Er munur á stefnu Bjarna Ben og Árna Páls?

Þær fréttir sem borist hafa af sjávarútvegsfrumvarpi Jóns Bjarnasonar bera það með sér að ríkisstjórn Vg og Samfylkingarinnar sé í þann mund að svíkja öll  þau loforð  sem gefin voru fyrir síðustu kosningar. Í stað þess að breyta kvótakerfinu í átt til þeirra fyrirheita sem kjósendum voru gefin er ætlunin að festa illræmt kerfi og mannréttindabrot kirfilega í sessi.

Fjórflokkurinn virðist samur við sig og þegar á reynir er augljóst að enginn munur er á stefnu ráðandi þingmanna. Í þessu skyni er ágætt að velta því upp hvort einhver grundvallarmunur sé á stefnu Árna Páls og Bjarna Ben eða þá Jóns Bjarnasonar og Einars Kristins. Allir setja þeir hag fjármálakerfisins og kvótahafa ofar hag heimila, byggðanna og þjóðarinnar.

Nú er að vonast til þess að Ólafur Ragnar Grímsson forseti grípi í taumana og leyfi þjóðarvilja að ráða í sjávarútvegsmálum - ekki fjórflokknum.

 

Kvótafrumvarp afgreitt

Athugasemdir

[hvar (IP-tala skráð) 10.5.2011 kl. 20:01]

hvar eru mannréttindi brotin?  hvort er það mannréttindi sem eru brotin að kaupa rétt á að veiða óveiddann fisk úr hafi eða hafa erft jörð langt aftur í tímann?  segðu mér hvað er þjóðareign.  Er það ekki það landið?  segðu mér svo hvað hafið þið verið að gera í að taka landið af fólki sem á ósanngjarnan hátt hefur erft það?  Nei þið gerið það ekki er það nokkuð? 

[Þórarinn Baldursson, 10.5.2011 kl. 20:44]

Heirðu maður minn! Þetta er ekki einusinni svara vert.
Það er ekki hægt að bera saman erfðir á landi,eða þetta kóvóta mál.
Einhver sem erfir land setur ekki heilu byggðarlögin á hliðina þó hann gambli með landið. En hvernig hafa útgerðar menn farið með landsbyggðina?? Líttu á þorpin hringin í kring um landið sem eru mörg hver ekki svipur hjá sjón,miðað við hvernig hlutirnir voru fyrir daga kvótans!

[Jón Steinar Ragnarsson, 10.5.2011 kl. 20:48]

Þú ert semsagt kvótaerfingi "hvar"?

Þetta er heimskulegasta athugasemd í öllum þessum deilum, sem ég hef séð. Óska þér til hamingju með það.

[hvar (IP-tala skráð) 10.5.2011 kl. 20:58]

Svar við Þórarinn baldursson.  Sjávarútvegur á þá ekki að vera atvinnuvegur heldur aðeins til að halda uppi byggðum?  Og á þá enginn að hafa neitt út úr því annað en að halda uppi byggðum á stöðum sem helst enginn vill búa á?

Svar við Jón Steinar, rökstyddu það sem þú segir.  Ég efa að þú vinnir við sjávarútveg og þó ég sé ekki kvótaeigandi né erfingi veit ég eflaust mun meira en þú um sjávarútveg en þú.  Sé t.d. að flestar ef ekki allar færslur þínar um þau mál eru eins heimskuleg og að rugla belju við rollu, en það er kannski ekki skrítið því ég hefði ruglast á belju og rollu við myndina af þér :) óska þér til hamingju með það enda sennilega fáir sem færri sem gætu afrekað það.

[hvar (IP-tala skráð) 10.5.2011 kl. 21:00]

æi kvikmyndargerðarmaður,  greyið þú býrð líklega ekki í raunveruleikanum.  uppáhaldsmynd Pulp Fiction?

