Bröndóttur kynlífsfræðingur tjáir sig

Mér finnst að Lilja Mósesdóttir ætti að sýna því meiri skilning að líffræðingurinn Össur Skarphéðinsson grípi til dýralíkingamáls. Össur segist vera fróðari en flestir um kynlíf laxfiska en eitthvað á karlinn samt erfitt með að nýta þá þekkingu til þess fara með gagnrýnum hætti yfir hræðilega ráðgjöf Hafró.

Ekki hefur dýralíkingamál alltaf þótt neikvætt í íslenskum stjórnmálum. Hver man ekki eftir ráðherranum úr Húnavatnssýslu sem var óðum að jafna sig eftir erfiða aðgerð og sagðist vera álíka sprækur og sex vetra graðfoli.

Össur getur verið meinfyndinn en minnir mig engu að síður oft á vel haldið bröndótt heimilisfress.  Hann á það til að ýfa sig og setja upp kryppuna gagnvart andstæðingum þegar hann veit af öruggu skjóli. Hóglífskötturinn neitar sér sjaldan um að fá sér góðan blund eins og frægt er og fara síðan á næturrall.

Segir Össur sýna VG fyrirlitningu

Athugasemdir

[Jóhannes Laxdal Baldvinsson, 2.1.2011 kl. 01:11]

Ekki hef ég enn séð það fress sem gjammar Sigurjón. Ég sagði eitt sinn við Össur að hann minnti mig á smáhund sem gjammaði í öfugu hlutfalli við stærð. Hann lét sér vel líka. Þetta var á þeim tíma þegar hann vakti gjarna um nætur við bloggskrif.

Össur á sér enga bót
upp fyrir að nefna
Meri sagði Móses snót
mey ei undirgefna

[Vendetta, 2.1.2011 kl. 03:49]

Annar bloggari var rétt í þessu að líkja Össuri við vörtusvín.

[Jón Logi (IP-tala skráð) 2.1.2011 kl. 10:39]

Gamall brandari snérist nú um það hvernig hægast væri að koma á hann slaufunni. Man einhver.....?

[Íslandi Allt. (IP-tala skráð) 2.1.2011 kl. 13:17]

Ef maðurinn vissi eitthvað um eitthvað annað en fiskakynlíf. Hann er bæði illa að sér um flest sem skiptir máli, sneyddur dómgreind, siðferði eins og Icesave málið sannaði best, og kann ekki ensku. Það var mjög neyðarlegt að lesa meðmælabréfið fræga til eins ótýndasta glæpamanns Íslandssögunnar sem Össur skrifaði til Sameinuðu Þjóðanna, fullt af óskiljanlegum hlutum, sem skiljast samkvæmt íslenskri málhefð en ekki ensku, svo og málfræðivillum og öðrum gloríum. Þessi maður er okkar að athlægi og við verðum að losna við hann. Hann skaðar bæði ímynd okkar og er stórhættulegur með siðleysi sínu. Fyndinn er hann ekki. Alvöru húmor ber vitni um gott hugmyndaflug og er sprottið af þörfinni fyrir að miðla gleði og hlátri, og barnslegri leikgleði sem ber vitni persónutöfrum. Össur er bara eins og eineltispúkinn feiti að reyna að vinna sér stig með að benda á það sem fer miður hjá hinum krökkunum, og fá þannig minni athygli sjálfur.

[Guðrún (IP-tala skráð) 2.1.2011 kl. 13:26]

Þessir fimmaurabrandarar um Össur eru eitthvað svo dapurlegir. Össur er einn skemmtilegasti og litríkasti stjórnmálamaður okkar harðduglegur og fylginn sér. Maður sem er með fleiri en níu líf í pólitík og það er meira en segja má um Sigurjón Þórðarson sem kjósendur hafa ítrekað hafnað í kosningum. Fyrrverandi formaður flokks hans varð að skríða í skjól VG og fá hálunaða stöðu fyrir klíkuskap án auglýsingar hjá ríkinu þegar kjósendur höfðu hafnað honum og flokk hans í síðsutu kostningum. Það er ekki skrítið að ekkert gengur að vinna Frjálslynda flokknum fylgi þegar málflutningur formannsins er allur á einn veg. Tilefnislítið gjamm og skætingur út í persónur svona eins og götustrákur sem hrópar á eftir vegfarendum. Sem betur fer þá hefur Samfylkingin aldrei farið niður á þetta plan enda heldur hún sínu ótrúlega vel þó taka hafi þurft margar erfiðar og sársaukafullar ákvarðanir undanfarið við endurreisn landsins.

