Æ, æ og ó, Eva María hjalar við Bjarna Ármannsson

Fátt brennur heitar á þjóðinni þessa dagana en að upplýsa pukrið í kringum braskið við REI sem er hlutafélag í eigu hins opinbera og þess vegna á allt að vera uppi á borðinu hvað varðar athafnir stjórnarmanna þar. Í fréttaskýringaþættinum Kastljósi ræddi Eva María í kvöld við stjórnarformann REI um þessi mál og hefði maður haldið að RÚV ætti að nota tækifærið til að sinna lagaskyldu sinni skv. 3. gr. laga um Ríkisútvarpið ohf. og stunda áreiðanlega og hlutlæga fréttamennsku á því sem efst er á baugi. Í stað þess var þetta eins og hvert annað hjal þar sem hlaupið var yfir grundvallarspurningar í málinu. Bjarna virðist hafa verið skotið inn í þáttinn með engum fyrirvara miðað við hvaða viðmælandi er kynntur á vef RÚV í kvöld. Maður hefði því getað haldið að til stæði að leggja fyrir hann knýjandi spurningar en ekki vera með eitthvert hjal.

Spurningarnar sem Eva María sneiddi hjá voru t.d.: Hver samdi við Bjarna um kaup hans í fyrirtækinu á bónuskjörunum 1,3? Hvaða heimild hafði viðkomandi til þess? Hvers vegna fá skemmtanastjóri og kosningastjóri Framsóknarflokksins, Rúnar Hreinsson, og sömuleiðis fyrrum blaðamaður á Fréttablaðinu, Hafliði Helgason, kjörin 2,77 í opinberu fyrirtæki? Það eru líka sérkjör þótt þau séu tvisvar sinnum hærri en Bjarna buðust. Við þetta má bæta að forsvarsmenn fyrirtækisins segja að verðmæti þess muni margfaldast í verði á næstu kannski tveimur árum, fjórfaldast jafnvel.

Niðurstaða viðtalsins er að nánast hefði mátt komast hjá vandræðaganginum ef Bjarni hefði ekki verið símasambandslaus í Afríku þegar málið komst í hámæli.  

Athugasemdir

[Sigurður Sigurðsson, 7.10.2007 kl. 21:36]

Sæll Sigurjón

Heldur þú að það sé eitthvað hægt að gera í þessum málum? Hvers vegna eru þessi spillingarmál alltaf að koma upp? Þegar bankarnir voru seldir þá var allt fullt af þessari umræðu og nú þegar REI málið kemur upp þá er nákvæmlega sömu álitamálin í brennidepli.  Endar þetta nokkurntíma? Erum við ekki bara svona, við Íslendingar?

[Haukur Nikulásson, 7.10.2007 kl. 21:45]

Það er eins og íhaldið hafi pantað þetta viðtal til að reyna að fá Bjarna til að bjarga einhverju mitt í almennu óánægjunni. Bjarni hefur nefnilega sömu geðþekku engilsásjónuna og Marion Jones sem rakaði að sér m.a. Olympiuverðlaunum á meðan hún svindlaði í sig sterum og öðrum ólögulegum lyfjum.

Bjarni þarf líklega bara ekkert að svindla, bara plata svolítið einfalda stjórnmálamenn eins og gamla góða Villa og Binga.

[Sigurjón Þórðarson, 7.10.2007 kl. 21:59]

Núna er mín tilfinning sú að fólki sé nóg boðið en það er rétt að Bjarni kom vel fyrir enda voru þetta nú ekki snúnar spurningar sem voru lagðar fyrir kapann og hvað þá að þeim væri fylgt eftir.

[Jensen (IP-tala skráð) 7.10.2007 kl. 22:09]

Það er nóg að horfa í augun á Bjarna Ármanssyni,og sjá hvenær hann er að ljúga,hann er alltaf að ljúga.

[Árni Gunnarsson, 7.10.2007 kl. 22:18]

Þetta mál verður ekki lengi í umræðunni. Það mun fletjast út eins og önnur spillingarmál á fáum vikum.

Þegar upp verður staðið þá týnist það vegna umdeildrar vítaspyrnu á Goodison Park einhverntíman á næstu dögum.

En kjarninn í þessu viðtali fanns mér vera að verkefni fyrirtækisins sneri fyrst og fremst að umhverfisvernd.

