Fundur Samherja mun snúast gegn kvótakerfinu í sjávarútvegi!

Ég hef mikla trú á Oddi Helga Halldórssyni stofnanda og leiðtoga L- listans á Akureyri. Hann hefur ávallt komið mér fyrir sjónir sem jarðbundinn og heiðarlegur stjórnmálamaður.  Á dögunum fór forstjóri Samherja, Þorsteinn Már Baldvinsson fram á það við Akureyrarbæ að haldinn yrði sérstakur upplýsingafundur um afleiðingar þess að breyta kvótakerfinu í sjávarútvegi, sem brýtur í bága við álit Mannréttindanefndar Sameinuðu þjóðanna. 

Að sjálfsögðu varð Oddur Helgi við bón Þorsteins Más, en orð fer af því hversu harðdrægur útgerðarmaður hann er og sleipur í kvótafrumskóginum, þó svo að hann hafi vissulega misstigið sig illilega í bankabraskinu en það gerðu víst fleiri.

Ég reikna með því Oddur Helgi veiti á fundinum haldgóðar upplýsingar um hversu Eyfirðingar hafa farið illa út úr Kvótakerfinu í sjávarútvegi og þá er ég ekki einungis að benda á hversu verstöðvarnar Hrísey og Grenivík hafa látið á sjá heldur einnig sjálf Akureyri. 

Samkvæmt upplýsingum Fiskistofu hafa Eyfirðingar farið sérstaklega illa út "þróun og meintri hagræðingu" kvótakerfisins frá árinu 1993.  

Landaður botnfiskafli á Akureyri hefur dregist saman um liðlega 67% frá árinu 1993, samkvæmt opinberum gögnum Fiskistofu.

Hrísey og Grenivík hafa farið enn verr út úr kvótakerfinu en landaður afli í byggðalögunum hefur dregist saman annars vegar um 77% og hins vegar 90%.

Ég er nokkuð viss um að þegar þessar sláandi upplýsingar verða ræddar fundinum í Hofi á Akureyri þá muni það verða til þess að ábyrgir sveitarstjórnarmenn og verkalýðsleiðtogar í Eyjafirði krefjist gagnrýnnar endurskoðunar á kvótakerfinu og sömuleiðis tafarlausra breytinga.  Áframhaldandi skuldsetning og afturför sjávarútvegsins er óþolandi fyrir sjávarbyggðirnar og landsmenn alla.

 

Athugasemdir

[Jóhannes Laxdal Baldvinsson, 28.1.2011 kl. 00:45]

Þú bara mætir Sigurjón með þessar tölur og messar yfir Samherjaþrælunum. Ég fjallaði um þennan fund og líklega niðurstöðu á blogginu mínu í gær. Þú getur kíkt á það ef þú vilt

[Óskar Þorkelsson, 28.1.2011 kl. 01:05]

http://www.youtube.com/watch?v=6XLOP2rMH5U&feature=player_embedded

[Ólafur Örn Jónsson, 28.1.2011 kl. 05:19]

Eina sem fær menn til að mæla með kvótakerfinu eru hótanir, heimska og græðgi. Græðgin stýrir athöfnum Þorsteins Más og kann hann sér enginn takmörk eftir að hafa komist upp með ásamt Kristjáni Ragnarsyni að fara með hótunum og ofbeldi á eftir mönnum. Með fámuna frekju og yfirgangi innan LIU hefur Þorsteinn nú fengið útgerðamenn til að safna liði og fara í stríð við þjóðina. Þetta er náttúrulega gjörsamlega ófyrirgefanleg framkoma. Kvótakerfið er sannanlega upphaf bankahrunsins og þeirrar ógæfum sem þess þjóð er að ganga gegnum. Þorsteinn Már og hans fylgjendur ættu að kunna að skammast sín. Þjóðin ákveður leikreglur fiskveiðistjórnar Þorsteinn Már hefur ekkert með það að gera.

[Norðri (IP-tala skráð) 28.1.2011 kl. 10:21]

Oddur Helgi og félagar komu eins og ferskir vindar inn í bæjarpólitíkina á Akureyri.

Þau hafa tekið á mörgum málum af festu og ábyrgð, sem höfðu dagað uppi hjá gömlu klíkunum.

Vona að þetta verði góður og upplýsandi fundur. Ef hann verður of einhliða þá missir hann marks. Þá verður betur heima setið en af stað farið

Það er margs að gæta í kvótamálunum, en ég hef fulla trú á að Samherji og önnur vel rekin fyroirtæki komi vel út, hvaða kerfi sem verður ofaná.

[Guðjón Sigþór Jensson, 28.1.2011 kl. 10:46]

Verstu mistökin við kvótakerfið var að heimila veðsetningu og sölu kvótans. Með því var opnuð leið að gera sér að féþúfu sameiginleg eign þjóðarinnar. Þessi „einkavæðing“ var jafnvel enn afdrifaríkari en einkavæðing bankanna þar sem þessir fjármunir voru að miklu leyti notaðir til seinni einkavæðingarinnar.

Áður fyrr tíðkaðist að útgerðarmenn fengu lán út á væntanlegan afla. Það var einnig umdeilanlegt enda brást oft afli og bankar sem útgerðin lenti þá í vandræðum.

Spurning hvort þessi meinloka kvótakerfisins sé ekki arfur frá þeim tíma.

