Bullukollar - VG voru fylgjandi ráðgjöfinni 12. júní sl.

Ég verð a að segja eins og er að ég á mjög bágt með að skilja málflutning VG en þann 12 júní sl. sendi þingflokkur VG frá sér yfirlýsingu þar sem sagði að það ætti að fylgja ráðgjöf Hafró í einu og öllu en það er einmitt það sem sjávar- og landbúnaðarráðherra hefur gert varðandi ákvörðun þorskkvóta næsta árs. 

Nú hefur VG miklar efasemdir um þá ákvörðun sem þeir þó studdu.  Í sjálfu sér er það er jákvætt að flokkar geti tekið nýja stefnu en ég veit eiginlega ekki hvaða stefnu flokkurinn hefur tekið þar sem má lesa á milli línanna að VG vilji veiða enn minna en ráðherra hefur boðað en þó jafnvel meira. 

Það sem mér þótti þó fróðlegt í þessari yfirlýsingu VG sem ég hef sannast sagna aldrei heyrt áður en það eru fullyrðingin um að viðgerðir á húsum og vegum gagnist ekki konum!

 

 

VG: Kvótakerfið gjaldþrota

Athugasemdir

[Sigurjón Þórðarson, 6.7.2007 kl. 17:00]

Væru þeir verri í þessu máli en S og D.  Einar Oddur hefur alltaf haft "miklar efasemdir" um ráðgjöf Hafró þegar það hentar og sömuleiðis var Karl Matthíasson á móti óréttlátu kerfi fyrir kosningar en nú er hann heill í að styðja óbreytt kerfi.

[Georg Eiður Arnarson, 6.7.2007 kl. 22:08]

Ef VG væru í stjórn þá værum við öll úti í haga að bíta gras

[Gunnar Skúli Ármannsson, 6.7.2007 kl. 22:10]

VG virðast hafa séð ljósið en fullseint, ákvörðunin er tekin. Þeir eru ákaflega seinheppnir í pólitík.

Greinilegt er að frjálshyggjuflokkarnir tveir ætla að handstýra byggðarþróun í landinu með ríkisstyrkjum. Hafró er bara yfirskyn, það er ekki nokkur maður sem trúir þeim. 

[Guðrún María Óskarsdóttir., 6.7.2007 kl. 22:40]

He he,,, þeir eru svo vanir að vera á móti öllum ákvörðunum Sigurjón.

kv.gmaria.

[Ólafur Ragnarsson, 7.7.2007 kl. 17:06]

Sæll Sigurjón!Ég vil bara benda á máttleysi sjómanna samtakana.Það gátu allir séð eftir 17 júni hvert stefndi.Og ef mig misminnir ekki var máttleysinginn í stól sjávarútvegsráqðherra að kalla eftir einhverju sem hann með miklu orðskrúði kallaði breiða samstöðu.Og af hverju þrýstu ekki þessir forsvarsmenn sjómannasamtakana á ráðherran um þessa samstöðu.Mig rekur ekki minni til að það hafi heyrst múkk frá þessum herrum þarna í Borgartúninu.Menn leiðrétta mig ef ég er að fara með rangt mál.En mig minnir að forsvarsmenn smábátaeigenda hafi farið á hans fund.Svo koma þessir ræf... og hrópa hátt þegar allt er um garð gengið.Svei mér þá ef maður fer ekki að hætta að sjá í iljarnar á þessum mönnum út úr ras........ á stórútgerðarmönnunum.Var þessi ábending hjá Davíð um gengistryggð lán tilviljun degi fyrir 06-07-07.Nú verður bara að halda þessu vakandi svo langtímaminni fólks bregðist ekki eftir tæp 4 ár.Kært kvaddur

[Sigurjón Þórðarson, 8.7.2007 kl. 23:16]

Sumir af forsvarsmönnum sjómanna s.s. Sævar Gunnarsson eiga óhægt um vik með að gagnrýna þessar tillögur vegna þess að þeir hafa komið að því að búa til aflaregluna sem tillögurnar hvíla á.