það þótti mér mátulega trúverðugt. 

[Magnús Þór Hafsteinsson, 7.10.2007 kl. 22:38]

Ég hef verið að velta fyrir mér hlut þessa Hafliða fyrrverandi ritstjóra Markaðarins. Hann var daglegur gestur í fréttatímum Stöðvar 2 þar til fyrir örfáum vikum. Hvers vegna fékk hann kaupréttarsamning í þessu dæmi? Hvað hafði hann gert til að verðskulda það? Varla hefur hann verið búinn að vinna í þessum orkumálum nema örfáa daga - nema hann hafi verið á kafi í að plotta þessi mál á meðan hann var ennþá í starfi sem blaðamaður sem sagði þjóðinni viðskiptafréttir á hverjum degi. Eða hvað?

Hafi svo verið þá spyr maður hver sé trúðverðugleiki fjölmiðla eins og Fréttablaðsins í þessu öllu? Eru viðskiptablaðamenn á Íslandi almennt "innvígðir" og "innmúraðir" í hagsmunatengslum innan viðskiptalífsins og leyfist þeim það af hálfu þeirra fjölmiðla sem þeir starfa fyrir? Nú er það reyndar svo að fjölmiðlarnir eru flestir í eigu sumra þeirra sem eru þungt inni í þessu REI dæmi....

Einhverjir blaðamenn ættu að rannsaka þetta nánar, og kannski þarf blaðamannastéttin að taka naflaskoðun á sjálfri sér vegna þessa.

Þetta er svona einn angi af þessu máli, en margar fleiri spurningar hafa vaknað. Ég vil fá að sjá upphaflega listann yfir þá sem áttu að fá kaupréttarsamninga eða hvað þeir kalla þetta sukk sitt.

Maður hlýtur til að mynda að velta því fyrir sér hvað Bjarni Ármannson hafi til að bera sem réttlætir sporslurnar til hans? Það er verið að tala um að nýta þá þekkingu sem sé í orkugeiranum. Varla er hann með yfirburða sérþekkingu í orkumálum sem réttlætir þetta? Ég veit ekki til þess. En lykilstjórnendur Orkuveitunnar og þeir pólitíkusar sem bera ábyrgð á málum þar með þeim hljóta að upplýsa okkur eigendur fyrirtæksins um þetta eins og annað.

Er það ekki?

[Magnús Þór Hafsteinsson, 7.10.2007 kl. 22:41]

Gleymdi að minna á fundinn um orkumál og OR sem þingmenn Frjálslynda flokksins halda á Akranesi annað kvöld - mánudagskvöld.

Smellið hér til að fá nánari upplýsingar.

[Jensen (IP-tala skráð) 7.10.2007 kl. 23:47]

HVAÐA BLAÐAMENN/BLAÐAMAÐUR ÞORIR AÐ FARA 'I ÞETTA  O R .REI MÁL??KOMA ÞARF UPP UM ÞÁ FLÉTTU SEM VAR ÞAR OFIN.MIKILL FRAMSÓKNARFNYKUR ER AÐ ÞESSUM GLÆP.HVERJIR TENGJAST ÞESSARI FLÉTTU SEM ÞARNA VAR OFIN.??ÞAÐ ER NÓG KOMIÐ AF SVONA VERNDUÐUM ÞJÓFNUÐUM FRÁ ÞJÓÐINNI.

[Jón Steinar Ragnarsson, 8.10.2007 kl. 01:13]

Fjölmiðlar hér eru ekki marktækir lengur.  Varðandi þetta yfirklór og lygi, þá hef ég ætíð sagt að stærsta lygin felst í því sem EKKI er sagt. Þar standa bubbablöðin sig vel.  Nú er kominn tími á frjálsan og óháðan fjölmiðil, því engan slíkan er að finna hér á landi í dag.

Þið ættuð að verða ykkur út um heimildamyndina: Smartest guys in the room." sem er um Enron skandalann.  Það ætti að gefa einhverja hugmynd um blikurnar.   Það sem er þó verra hér er að sameign þjóðarinnar og grunnur sjálfstæðis okkar og sjálfræðis er nú að verða veð og pókerpillur í höndum misviturra skyndiarðsfíkla, sem hvorki hafa hugmynd um né kæra sig um afleiðingar gerða sinna. Þetta er fyrsta þrepið í að grafa undan sjálfstæðinu og vil ég kalla þetta sínu rétta nafni: Landráð.

