Sverrir illa fram við hann sem Landsbankastjóri, svo Sverrir er enginn perluvinur minn. Margréti þekki ég lítið, en vil ekki dæma hana fyrir syndir föður síns.

Þessi stjórnarbylting í ítölskum stíl í Reykjavík hefur ekki verið Ólafi F. og Vilhjálmi til sóma og engum sem henni tengist. Þrátt fyrir pólitíska eyðimerkurgöngu Margrétar hrósa ég henni fyrir að standa með Tjarnartríóinu.

Hvort hún vonist eftir pólitískum vegtyllum fyrir stuðninginn veit ég ekki. Ég spyr samt hver sem ætlar sér eitthvað í pólitík hefði staðið með Ólafi F. eftir svona lúalega framkomu og hann sýndi fyrrverandi samstarfsfólki í borgarstjórn?

[Ólafur Ragnarsson, 14.2.2008 kl. 02:08]

Kæri Theodór.Við verðum sennilega seint sammála um títtnefnda manneskju.En nú hafa málin skýrst.Hvað okkur varða,Við vitum allavega hvar við höfum hvorn annan,Og getum þessvegna farið sáttir að sofa.Mér er sagt af góðum mönnum að menn sofni betur fari þeir sáttir"til kojs"Kært kvaddur"frændi???"

[Theódór Norðkvist, 14.2.2008 kl. 10:05]

Jú, Ólafur mikið rétt. Ég er sáttur við þig, átti ekkert sökótt við þig og gott að þú ert sáttur.

Vertu blessaður, frændi, ég er búinn að skoða Íslendingabók og sá að þú og pabbi eruð skyldir í fjórða ættlið.