Maðurinn sem virðir ekki álit Mannréttindanefndar Sameinuðu þjóðanna

Fyrir kosningar lofaði Ögmundur að virða álit Mannréttindanefndar Sameinuðu þjóðanna varðandi brot íslenskra stjórnvalda gagnvart 2 sjómönnum sem sóttu rétt sinn og greiða sjómönnunum bætur. Ögmundur gekk svo langt að flytja sérstak þingmál ásamt þingmönnum Frjálslynda flokksins þar sem lofað var sömuleiðis að breyta kvótakerfinu í átt til jafnræðis þegnanna.

Eftir að Ögmundur varð ráðherra, þá hefur hann varla virt umrædda sjómenn viðlits og er þögull sem gröfin um nauðsyn þess að tryggja jafnræði Íslendinga við nýtingu sameiginlegra auðlinda.

Mér finnst að Ögmundur ætti að sjá sóma sinn í því að sjá til þess að íslensk stjórnvöld hætti skipulögðum mannréttindabrotum áður en farið er að tala digurbarkalega um mannréttindi á alþjóðavettvangi og beina spjótum sínum að Aserum.

Mannréttindi alltaf í fyrsta sæti

Athugasemdir

[Stefán (IP-tala skráð) 11.2.2012 kl. 17:35]

Sammála.

Einnig finnst mér varhugaverð lög sem Alþingi samþykkti um daginn sem "bannar" eða takmarkar peningasendingar, "fyrirvinnu" til fjölskyldu sinnar sem býr erlendis sem hann þarf að sjá fyrir.

Þetta var leyfilegt fyrir hrun en var bannað með reglum Seðlabankans eftir hrun. Þannig að réttindi voru afnumin.

Á Íslandi virðast brot vera réttlæt með því að segja að "efnahagslega" sé þetta ekki hægt.

Þessi hugsun er varhugaverð því hún hefur alltaf verið notuð þegar mannréttindi hafa verið brotin af stjórnvöldum.

[Ásthildur Cesil Þórðardóttir, 11.2.2012 kl. 17:38]

Nákvæmlega hárrétt hjá þér Sigurjón. Hvernig væri að byrja heima hjá sér?

[Jónatan Karlsson, 11.2.2012 kl. 17:49]

Ögmundur virðist vera að missa grímuna, dag frá degi. Eftir stendur fremur ófrýnilegur karl, ekki ósvipaður berskjaldaðri klíku annara ráðamanna valds og auðs Íslendinga.

[Anna Sigríður Guðmundsdóttir, 11.2.2012 kl. 18:02]

Sigurjón. Þú ert réttlætis-sinnaður, og fróður um útgerð og fiskveiðar. En Þarna finnst mér þú grípa í svika-stuðnings-hálmstrá RÚV-einokunar (í útibúinu 365), sem er mannorðs-leigumorðingja-pólitískur og ríkisrekinn áróðurs-aftöku-fjölmiðill.

Svona ríkis-svika-fjölmiðlun eru án nokkurs efa, mestu leigu-morðingja-mannorðsaftökur, sem um getur í svokölluðu mannréttinda-siðuðu ríki.

Láttu nú ekki banka-mafíuna draga þig í sama kúgunardilkinn og Steingrímur Jóhann Sigfússon var dreginn í, og svo margir aðrir hafa látið draga sig í!

Ertu viss um að þú vitir sannleikann á bak við allt sem Davíð Oddson var látinn (hótað að) gera, með mafíu-hótunum frá baktjalda-Falda Valdinu alþjóðlega?

Ég minni á vef Jóhannesar Björns: vald.org.

M.b.kv. 

[Sigurjón Þórðarson, 11.2.2012 kl. 18:12]

Hvaða baktjaldamakk áttu við Anna Sígríður gagnvart þingmanninum og ráðherranum Ögmundi sem kaus með aðildarumsókn að ESB, sem að hann sá allt til foráttu.

[Anna Sigríður Guðmundsdóttir, 11.2.2012 kl. 21:36]

Sigurjón. Ég met manninn Ögmund sem mannúðar og lýðræðis-sinnaðan. Hann mat aðildar-kosninguna að ESB sem vilja lýðsins á sínum tíma. Því miður trúði hann þá á lýðræðið, sem varð svo að hótunar-"lýðræði" á alþingi í Júlí 2009!!!

En ég veit líka, eins og svo margir íslendingar, að mannúð, lög, réttur og siðferði er og hefur verið mafíustýrt afl á Íslandi, frá því að bandaríski herinn yfirtók og mútaði leiðitömum og samvinnuþýðum embættis-manna-mútuþegum, í íslenskri stjórnsýslu.

Ég gæti haldið heilan fyrirlestur um hvernig eineltis-fréttaflutningurinn hefur leitt sinnulausa þjóðina á það tortímingar-stig sem hún er nú á.

Þetta er kannski í stórum dráttum, það sem ég á við.

M.b.kv.

[Sigurjón Þórðarson, 11.2.2012 kl. 22:06]

Hvaða eineltisfréttaflutning ertu að tala um nákvæmlega.

[Anna Sigríður Guðmundsdóttir, 12.2.2012 kl. 14:15]

Sigurjón. Þú ert ekki svo óskynsamur sem þú gefur þig út fyrir að vera í þessari spurningu þinni.

Ég spyr þig núna um það, hvort þú trúir íslenskum ríkisreknum fréttaflutningi? Sem þegir yfir öllum svikunum og ránunum sem viðgangast í bönkum og lífeyrissjóðum landsins?

Ef þú raunverulega trúir þeim fréttaflutningi sem fram fer á RÚV, þá ert þú ekki að vinna fyrir almenning og grasrótina á Íslandi. Það gildir líka um alla aðra grasrótar-liða.

Hvers vegna fær framboðið: NÝ framtíð ekki meiri umfjöllun í ríkisreknu fjölmiðlunum en raun ber vitni? Og hvers vegna er það framboð ekki með í þessari fylkingu?

Er það vegna þess að það framboð er að segja frá raunverulega bankaráninu og sannleikanum?

Hvers vegna er Frjálslyndi flokkurinn ekki í liði með þessu nýja og sanna framboði?

Nú verður þú að svara hreinskilnislega og af heiðarleika, ef ég á að geta trúað á þina sannfæringu Sigurjón minn!

Þú getur það ef þú þorir!

M.b.kv.