[Jens Guð, 8.10.2007 kl. 02:24]

   Af hverju neitar Guðlaugur Þór að tjá sig um málið? 

[Sigurjón Þórðarson, 8.10.2007 kl. 09:30]

Viðar það er greinilega eitt og annað sem á eftir að koma upp á yfirborðið en það er ekki traustvekjandi að Guðlaugur Þór tjái sig ekki um málið í ljósi þess að ýmsir Sjálfstæðismenn hafa bent á ábyrgð hans í málinu.

[Stefán (IP-tala skráð) 8.10.2007 kl. 11:01]

Mér varð nú að orði þegar ég sá peningaglottið á Bjarna Ármanns. hjá Evu Maríu í gærkvöldi ,, Ég vissi ekki að Eva María væri svona helvíti ódýr ". Bjarni hafði Evu Maríu alveg í vasanum og nokkuð ljóst er að honum var skotið þarna inn til að reyna með öllu móti að fegra ímynd hans á þeirri stundu sem hann stendur sem völtustum fótum gagnvart þjóðinni. Ríkissjónvarpið og Eva María eiga litlar þakkir skyldar fyrir þessa blautu tusku í andlit okkar. 

[Halla Rut , 8.10.2007 kl. 12:07]

Þetta viðtal var í anda markaðsmanna.  Þetta var gagngert sett upp til að gera hann mannlegan en það er svipað og Jóhannes í Bónus hefur verið að gera í gegn um árin og hafði án efa mikinn áhrif á álit almennings þegar þeirra málarekstur gekk yfir. Ef auðmenn gera sig mannlega og hlýja þá fá þeir stuðning almennings og geta eftir það gert nánast hvað sem er.

Viðtalið tekið í rómatísku umhverfi af þeim sjónvarpsmanni sem þjóðinni þykir einna mest vænt um og treystir.   Þarna var sýndar myndir af honum þegar hann var lítið barn og svo viðtöl við foreldra hans sem eru vægast sagt "venjulegir" og hefðu getað verið foreldrar hvaða Íslendings sem er. Sem sagt Bjarni er bara venjulegur maður eins og við öll hin.

Hann kom því fram með hægu og fallegu tali að hann væri í raun að gera þetta allt fyrir náttúruna og þróunarhjálp en ekki fyrir alla þá milljarða sem hann er að hagnast af þessu öllu saman.  Hver einasti maður sem ekki hefur gagnrýnan hugsanna hátt mun horfa á Bjarna öðruvísi eftir að hafa séð þetta viðtal. Ég verð að segja að þetta tókst mjög vel hjá honum. Til hamingju Bjarni.

[Guðrún Þóra Hjaltadóttir, 8.10.2007 kl. 12:15]

Bjarni Ármannsson kemur alltaf fram eiins og "saklaus sveitastrákur" sem nýkomin er til byggða. Ég man ekki eftir væmnara viðtali en það sem var í Kastljósi í gær. Hvað er að gerast með þjoðina, er flestum sama. Hvað gera sjálfstæðismenn núna? já eða samfylkinginn?

Stöndum saman og við meigum ekki gefast upp...

[Sigurjón Þórðarson, 8.10.2007 kl. 13:59]

Það er rétt Halla þetta var mjög hugguleg sviðsetning en ég gæti nú samt trúað því að þarna hafi Eva María farið svo rækilega yfir strikið að hún eigi talsvert verk fyrir hönum að endurvinna traust margra.

Já það er góð spurning hvað varðar afstöðu Samfylkingarinnar en þegar ég hlusta á þá félagana Dag og Össur þá finnst mér erfitt að henda reiður á því hvað þeir vilja í raun og veru og hvort þeir styðji þetta meik allt.  Ég held að að þeir verði að girða sig í brók og tala þannig að maður haldi þræði - Ég er a.m.k. nokkuð fljótur að missa þráðinn þegar þeir fjalla um útrás REI - sameiningu við GGE - orka í eigu almennings.

