Séra Lárus sagði grand en ekki pass líkt og séra Karl

Mér bárust athugasemdir frá skagfirskum lesanda bloggsins sem kannaðist ekki við að séra Lárus á Miklabæ hefði sagt pass, heldur á hann að hafa sagt grand þegar hann var spurður hvað hann segði við frekar óheppilegar aðstæður. 

Viðbrögð séra Lárusar voru því öllu sköruglegri en varaformanns sjávarútvegs- og landbúnaðarnefndar sem segir pass þegar hann er spurður málefnalegra spurninga er varða ráðgjöf Hafró sem Samfylking og Sjálfstæðisflokkur trúa á í blindni.

Í svari við athugasemd Jóns Vals Jenssonar við færslu um að stjórnvöld hunsi einhverra hluta vegna að fara í gegnum rök þeirra sem efast um að ráðgjöf Hafró sé byggð á traustum grunni vitna ég í að séra Lárus hafi sagt pass - en auðvitað er það ekki rétt þar sem sagan segir að hann hafi sagt hátt og snjallt grand í stólræðu.

Athugasemdir

[Haraldur Haraldsson, 5.7.2007 kl. 18:14]

Já þetta er rétt eftir haft/séra Lárus sagði grand!!!!/svo hefi eg eftir áreiðanlegum söggnum/En Kalli sagði Pass það er líka rétt,en ekki til eftirbreittni sérans/Halli gamli

[Kjartan Eggertsson, 5.7.2007 kl. 21:45]

Vísindi Hafró eru eins og önnur vísindi byggð á rannsóknum og kenningum í kjölfar þeirra sem er svo reynt að sanna með tilraunum.

Enn vita vísindamenn Hafró "lítið" um lífríki hafsins þrátt fyrir áralangar rannsóknir.

Tilraunir Hafró með aðstoð ríkisstjórnar í tvo áratugi hafa sýnt að kenningarnar eru rangar.

Hvað ber þá að gera?  Eru vísindamennirnir á Hafró eins og pólitíkusar sem viðurkenna helst aldrei að þeirra tilgátur geti verið rangar?