Eiríkur Bergmann er enginn fræðimaður

Það er umhgusunarvert að maður sem ber titilinn dósent og þar að auki er forstöðumaður seturs í Evrópufræðum við Háskólann við Bifröst skuli vera fyrirmunað að beita gagnrýnni hugsun eða hvað þá hlutlægni í umfjöllun um fræðasvið sitt sem á að vera stjórnmálafræði. Eiríkur er þó hvergi hlutlaus í "fræðimennsku" sinni. Hann er stækur talsmaður þess að Ísland afsali fullveldi sínu og gangi í Evrópusambandið. Hann er einnig eins og félagar hans í Samfylkingunni harður baráttumaður fyrir því Ísland sé galopið fyrir útlendingum.

Það er áhugavert að Eiríkur starfar á Bifröst en þar er rektor Ágúst Einarsson kvótagreifi, fyrrverandi þingmaður Samfylkingarinnar og pabbi núverandi varaformanns Samfylkingarinnar. Ágúst skrifaði í hitteðfyrra kennslubók í rekstrarhagfræði sem notuð er í háskólum landsins þar sem hann sagði hreint út að það ætti að fjölga íbúum á Íslandi í þrjár til fimm milljónir íbúa með innflutningi fólks.

Magnús Þór Hafsteinsson varaformaður Frjálslynda flokksins sem stóð sig frábærlega í kosningasjónvarpi RUV í gær þar sem talað var um utanríkismál og málefni innflytjenda hefur bent á þessar hugmyndir eins helsta hugmyndafræðings Samfylkingarinnar í umræðunni um innflytjendur. Það má lesa um þetta hér (Hver er framtíðarsýn Samfylkingar í innflytjendamálum?). Þetta er sú stefna og framtíð fyrir íslenskt þjóðfélag sem Eiríkur Bergmann er að berjast fyrir. Það er að gera Ísland að nýlendu fyrir útlendinga sem hingað koma frá löndum Evrópusambandsins og sjá um leið til þess að afkomendur þeirra sem hafa búið í landinu síðustu 1100 ár verði minnihluti í eigin landi. 

Því miður virðast sterk öfl í þjóðfélagi okkar róa að því að þessi framtíðarsýn nái fram að ganga. Frjálslyndi flokkurinn er eini stjórnmálaflokkurinn sem vill koma stýringu á innflutning fólks frá EES löndunum. Kjósendur hafa því skýra valkosti. Ef þeir vilja stýringu á innstreymi til landins og þannig verja þá þjóðfélagsgerð sem hér er þá eiga þeir að veita Frjálslynda flokknum umboð með atkvæði sínu. Ef þeir vilja deila framtíðarsýn með Eiríki Bergmann og hans skoðanasystkinum þá hljóta þeir að kjósa einhvern af hinum flokkunum.  

En til að berjast fyrir þessari göfugu hugsjón sinni og yfirmanns hans á Bifröst að dæla útlendingum stjórnlaust inn í landið og koma þjóðinni í hendurnar á valdhöfum í Brussel, þá reynir þessi svokallaði fræðimaður að beita öllum brögum til að sverta alla þá sem styðja Frjálslynda flokkinn og þau stefnumál og gildi sem hann stendur fyrir.

Í dag lætur Eiríkur Bergmann Einarsson ekki af uppteknum hætti á heimasíðu sinni birtir samhengislaus ummæli talsmanna Frjálslynda flokksins um málefni og reynir að leggja út á versta veg.  Um leið er athygli vert að "fræðimaðurinn" hefur lokað fyrir komment á bloggsíðu sinni þannig að það er ómögulegt að koma við andsvörum við árásum hans og níði. (Okkur er í fersku minni þegar hann uppnefndi Magnús Þór og Jón Magnússson fyrir nokkrum dögum og kallaði annan Magnús Hagen og hinn Jón Le Pen). Þetta er eflaust allt gert í nafni upplýstar umræðu göfugrar fræðimennsku.

En án gríns og í fúlustu alvöru - er ekki ábyrgðarhluti að svona mönnum skuli yfirhöfuð treyst til þess að mennta fólk í landinu?

 

Eirikur Bergmann Einarsson Dósent og forstöðumaður Evrópufræðaseturs

Athugasemdir

[J. Einar Valur Bjarnason Maack , 11.4.2007 kl. 12:15]

Tja... sameinuð Evrópa... var það ekki draumur bæði Karlamagnúsar, Caesars, Hitlers etc...?

Máské honum líkaði vel ef vér uppnefndum hann Eirík Heydrich, en það væri ljótt og við ættum að varast að sökkva á þetta ömurlega og lága, ómálefnalega plan. 

[Hjörtur J. Guðmundsson, 11.4.2007 kl. 12:26]

"Our continent has seen successive attempts at unifying it: Caesar, Charlemagne and Napoleon, among others. The aim has been to unify it by force of arms, by the sword. We for our part seek to unify it by the pen. Will the pen succeed where the sword has finally failed? " - Valery Giscard d'Estaing, president of the EU Convention, speech in Aachen accepting the Charlemagne Prize for European integration, 29th May 2003

Giscard þessi er eins og kunnugt er aðalhöfundur fyrirhugaðrar stjórnarskrár Evrópusambandsins sem enn er alls ekki tímabært að afskrifa. Hann minnist að vísu ekki á Hitler, en... ;)

http://www.brugesgroup.com/mediacentre/quotes.live

[Sigurður J. (IP-tala skráð) 11.4.2007 kl. 12:31]

Slæmt að háskólar landsins skuli þurfa að sætta sig við ekki vandaðri "fræðimenn" en þennan við störf.    Svona málpípur þröngra pólitískra sjónarmiða, sem veigra sér ekki við að nota "götiustráka" aðferðir í málflutningi sínum, ráðast á persónur og uppnefna þær, ættu ekki að eiga heima í akademísku umhverfi.   Virðing og traust Bifrastar sem háskólastofnunar minnkar óhjákvæmilega með svona fulltrúa innanborðs.

[Guðmundur G. Hreiðarsson (IP-tala skráð) 12.4.2007 kl. 09:31]

Hann kann að vera langskólagenginn, en er greinilega ekki nógu vel menntaður!

[Hannes (IP-tala skráð) 12.4.2007 kl. 11:27]

Sigurjón Þórðarson er ekki stjórnmálamaður

[Kristján P. Gudmundsson, 12.4.2007 kl. 22:23]

Ljótt er að vita, Sigurjón, að dósentinn þorir ekki að hafa opið fyrir athugasemdir og væntanlega tekur illa gagnrýni. Ekki vildi ég ganga í læri hjá slíkum kennara. Raunar hef ég lítið álit á þessum manni, sem hefur
gengt því lákúrulega hlutverki á undanförnum misserum, að mana landa sína til að ganga herraþjóðum Evrópu á hönd eins og lömb, sem leidd eru
til slátrunar. Það er líka ótrúlegt, hvað Egill Helgason hefur hampað þessum manni í sínum þáttum sem sérfræðingi, sér er nú hver sérfræðin. Gangi þér allt í haginn, Sigurjón Þórðarsson.
Með kveðju frá Sigluffirði, KPG.