[Sigurgeir Jónsson, 10.5.2011 kl. 21:18]

Þetta mannréttindabrot á sjómönnum er bull,enda hafa engin samtök sjómanna gefið neitt fyrir þetta mannréttindabrot.Í það fyrsta voru það útgerðarmenn sem kærðu þótt þeir væru á sjó.Ef þetta mannréttindbrot er til staðar þá mega engir gera út nema þir séu um borð í skipunum og allir um borð fái að taka þátt í útgerðinni.Ef einhver er heimskur þá er það einhver sem kallar sig Jón Steinar Ragnarsson.

[hvar (IP-tala skráð) 10.5.2011 kl. 21:34]

svona nú sigurgeir maðurinn er kvikmyndargerðamaður, annars finnst mér alveg gott mál að allir mega vinna við það sem þeim langar til,  tannlæknanám er t.d. bannað nema fáum útvöldum sem er alveg synd því þó svo að þó svo að maður sé ekki meðal þeirra hæstu í einkun sem sækja um gæti maður samt orðið betri tannlæknir.  Það er víst kvótakerfi þar :(

[Daníel (IP-tala skráð) 10.5.2011 kl. 21:42]

Það að bera saman kvótaeign og landareign á alveg fullann rétt á sér að mínu mati.

Viðurkenni reyndar alveg að ég hef óbeint hagsmuna að gæta enda fjölskylda mín tengd útgerð og hefur verið það lengi. En sá kvóti sem við höfum eignast var áunninn með mikilli vinnu og bætt við smátt og smátt, ekki tekin lán fyrir öllu saman.

Hvað finnst ykkur um útgerð eins og okkar sem hefur alltaf landað í sínum heimabæ, helst í vinnslu þar meðan hún var enn starfandi(meðan einhver vildi ennþá vinna í fiski þar), veitt allann sinn kvóta sjálf og sér nú fram á að það sem hefur tekið 20 ár að byggja upp fari bara "til þjóðarinnar"?

Athugið það að enginn vill vinna í vinnslu þarna, stöndugur aðili þarna vildi byrja að vinna fisk fyrir ekki svo löngu en fékk ekki starfsfólk.

Ef þjóðin á að kjósa um kvótann þá finnst mér að það ætti að skikka alla sem vilja kjósa til að vinna í fiski í nokkur ár, vinna sér inn réttinn til að ákveða í þessu máli, því mjög stór hluti þjóðarinnar hefur bara aldrei komið nálægt fiski og mun aldrei gera. Það finnst mér allavega vera sanngjarnt því sú mynd sem margir hafa af úgerðinni og tengdum greinum er bara sældarlíf með fulla vasa af peningum.

Og talandi um sanngirni og aftur að því sem ég sagði fyrst, þá finnst mér álíka sanngjarnt að kvótinn sé tekinn af útgerðinni okkar eins og að túnin séu tekin af bændum. Ef það á að gera öllum kleyft að komast í útgerð með því að taka kvótann af útgerðunum, á þá ekki að gera öllum kleyft að komast í landbúnað með því að taka landið af landeigendum?

Svei mér þá ef ég finn ekki kommúnistalykt af þessu máli alveg eins og flestu sem þessi ríkistjórn hefst að þessa dagana. Eru líka svo grænir að auðvitað stefnir í það að gömlu kosningaloforðin fari í endurvinnslu.

[hvar (IP-tala skráð) 10.5.2011 kl. 22:23]

Daníel ég hvet þig til að skrifa pistla opinberlega um þetta málefni því það virðist sem svo að sjávarútvegurinn sé notaður sem múgæsing til að friða fólk eftir bankahrunið og sé það eina sem samfylkingin hefur eftir til þess að draumur hennar um esb verði ekki rústað. 

Sigurjón þú ert á móti kvótikerfinu en værir þú á móti því að auka veiðiheimildir um 160 þús tonn og dreifa því til núverandi kvótahafa til þess að bæði sjómenn og landverkafólk í því starfi hafi ársvinnu eða viltu setja þetta á fleiri hendur þannig að sjómenn myndu fá minna og landverkafólk yrði lengur atvinnulaust?

[Vilhjálmur Stefánsson, 10.5.2011 kl. 23:32]

það er slæmt þegar menn eru rita á bloggið og þvor ekki að koma undir nafni.

