Verður Jón Gnarr fyrsti íslenski pólitíski flóttamaðurinn?

Frami Jóns Gnarr hefur orðið mikill og skjótur. Nú á hátindi frægðar sinnar sem nær langt út fyrir landsteinana þá hefur hann ekki nennt að setja sig inn í smærri mál s.s. Icesavemálið eða skólamál.  Jón Gnarr hefur ekki heldur nennt að hitta hvern sem er s.s. formann Frjálslynda flokksins enda er hann stjarna.

Á dögunum boðaði Jón Gnarr flótta sinn frá landinu vegna húmorslausra stjórnmála og tilgangslausra viðræðna við einhverja minnihluta.  Mér finnast fréttir dagsins bera það með sér að það styttist mjög í að Jón Gnarr verði fyrsti pólitíski flóttamaður landsins. 

Það verður spennandi vita á hvaða lendur stjarnan muni ákveða að skína næst - mögulega Hollýwood eða jafnvel Bollýwood.

Húmorsleysi og neikvæðni

Athugasemdir

[Sigurður I B Guðmundsson, 19.4.2011 kl. 20:01]

Varstu búinn að gleyma Grænhöfðaeyjum? Þangað lofaði hann að fara ef Nei-ið yrði ofaná í Icesave.

[Sigurjón Þórðarson, 19.4.2011 kl. 21:33]

Nei alls ekki en ég á von á því að hann komi þar við á sigurför sinni.

[Óskar Þorkelsson, 19.4.2011 kl. 21:42]

Gnarrinn er langflottasti "stjórnmálamaður" landsins

[Sigurjón Þórðarson, 19.4.2011 kl. 22:24]

Óskar ertu þá ekki smeykur við að þú sért að missa hann úr landi?

[Kjósandi (IP-tala skráð) 20.4.2011 kl. 05:41]

Ég hef orðið fyrir miklum vonbrigðum með manninn. Ég kaus byltingarmann og hetju, ekki auðvirðalegan þræl hinnar gjörspilltu Samspillingar, sem ég myndi aldrei kjósa, né þjóna hennar. Ég kaus sjálfstæðan og greindan mann, ekki lepp sem fer með línur og lætur segja sér hvernig hann á að sitja og standa. Ég kaus alvöru mann, ekki heilalausan hálfvita sem segist taka ákvarðanir afþví Vigdís hafi sagt eitthvað í blöðin. Ég sem hélt þetta væri velmenntaður og víðlesinn maður, í sannri merkingu orðsins. Ég hélt ég væri að kjósa afburðarmann, eða að minnsta kosti góðan og grandvaran mann. Ég er farin að efast, en bíð enn og vona að Jón komi til og vakni upp frá Þyrnirósarsvefninum vonda eftir að hafa bitið í eitureplið illa meðalmennskunnar og heimskunnar, sem blasir við á hvítum fánagrunni, ömurleg eftirlíking Japanska fánans, merki eftirhermunnar og smáborgararans, sem Jón minn skal aldrei bera! Vaknaðu Jón! Vaknaðu!!!

[Óskar Þorkelsson, 20.4.2011 kl. 07:38]

það yrði missir af þessum ferska andblæ sem Gnarrinn og hans fólk kom með. Það væri hagur fyrir FF ef þið munduð taka ykkur þetta fólk til fyrirmyndar.. ég flúði land svo ég skil Gnarrinn vel.

[Kolbrún Stefánsdóttir, 20.4.2011 kl. 10:24]

Hér sannast það enn og aftur að kjósandinn veit ekkert hvað hann er að gera  kveðja Kolla og btw ertu ekki stjarna líka Sigurjón?