Mosi

[Ásthildur Cesil Þórðardóttir, 28.1.2011 kl. 20:53]

Er það ekki rétt munað hjá mér að þegar kvótalögin voru sett, þá var spurning um veiðirétt, en Samherji sem þá var nýkomin á koppinn hafði engan slíkan rétt, svo þá voru góð ráð dýr, þeirra menn Halldór Blöndal og Tomar Ingi Ulrich eða hvað hann heitir sá ágæti maður voru á þingi og fengu framgengt svokölluðum skipstjórakvóta til bjargar þessu fyrirtæki. Þeir eiga því samvkæmt því engan rétt, þar sem eignarhluta þeirra á kvóta var keyrður í gegn af frekju og yfir gangi eins og öll þeirra framganga hefur verið fram að þessu.  Ég minni á að þeir sendu sinn sendisvein Kristján Þór Júlíusson til Ísafjarðar til að ná undir sig kvóta Guggunnar sem frægt er orðið.  Hún er ekki lengur gul, og þeir eru ekki lengur í ráðum ríkisstjórnarinnar, því sjálfstæðísflokkurinn hefur ekki lengur ítök í ráðstjórninni. Megi það verða aldur og ævi áður en sá spillingarflokkur kemst að til að hygla þeim sem fæða þá lengi og vel í feita kosningasjóði.  Svei því bara.

[Hallgrímur Gísla (IP-tala skráð) 28.1.2011 kl. 23:44]

Ásthildur.  Þeir frændur keyptu útgerðarfélagið Samherja frá suðurnesjunum það félag átti togarann Guðstein sem hafði vissulega veiðireynslu en sú veiðireynsla var mjög döpur og aðallega í karfa sem enganveginn hefði dugað útgerðinni. Ekki veit hvaðan það kom að ef að meirihluti áhafnar færi yfir á annað skip þá gæti nýja skipið fengið veiðireynslu af gamlaskipinu, Þessi undanþáa var notuð af Samherja og annari útgerð fyrir sunnan og eins kom Gullver NS og þar var undanþáa notuð af því að nýtt og öflugra skip kom í stað eldra skips og var þá miðað við hvað skipið veiddi hálft árið en ekki veiðireynsla gamla skipsins.

Það sem ég var hissa á hvað fáir notuðu þessa smugu framhjá kerfinu að nota "skipstjórakvótann "

[Hallgrímur Gísla (IP-tala skráð) 29.1.2011 kl. 00:05]

Hins vegar finnst við alltaf vera að hengja bakara fyrir smið.

Sem sagt að vera hengja kvótakerfið í staðinn fyrir fiskifræðina.

[Ásthildur Cesil Þórðardóttir, 29.1.2011 kl. 08:22]

Já þetta með fiskifræðina, ég veit ekki hver hefur kennt fræðingunum í Hafró að það væri hægt að geyma fiskinn í sjónum um lengri eða skemmri tíma.  Þeir ættu að kynna sér hvernig færeyingar nýta sín fiskimið.  Eða nýta sér þekkingu Jóns Kristjánssonar.

[S. Þórarins (IP-tala skráð) 29.1.2011 kl. 20:45]

Hef aldrei skilið þá fiskifræði, að ætla að byggja upp þorskstofninn, með því að veiða fæðuna frá honum.

Enda hefur árangur Hafró legið niður á við með þorskstofnin, síðastliðin 25 ár.Í Barentshfi bönnuðu þeir loðnuveiðar í mörg ár, og þorstofninn og veiði hafa aldrei verið meiri.

[Ólafur Örn Jónsson, 30.1.2011 kl. 01:21]

Það rétta er að þegar drög af kvótalögunum lágu fyrir var ég búinn að ráða mig á togaranna Viðey Re 6 en átti ásamt áhöfn minni stærsta kvóta á landinu á togaranum Snorra Sturlusyni. Viðey átti 2600 tonna kvóta að mig minnir en til stóð að Snorri fengi minn kvóta sem var 4800 tonn. Þar sem ég og mín áhöfn vorum að fara yfir á Viðey um áramótin freistaði ég þess að fara að hitta ráðherrann Halldór Ásgrímsson og reyna að koma honum í skilning hvað þessi breyting hefði í för með sér og spurði hann um leið hvernig honum dytti í hug að láta kvótann fylgja skipum en ekki skipstjórumum? Nei Nei kvótinn mátti alls ekki tengjast skipstjórum þá gengju þeir "kaupum og sölum" en hann skyldi sjá hvað hann gæti gert varðandi skipa skipti mín og áhafnirnar. Síðan kom þessi hugmynd að lát kvóta fylgja skipstjórum ef meirihluti áhafnar færi með þeim. Svona er sannleikurinn í þessu máli og var eina réttlætið við setningu þessara vitlausu laga. Launin sem ég fékk síðan frá Þorsteini Má voru að hann fór síðar fyrir hópi manna og lét reka mig úr starfi sem skipstjóri á íslenskum fiski skipum og reyndi að fá mig rekinn úr fyrirtæki sem ég vann hjá og endaði með að bola mér út úr mínu eigin fyrirtæki fyrir 3 árum og gera mig gjaldþrota. Allt af því ég talaði um græðgina og hikaði ekki við að segja sannleikan um kvótann.

[Ásthildur Cesil Þórðardóttir, 30.1.2011 kl. 09:15]

Ljót saga Ólafur og því miður ekki einsdæmi.