Skinhelgi stjórnar Byggðastofnunar í glæpakerfinu

Stjórn byggðastofnunar taldi sig einhverra hluta vegna vera í aðstöðu til setja sig á háan hest gagnvart eigendum  Lotnu ehf. þar sem að þeir brutu reglur illræmds kvótakerfis sem mismunar þegnum landsins.

Kom þessi afstaða stjórnar Byggðastofnunar mér verulega á óvart þar sem alkunna  er að  fundargerðum  hennar er haldið leyndum þar sem þær þola ekki dagsljósið. Fróðlegt væri að bera saman feril þeirra manna sem Byggðastofnun nú útskúfar frá fyrirgreiðslu vegna fortíðar sinnar í atvinnurekstri og fortíðar annarra sem eru áberandi  í greininni og hafa fengið ríkulega fyrirgreiðslu hjá stjórnvöldum.  Má þar nefna Ólaf Ólafsson kenndan við Samskip, stjórnarmann í Granda, fyrrum bankaráðsformann Glitnis og forstjóra Samherja Þorstein Má Baldvinsson, Jakob Valgeir sem kenndan er við Stím, kúlulánaþegann Guðmund Kristjánsson í Brimi, forráðamönnum Íslandssögu sem staðin var  nýlega að kvótasvindl, svindl forráðamanna GPG á Húsavík.  Þessi listi gæti verið miklu lengri og sýnir berlega að kvótakerfið er komið í öngstræti. 

Rót vandans er að kvótakerfið sjálft er óréttlátt og gagnslaust og felur í sér mikinn hvata til lögbrota.  Í stað þess að stjórnvöld viðurkenni vandann og drífi í rækilegri endurskoðun á kerfinu þá er enn reynt að berja í brestina.

Áfram fiskvinnsla á Flateyri

Athugasemdir

[Magnús Gunnarsson, 26.2.2011 kl. 13:57]

Sigurjón hvað kemur það fiskveiðistjórnunni við hvernig menn reka fyrirtæki. Ég er ekki alveg að skilja afstöðu þína gagnvart Lotnu og svo öðrum fyrirtækjum sem þú nefnir þar að segja í tilfelli Lotnu talar þú um að þeir brjóti reglur en í tilfelli hinna kvótasvindl og svindl.

[Sigurjón Þórðarson, 26.2.2011 kl. 15:32]

Svo ég vitni nú í Jörgen Niclasen foramann Fólkaflokksins og fyrrum sjávar- og utanríkisráðherra Færeyja þá benti hann á eftir stutta reynslu og vonda reynslu Færeyinga af kvótakerfi að kvótakerfi í sjávarútvegi framleiddi glæpamenn.  Það hvetur til brottkasts og rangra aflatalna osvfr.

Það sem ég var að benda á Magnús í ofangreindum skrifum var að Byggðastofnun er vægast sagt á hálli braut að flokka seiðin í kvótakerfinu í verri flokk en hákarlana í kerfinu.

[Dexter Morgan, 26.2.2011 kl. 20:14]

Ég held að allir ættu að vera þessum málalokum fegnir, ekki síst heimamenn. Þessir kallar ætluðu bara, eins og í hin 17 skiptin, að hirða kótann og láta sig hverfa. Þeir ætluðu alls ekkert að borga, og því síður að reka útferð eða byggja upp, það ætti öllum að vera ljóst að til þess hafa þeir ekki vilja né getu.

En við; íslendingar, erum alltaf að "skjóta" sendiboðana. Ég, sem skattgreiðandi í þessu landi,(því miður), er feginn þessari ákvörðun Byggðastofnunar, sem fer með almannafé.

[Sigurgeir Jónsson, 27.2.2011 kl. 10:31]

Hér með auglýsi ég, með góðfúslegu leyfi formanns Frjálslyndaflokksins, sem ég hef tekið mér sjálfur, eftir stefnu Frjálslyndaflokksins við stjórnun fiskveiða í efnahagslögsögu Ísland og í efnahagslögsögu þeirra ríkja sem Ísland hefur gert samninga við um fiskveiðiréttindi svo og á alþjóðlegum hafsvæðum.Í leiðinni þá tel ég að það sé rangt hjá formanninum að Færeyingar séu ekki með kvótakerfi í fiskveiðum.Þeir eru með heildarkvóta sem þeir telja að sé óhætt að veiða og eru síðan með dagakvóta,á grunnmiðum.Dagana má síðan leigja og selja.

[Jón Kristjánsson, 28.2.2011 kl. 17:00]

Sigurgeir

Það er enginn kvóti á skip eða heildaraflamark í Færeyjum nema á uppsjávarfiski, síld, kolmunna og nú makríl.