Hagur fjöldans

Innflytjendamálið er stórt mál sem varðar framtíð Íslands og þróun samfélagsins. Maður hefur orðið var við það að aðrir stjórnmálaflokkar en Frjálslyndi flokkurinn hræðast þessa umræðu og hafa reynt að úthrópa hana sem vonda þótt rök Frjálslynda flokksins hafi verið fengin beint úr athugasemdum íslenskrar verkalýðshreyfingar. Skoðun mín er sú að fjórflokkurinn hafi gert mikil mistök við að nýta ekki þær heimildir sem voru fyrir hendi í samningi um Evrópska efnahagssvæðið sem kvað á um að hægt yrði að fresta frjálsri för launafólks frá fátækum Evrópulöndum um nokkurra ára bil.

Það sem hefur kannski verið átakanlegast í umræðunni er að sjálfskipaðir fulltrúar upplýstrar umræðu hafa beitt óvönduðum meðulum við að koma í veg fyrir nauðsynleg skoðanaskipti, s.s. með því að ráðast persónulega að æru formanns Frjálslynda flokksins og fjölskyldu hans. Má í því sambandi nefna grein Illuga Jökulssonar í Blaðinu fyrir nokkrum mánuðum.

Í umræðum á Stöð 2 í kvöld reyndi svo fulltrúi Samfylkingarinnar að persónugera þessa umræðu í einstaka framámönnum í Frjálslynda flokknum í stað þess að ræða þessi mikilvægu mál með málefnalegum hætti. Hann var með ódýran málflutning sem fólk sér í gegnum.

Mér finnst fyllilega koma til greina að nota þau undanþáguákvæði sem við höfum til að stöðva hina frjálsu för meðan við náum áttum og ráðum í sameiningu ráðum okkar um það hvernig við ætlum að þróa okkar íslenska samfélag, hvernig við getum tekið sómasamlega á móti útlendingunum og tryggt kjör þeirra sem og íslensks verkafólks.

Athugasemdir

[Guðrún María Óskarsdóttir., 5.4.2007 kl. 01:15]

Sæll Sigurjón.

Það var alveg stórmerkilegt að menn fengust ekki til þess að ræða byggðamál tengd sjávarútvegi hvorki VG eða SF minntust einu orði á það frekar en þeir flokkar hafa gert allt síðasta kjörtímabil.

Framkoma Kristjáns Möller í þessum þætti var ótrúleg svo mjög að mann rak í rogastanz og ansi er ég hrædd um að hann hafi reytt nokkur atkvæði af flokk sínum með þessum málflutningi.

Það fór Steingrími Joð illa að uppnefna aðra hvað varðar öfga afar illa.

bestu kveður norður.

gmaria.

[Sigurjón Þórðarson, 5.4.2007 kl. 13:15]

Já ég veit ekki á hvaða leið VG og S eru á en það var greinilegt að kratinn Kristján Möller og harðlínumaðurinn Steingrímur J settu upp hringa í útsendingu stöðvar 2 í gærkvöld. 

Það er greinilegt að báðir frambjóðendur  VG og S forðast eins og heitan eldinn  að ræða sjávarútvegs og landbúnaðarmál.

[Hans G Stefánsson (IP-tala skráð) 5.4.2007 kl. 15:56]

Og SS, ég meina FF er ekki á leið á þing

[Lesandi (IP-tala skráð) 5.4.2007 kl. 18:26]

Sigurjón rúm 2% styðja þig í þínu kjördæmi.  Segir þér það ekki eitthvað?? 

[Magnús Þór Hafsteinsson, 5.4.2007 kl. 19:49]

Það var ótrúlegt að heyra Kristján Möller jarma tómt rugl um mig og Jón Magnússon í þessari útsendingu í gær. Og Sigurjón á eftir að fljúga inn á þing, sanniði til.

[Sigurjón Þórðarson, 5.4.2007 kl. 21:58]

Skoðanakannanir eru misvísandi, við höfum þokast upp á við undanfarið, í dag voru það 5% og ég er fullur bjartsýni. Frjálslyndi flokkurinn mun ná góðu fylgi í Norðausturkjördæmi sem og á landsvísu.

[Guðrún Magnea Helgadóttir, 8.4.2007 kl. 19:33]

Í guðanna bænum farið út í heim... Mánaðar ferð til hinna ýmsu landa ætti að koma vitinu fyrir ykkur. Sú reynsla og sýn ætti að leiða ykkur í sannleikann um hvernig þessi milljarða fólks umheimir lítur út... Viljum við virkilega tapa landinu okkar í hendur þeirra og eiga ekkert land fyrir afkomendur okkar?