Margt merkilegt á Akureyri

Síðan ég afréð að fara í framboð í Norðausturkjördæminu hafa orðið talsverðar breytingar á mínum högum.  Ég hef flutt mig set úr hinum fagra Skagafirði og til höfuðstaðar Norðurlands, Akureyrar.

Hér á Akureyri er ein besta sundlaug á landinu og á þeim stutta tíma sem ég hef búið hér þá hafa veðurguðirnir sýnt hin ýmsu tilbrigði.  Allt frá blíðskaparveðri og í hífandi rok sem fletti klæðningu ofan af húsum nágranna.

Eitt af því sem mér finnst vera mjög merkilegt hér á Akureyri er rekstur sjónvarpsstöðvarinnar N4 sem er flytur m.a. fréttir af Eyjafjarðarsvæðinu. Sjónvarpsstöðin virðist ganga ágætlega og er það umhugsunarefni að á sama tíma virðist sem RÚV eigi fullt í fangi með að reka svæðisútvarp á landsbyggðinni þrátt fyrir að fá vel á þriðja milljarða árlega í afnotagjöldum til þess að standa undir rekstri sínum.

 

 

Athugasemdir

[Jón Magnússon (IP-tala skráð) 29.3.2007 kl. 23:12]

Til h amingju með að búa í fallegasta bæ á landinu Akureyri. Akureyri tekur jafnvel Sauðárkróki, Borgarnesi og Stykkishólmi fram þó að þeir staðir séu líka einstaklega skemmtilegir. Þú átt greinilega eftir að uppgötva margt merkilegt til viðbótar í menningar- og skólabænum Akureyri. Hlakka til að heimsækja þig á kosningaskrifstofuna.

[Jens Guð, 1.4.2007 kl. 23:59]

  Ég get ekki tekið undir með Jóni að Akureyri taki Sauðárkróki fram.  Ja, jú,  kannski Saúðárkróki.  En hafsýn frá Héraðsvötnum í Skagafirði við sólarlag er einhver sú fallegasta á landinu.  Þegar Drangey,  Málmey og Þórðarhöfði bera við sóligullinn hafflötinn.  Það er mögnuð sýn.  Sömuleiðis fyllist ég alltaf lotningu þegar ég keyri heim að Hólum í Hjaltadal,  umkringdur svipsterkum fjallahring.

  Mér þykir líka alltaf gaman að koma til Akureyrar.  þar býr móðir mín, yngsti bróðir og tveir systursynir.  Matsölustaðir eru margir afskaplega góðir á Akureyri.  Nefni til að mynda Bautann og Greifann.  Á Akureyri er sömuleiðis ein besta heilsubúð landsins,  Heilsuhornið á Glerártorgi.