[RagnaB (IP-tala skráð) 8.10.2007 kl. 14:12]

Er fólk á Íslandi ekki búið að fá nóg af .yfirganginum,frekjunni,lygunum,okrinu,smjaðrinu gagnvart peningafólki,og lítilsvirðingunni gagnvart venjulegu fólki?Í það minnsta ég.Jú þeir eru ofsalega duglegir peningamennirnir sem hafa fengið uppí hendurnar milljónir af almannfé til að braska með.Er hinn venjulegi verkamaður sem stundar sína vinnu alla tíð,borgar sína skatta,fer á eftirlaun og borgar aftur skatta ekki duglegur?Nei ekki í augum íhaldsafla samtímans.Allt snýst um peninga og aftur peninga.En hvað er gert?Ekkert og aftur ekkert.Ef slík spillingarmál,í það minnsta ef að grunur kviknar um að einhver háttsettur embættismaður hafi óhreint mjöl í pokahorninu erlendis,þá eru menn umsvifalaust látnir víkja.Væri afgreiðslukona á Bónuskassa látin mæta daginn eftir ef að grunur væri um að hún hefði dregið af sér fé? Nei Nei.Er ekki kominn tími á að við förum að láta í okkur heyra annars staðar en á blogginu.Berjum í borðið eins og alvöru þjóðir.

[RagnaB (IP-tala skráð) 8.10.2007 kl. 14:13]

Meinti auðvitað dregið að sér fé.

[Katrín Snæhólm Baldursdóttir, 8.10.2007 kl. 15:15]

Mér þykir leitt hvernig Eva Maria tapaði trausti sínu sem ein traustasta fjölmiðlamanneskja sem við höfum lengi haft með þessu viðtali í gær.  Það er greinilega búið að greiða þessum peningaöflum leið út um allt samfélag og hvergi nokkur veggur sem þau munu stöðvast við. Allt er falt.

[Guðröður Hermannsson (IP-tala skráð) 8.10.2007 kl. 15:20]

Mér finnst undarlega lítið heyrast í Samfylkingunni, þessi flokkur þykist vera samviska þjóðarinnar, en nú heyrist ekkert í þeim út af þessu.  Hvar er Fjármálaeftirlitið?? (það er reyndar máttlaust).

Það ætti að kæra þessa sameiningu til lögreglunnar og sækja hlutaðeigandi til saka fyrir spillingu.  Þetta er gert í öllum lýðræðislöndum nema Íslandi. 

[Magnus Jonsson (IP-tala skráð) 8.10.2007 kl. 16:11]

Þetta er mál algerlega lýsandi  dæmi um íslenska stjórnmálamenn.

Týpiskt dæmi er að hverfa á meðan skandalling stendur sem hæst, eða þyrla upp moldviðri eannarstaðar til að dreyfa athyglinni.

 Íslenska þjóð'n á þetta skilið  að auðlindum hennar sé stolið  í skjóli næturs, af lögmönnun, slefandi gróðapólitíkusum og bréfadrengjum á náttfötunum .

HÚN LÆTUR ÞENNA LÝÐ komast upp með það.

[Einar (IP-tala skráð) 8.10.2007 kl. 19:18]

Bjarni Á kom inní þetta 9/11 - man einhver eftir öðrum ósköpum þann dag ? :)

Þrátt fyrir allt umtalið hef ég hvergi séð hvaða eignir Orkuveitan setti inní dótturfélagið.. mér finnst það eiginlega svo stórt atriði að ég skil ekki afhverju það er ekki upplýst ??

[Óskar Þorkelsson, 8.10.2007 kl. 20:00]

held að það sé nokkuð ljóst hvar samfylkingin stendur í þessu máli.. hún styður sameininguna en ekki framkvæmdina !

[Atli Hermannsson., 8.10.2007 kl. 21:17]

Ég ætlaði að láta mig hafa það að horfa á viðtalið við Bjarna - Hinn venjulega allt til enda. En væmnin og slepjan fengu hárin á bakinu á mér fljótlega til að rísa ásamt því að - að mér setti aumingjahroll. Því stóð ég upp til að forða því að ég yrði fyrir varanlegum skaða. 

[Sigurjón Þórðarson, 8.10.2007 kl. 21:22]

Ég tek undir með þér Einar að það er lykilatriði í þessu máli hvaða eignir fylgdu inn í REI en það er ekki full ljóst í fréttaflutningi af málinu.