[Daníel (IP-tala skráð) 10.5.2011 kl. 23:55]

Hvar: Hef verið að íhuga það, get alveg verið ágætis penni þegar ég legg mig fram við það.

Er auðvitað hlutdrægur að vissu leiti í þessu máli, ekki það að ég komi til með að erfa eitt né neitt af útgerðinni, heldur er ég partur af þessari sögu þar sem menn hafa lagt sig fram við að halda sínu og byggja sitt upp til þess að geta haldið áfram að fiska.

Þótt þetta virðist bara eiginhagsmunasemi þá vil ég benda á að byggðin þar sem útgerðin er staðsett hefur alltaf verið sett í forgang.

Það hugsa auðvitað ekki allir svona, en þið verðið að athuga að ef menn gera það ekki þá eru yfirleitt ástæður fyrir því. Ef hálfur bærinn gerir ekkert annað en fara með níðingssögur um ykkur og grípur hvert tækifæri sem gefst til að vera með róg á þig, myndir þú ekki grípa gæsina og selja allt draslið fyrir pening sem dugar þér út ævina og koma þér í burt?

Frekar léleg afsökun fyrir þá sem "svíkja" sínar heimabyggðir, en það gleymist oft að það eru einstaklingar í útgerð líka, ekki bara "stórar vondar samsteypur" eins og stjórnin vill að þjóðin sjái það.

Varðandi meint áhrif LÍÚ á SA vil ég bara segja: Gott hjá þeim!

Hræðsluáróður yfirvalda og menn sem hrópa með r******** á sér um það mál er ekki það sem býr flestum í brjósti, ríkisstjórnin hafði dregið þetta mál um of og mikið var að það var settur þrýstingur á hana.

[Daníel (IP-tala skráð) 11.5.2011 kl. 00:01]

Vilhjálmur Stefánsson: Ég heiti Daníel Kristjánsson, hverju ætti ég ekki að þora?

Koma vondu Kommarnir í kaffi og spjalla mig í kaf?

Hefur þú ekkert vitsmunalegt að segja um þetta mál?

Reynslusögur?

Hugmyndir?

Slepptu því að skrifa hér ef þú hefur ekkert betra um þetta að segja en það að Hver hefur ekki fyrir því að skrifa nafnið sitt undir það sem hann segir.

Umræða þarf ekki nöfn.

[Jón Steinar Ragnarsson, 11.5.2011 kl. 00:02]

Þú sem kallar þig "hvar" og ert svona kjaftagleiður, getur þú sagt mér til nafns, svo ég átti mig betur á sérfræði þinni? 

Ég get látið þig vita að ég var lengi til sjós og í margskonar veiðiskap, ég sigldi líka með fiskinn á Rússland í den og var svo í 200 mílna þorskastríðinu sælla minninga. 

Endilega sýndu smá kjark og eindrægni og gefðu deili á þér líka.

Sigurjón getur annars fundið þau út frá IP tölunni þinni. Ég leiðbeini honum bara með það. Það er þó óþarfa fyrirhöfn ef þú ert í raun svo heiðarlegur að taka ómakið af okkur.

[Jón Steinar Ragnarsson, 11.5.2011 kl. 00:07]

Varðandi landareignir, þá á ríkið forkaupsrétt að þeim, en hefur líka heimildir til að taka þær eignarnámi ef þjóðarhagur segir svo.

Er það nægilega góð skýring á þessu non sequitur dæmi þínu?

[Jón Steinar Ragnarsson, 11.5.2011 kl. 00:17]

Kvóti er svo ekki eign og er hvergi kveðið á um það í lögum. Kvóti er tímabundin heimild til veiða. Ef þú færð leyfi til að fara í berjamó í þjóðgarði, þá þýðir það ekki ævilangur og reglubundinn eignarréttur á því magni, sem þér er gefið leyfi fyrir. Afkomendur þínir geta síðan ekki erft þennan rétt. Hann er upp á takamarkað magn í afmarkaðan tíma. Öll túlkun önnur er sjálftaka og duttlungar sem engin lög styðja. Meira að segja kvóakóngarnir viðurkenna þetta. Þeir rembast nú eins og rjúpan við staurinn að finna einhverja lagakróka fyrir eignarétti í gegnum það að þeir borgi skatta.