[Sigurjón Þórðarson, 2.1.2011 kl. 14:01]

"Guðrún" tilfinningar þínar virðast bera þig ofurliði en ég bendi einmitt á að Össur sé fyndinn.

Til þess að leiðrétta leiðan misskilning hjá "Guðrúnu" þá vil ég benda á að mér var ekki hafnað í síðustu kosningum heldur fékk Frjálslyndi flokkurinn ágæta kosningu í Skagafirði og er stærri Samfylkingin.  Ég á reyndar von á að staða Samfylkingarinnar hafi versnað til muna í Skagafirði eftir aðför Guðbjarts Hannessonar að Heilbrigðisstofnuninni á Sauðárkróki.

[Helga Þórðardóttir, 2.1.2011 kl. 14:02]

Það er aldeilis að Guðrún er hrifin af Össuri og Samfylkingunni. Eitthvað er hún hrædd við Frjálslynda og reynir að ata okkur auri sem ekki er fótur fyrir. Mér finnst hún nú frekar haga sér eins og götustrákur. Sjálfsagt er að svara Össuri á sama hátt og hann gerir við aðra þingmenn. Var það ekki Össur sem byrjað að kalla Lilju hryssu og telur hana ekki stjórnarliðinu. Lilja er einn ötulasti þingmaður þjóðarinnar og ég tel að menn að meiri að verja hennar málstað

[Skammist ykkar föðrulandssvikara pakk. (IP-tala skráð) 2.1.2011 kl. 19:52]

Össur er ekki fyndinn. Náttúrulega fyndinn maður er það afþví hann hefur hugmyndaflug til að miðla skemmtilegum athugunum, og gott hjarta sem vill miðla gleði. Gerfi-húmoristar þróast af eineltis kjaftakellingum, sem aðrir fara að hlægja að út af samviskubiti yfir siðleysinu að smjatta á kjaftasögunum þeirra. Slíkt fólk er í raun ekki fyndið, aðrir láta sem svo sé af samviskubiti yfir að njóta siðleysis þeirra. Þetta er munurinn á Össuri og borgarstjóranum okkar og öllum öðrum góðum mönnum, Chaplin, Monthy Python genginu og öllum hinum. Össur er alls ekkert fyndinn og fólki sem finnst það er bara leiðinlegt og hefur ekkert hugarflug né ímyndunarafl, og getur því bara hlegið að óförum annarra.

[Skammist ykkar föðurlandssvikara pakk. (IP-tala skráð) 2.1.2011 kl. 19:54]

Áfram Jón Gnarr og allir góðir og fyndnir menn.

Niður með Össur og annað pakk sem leiðinlegu fólki finnst fyndið!

Niður með föðurlandssvikara og Icesave-aumingja!

[Sigurjón Þórðarson, 2.1.2011 kl. 20:08]

Vegna athugasemdar SYFP hér að ofan þá skilst mér Jón Gnarr og Össur séu sammála um að greiða Icesave hvað sem það kostar en það er  smekksatriði hvor sé skemmtilegri Össur eða Jón Gnarr.

Ég segi það satt að mér finnst Össur skemmtilegri.

[Magnús Geir Guðmundsson, 3.1.2011 kl. 10:00]

Sæll Sigurjón!

Það sem eftir stendur og upp úr gnæfir er einfaldlega, að hagfræðingurinn Lilja Mósesdóttir, sem mikið hefur haft sig í frami svo ekki sé meira sagt og talið sig mjög gildandi, þekkir ekki skáldleg blæbrigði og fegurð síns eigins móðurmáls eða myndlíkingamöguleika þess.Það segir nú ansi mikið um hana og meir en kunnáttan í hagfræði!