Hvers vegna lét Steingrímur J ekki söfnunarbauk ganga í Hörpunni

Í kvöld voru saman komin í Hörpunni" fræga og fína" fólkið sem ber alla ábyrgð á hruninu. Það fór vel á því að í öndvegi var Björgólfur Guðmundsson sá sem tæmdi Landsbankann og ber ábyrgð á Icesave  og á sök á einu stærsta gjaldþroti í veraldarsögunni. Harpan er gott dæmi um verk sem fór af stað vegna samkrulls gjörspilltrar stjórnmálastéttar og fjárglæframanna. Lítil sem engin umræða fór fram á þingi eða í  Reykjavíkurborg um það að dæla þúsundum eða jafnvel tugþúsundum  milljóna í verkið. Á þingi var málið afgreitt með heimildarákvæði rétt eins og verið væri að kaupa eða selja prestbústað. Tónlistarfólk á samúð mína yfir því  að vera sett inn í þessa umræðu um fáránleika og táknmynd útrásarinnar. Ég vona svo sannarlega að boðsgestir hvort sem það er Bjögólfur, Björgvin G. eða Ingibjörg Sólrún hafi skemmt sér konunglega í kvöld.Ég hefði þó talið að betur hefði farið á því að þau hefðu sýnt af sér þann sóma að greiða fyrir skemmtunina eða þá að Steingrímur J fjármálaráðherra hefði látið söfnunarbauk fara um salinn í stað þess að ætla að merja kostnaðinn út úr almúganum.

Mótmæla við Hörpu

Athugasemdir

[Elvar Atli Konráðsson, 14.5.2011 kl. 01:28]

Svo satt hjá þér Sigurjón.

[Jón Dan (IP-tala skráð) 14.5.2011 kl. 02:31]

Það hefði reyndar verið vel til fundið að láta söfnunarbaukinn ganga. Sennilega hefði hann að vísu komið hálftómur (eða jafnvel galtómur) til baka, því þarna var samankomið það fólk sem "tekur við" fyrsta eintakinu í öllum söfnunum.

Aldrei man ég eftir því í sjónvarpsútsendingum að hafa séð þetta blessað fólk "borga" fyrir álfinn, pinnann, fjöðrina eða hvað það nú er sem til stendur að selja.

Þó er það einmitt í mjög mörgum tilvikum einmitt þetta fólk sem helst hefði efni á að "kaupa" - ekki bara lána sitt fræga andlit og "taka við".

[Eyjólfur G Svavarsson, 14.5.2011 kl. 15:22]

Þetta fólk var ekki með krónu á sér, peningarnir eru erlendis. Hér þarf þetta fólk ekkert að borga!!!!

[Stefán Auðunn (IP-tala skráð) 14.5.2011 kl. 17:44]

Þau hefðu stolið bauknum.

[Aðalbjörn Steingrímsson, 14.5.2011 kl. 18:35]

Steingrími er ekki treystandi fyrir söfnunarbauk.

[Sigurður Þórðarson, 15.5.2011 kl. 22:02]

Stjórnmálastéttin vill fá að skemmta sér með útrásarliðinu, sem þrátt fyrir allt fjármagnaði kosningabaráttuna.