Sigmundur Davíð er of dýr Neyðarkall

Framsóknarflokknum eða að minnsta kosti hluta þingflokksins stendur til boða og er fús til að bjarga ríkisstjórn Samfylkingar og Vg. Framsókn er ætlað að fylla skarð þremenninganna sem Samfylkingin og Steingrímur J. vilja flæma úr Vg.  Ástæðan fyrir reiði Samfylkingarinnar og Steingríms J. í garð Lilju Mósesdóttur og fylgismanna hennar er fyrst og fremst óþægðin í: Icesave, Evrópusambandsumsókninni,  í skuldamálum heimila, efnahagsstefnu AGS og einkavæðingu orkuauðlindanna. 

Liðsmen Samfylkingarinnar hafa tíðkað það að ráðast hvað eftir annað persónulega á "óþæga" þingmenn og ráðherra Vg. Steingrímur og brúða hans Björn Valur hafa látið sér vel líka þegar svívirðingar hafa dunið á villiköttunum og aldrei hafa þeir lyft litla fingri þeim til varnar á meðan þeir hafa hvað eftir annað hlaupið í vörn fyrir Jóhönnu Sigurðardóttur.

Helsti vandinn við fyrirhugaða björgun er að ef farið verður í æfingarnar þá mun nokkuð örugglega þurfa að fylla skarð fleiri en þriggja þingmanna Vg. Það gerir það að verkum að ekki er nægjanlegt að treysta eingöngu á stuðning Evrópusinnaðra þingmanna s.s. Sivjar og Guðmundar Steingrímssonar.  Hætt er við því að reikningur neyðarkallsins Sigmundar Davíðs eigi eftir að reynast of dýr og ég tala nú ekki um víxill neyðarkellingarinnar Vigdísar Hauksdóttur.

Ekki má gleyma því að þau Steingrímur J. og Jóhanna plötuðu Sigmund Davíð illilega þegar minnihlutastjórn Vg og Samfylkingar var mynduð hér um árið.

„Missa sig í spunanum“

Athugasemdir

[Jóhannes Laxdal Baldvinsson, 29.12.2010 kl. 01:49]

Ert þú nú ekki líka að missa þig svolítið í spunanum Sigurjón?

[Haraldur Baldursson, 29.12.2010 kl. 08:02]

Þetta er "forvitnilegt" ástand að verða. Nýbúið að dæma nokkra "pípulagningamenn" fyrir vændiskaup og samt stökkva þau Steingrímur og Jóhanna fram með seplabúntið og eru tilbúin til kaupa Framsókn AFTUR !

 Sif er klárlega til kaupin og Steingrímsson líka.
Ég tek undir með þér að það þyrfti etv. fleiri að koma til sökum þess að Jóni Bjarna, Ömma og Guðfríði er varla stætt á að sitja eftir....

Annars væri það fróðlegur leikur hjá Sigmundi Davíð að setja sem fyrsta skilyrðið að hann fái stóra stólinn....

Undir strikið trúi ég ekki að xB fari inn...en ef það gerist er ljóst að Sigmundur Davíð ræður akkúrat engu innan flokksins, hagsmunaaðilarnir hafa þá eignast hann formlega.

[Bensi (IP-tala skráð) 29.12.2010 kl. 08:13]

Ef framsókn verður tekin inn í ríkisstjórn aftur er þetta algjörlega búið. Ef arkitektar kvótans og hrunsins fá að komast aftur að framkvæmdavaldinu er okkur ekki við bjargandi. Þá fer ég að trúa því sem völva Vikunnar segir, þ.e. að það verði blóðug bylting.

[Valdimar Samúelsson, 29.12.2010 kl. 11:36]

Það verður engin flokkapólitík lengur nú verða bara góðu persónurnar eftir og hinir hverfa úr pólitíkinni.

[Kolbrún Stefánsdóttir, 29.12.2010 kl. 20:53]

Nú held ég að spámennirnir séu að missa sig svolítið í spunann. Ég spái því að það gerist ekki neitt, akkúrat ekki neitt. Það þorir enginn að bakka þessa stjórn upp, hvorki framsókn eða sjálfstæðið. Fróðlegt að sjá að vondu karlarnir og kerlingarnar eru að hverfa hvað er þá eftir? Einhverjir góðir Gnarrarar? kveðja Kolla.

[Jón Ólafur Vilhjálmsson, 29.12.2010 kl. 22:41]

Spunameistarar Samfylkingarinnar eru að nota Sigmund eins og smalahund á kettina þetta er allt spunnið til að ná þeim í hús, ef það dugar ekki með þessu þá er stjórnin minnihlutastjórn og verður að semja við þremenningana um málin.