Ég er forvitinn um að vita hvaðan þú hefur speki þína. Ekki síður hlakkar mig til að finna út hver þú ert.

[Jón Steinar Ragnarsson, 11.5.2011 kl. 00:24]

Jæja Daníel, má ég þá spyrja hvernig þú hefur efni á að setja þig svona hátt á skörina?  Hvað starfar maðurinn?

[Jón Steinar Ragnarsson, 11.5.2011 kl. 00:29]

Ekki er þetta maðurinn?

Nei andskotinn.

[Daníel Kristjánsson (IP-tala skráð) 11.5.2011 kl. 01:01]

Jón Steinar Ragnarsson: Jújú, sá er maðurinn. Stundum orðaður við Djöfulinn. ;)

Tók reyndar það reyndar ekki fram þá og hef ekki sett það fram síðan en ég hef unnið við fiskveiðar við og við og meira heldur en minna síðan ég var bara gutti.

Aðallega í vélinni, en gat aldrei slitið mig frá dekkinu.

Heh, hef reyndar ekki notað þetta blogg síðan ég reyndi að setja síðustu færslu inn og hún var ekki samþykkt, fór víst eitthvað fyrir brjóstið á sumum, reyndi þó að breyta orðalaginu.

Skal svara þér ýtarlega og jafnvel með vísun í lagabókstafi á morgun, en það sem mér leikur aðallega forvitni á að vita núna er hvað þér finnst í alvörunni?

Ert þú með góðar hugmyndir hvað varðar kvótakerfið?

Finnst þér eitt og/eða annað í þessu sanngjarnt gagnvart þeim sem hafa unnið fyrir sínu á löglegan og siðferðislegan hátt?

Ef ég náði að hræra upp í þér og öðrum þá er markmiðið komið að hluta hjá mér ;) Komið nú með vel ígrunduð svör og hvað ykkur finnst í alvörunni! (hjálpar að setja sig í spor þeirra sem missa spón úr aski sínum)

[hvar (IP-tala skráð) 11.5.2011 kl. 01:18]

Jón, ef einhver fer að laumast í ip tölu mína og gefa það upp þá er viðkomandi að brjóta lög.  Varðandi að þú hafir verið til sjávar kemur málinu ekkert við. þú virðist heldur ekki fatta að víst að kvóti er ekki eign þá má ríkið ekki taka skatt af kaupum á kvóta eins og hann væri eign en ríkið hefur gert það þannig að skilgreindu aðeins fyrir mér þá hvað ríkið telur kvóta vera :)

[doctore (IP-tala skráð) 11.5.2011 kl. 15:00]

4flokkur, þetta er allt sami flokkurinn.. um leið og þeir fá stóla BANG siðlaust spillingarbæli.

4flokkar og aðilar tengdir þeim eru krabbamein íslands, það verður að uppræta þetta dæmi algerlega.. ef ekki þá verður endalaust Icesave, endalaust órétti, endalaust traðkað á almenningi, endalaust tekið ur vösum almennings.

Þetta er einn flokkur... get over it

[Sigurður Kristján Hjaltestesd (IP-tala skráð) 11.5.2011 kl. 19:28]

Er ekki hægt að líkja því að jöfnu, að ef einhver hefur unnið sem pípari, smiður eða rafvirki í ákveðin langan tíma, þá á hann bara sjálfkrafa rétt á þeirri vinnu sem tilfellur, vegna þess að hann eyddi svo löngum tíma í sitt starf. Er ekki sama hægt að segja um þingmenn..?? Þeir halda það alla vega að engin en þeir og sem frá þeirra flokkum koma séu hæfastir og bestir til að stjórna og segja okkur hinum hvað sé rétt og rangt.

Kveðja Sigurður.