Það væri eftir öðru ef nokkrum vildarvinum hefði verið heimilað að kaupa hlut í Hellisheiðavirkjun fyrir þrefalt lægra verð en öðrum sem vildu festa kaup á virkjuninni.

Samfylkingin veit ekki heldur hvar hún stendur í þessu máli frekar en í kvótamálinu þannig að það er örugglega erfitt fyrir okkur hin að kortleggja það með einhverju viti. 

[Jensen (IP-tala skráð) 8.10.2007 kl. 23:19]

Hann Guðröður sem skrifar hér aðeins ofar ,spyr,hvar er Fjármálaeftirlitið?.Því er fljótsvarað hvar það er.Þar skylst manni að framsóknarmafían ráði öllu þar,gleymum ekki því hver var þar forstöðumaður,en nú komin í samkeppnisstofu.

[Vilhjálmur Þorsteinsson, 9.10.2007 kl. 23:58]

Hér étur hver bullið eftir öðrum.  Reyni að leiðrétta það helsta hér að neðan.

• Í fyrsta lagi eru engir kaupréttarsamningar í þessu máli.  Ákveðnum starfsmönnum stóð til boða að kaupa hlutafé á tilteknu verði, og greiða það úr eigin vasa.  Kaupréttarsamningur er allt annað, þ.e. réttur til kaupa í framtíðinni á fyrirframákveðnu verði.
• Í öðru lagi er gengið 2,77 ekki "sérkjör" heldur einfaldlega miðað við andvirði félagsins eftir samrunann, sem sagt réttasta verð á þessum tímapunkti.
• Í þriðja lagi er ekkert skrýtið eða óeðlilegt við það að reynt sé að umbuna og halda í lykilstarfsmenn og tengja hag þeirra við fyrirtækið, enda hætta á að þeir færu annars til hugsanlegra keppinauta.  Verðmæti félagsins liggur jú ekki síst í þekkingu þessa fólks, sem getur labbað út hvenær sem er ef betra starf býðst.  Einhvern tíma hefði það þótt skrýtinn marxismi hjá Vinstri-Grænum að vera á móti því að starfsfólk nyti arðs en ekki bara fjármagnseigendur.
• Í fjórða lagi hefur alltaf legið fyrir að REI færi með eignarhlut OR í HS; hluturinn í HS er verðmætasta eign REI, og OR fær fyrir hann fulla greiðslu skv. nýjasta viðskiptaverði á HS.
• Í fimmta lagi er ekki verið að gefa neinum verðmæti, OR fær fulla greiðslu fyrir allar þær eignir sem lagðar eru inn í REI á ítrasta verðmati og meira að segja tíu milljarða að auki fyrir viðskiptavild (þ.e. þekkingu starfsfólksins sem ekki má fá hlutabréf skv. sumum þeirra sem hér skrifa).
• Í sjötta lagi hefur Hellisheiðarvirkjun ekki verið seld. Hún er og verður eign OR, þótt minnst sé á hana sem dæmi um verkefni sem REI státar sig af á heimasíðu á ensku í auglýsingaskyni fyrir verkkunnáttu sína.
• Í sjöunda lagi væru það svik við eigendur OR, almenning á stór-höfuðborgarsvæðinu, að glutra niður tækifæri til að gera verðmæti úr þeirri stórmerkilegu þekkingu sem safnast hefur upp í áratuga starfi að nýtingu jarðvarma.

Er ekki lágmarkskrafa að fólk sem ætlar sér að komast til metorða í stjórnmálum, eins og Sigurjón Þórðarson, reyni að kynna sér málin áður en látið er vaða á súðum? 

[Guðrún María Óskarsdóttir., 10.10.2007 kl. 02:48]

Sæll Vilhjálmur.

Þú steingleymir því atriði að skattgreiðendur , almenningur í landinu hefur EKKI tekið ákvörðun um það að vera gerður þáttakandi í áhættufjárfestingum fyrirtækja í útrás fyrir sitt fé.

Orkuveita Reykjavíkur er og á að vera þjónustufyrirtæki við notendur hita og rafmagns á höfuðborgarsvæðinu, annað ekki. Sú þekking sem þar hefur skapast, er því í þágu þess verkefnis að þjóna borgarbúum.

kv.gmaria.