Icesaveprestur Steingríms J. og Samfylkingarinnar með reglulega helgistund á RÚV

Þórólfur Matthíasson prófessor rak harðan áróður gegn hagsmunum landsins í Icesavedeilunni. Áróður Þórólfs hafði það að markmiði að greiða fyrir einbeittum og  úrkynjuðum vilja Samfylkingarinnar og Steingrímsarms Vg til þess að skuldbinda þjóðina til að greiða ólögvarðar kröfur útlendinga.  Nú liggur í loftinu enn einn samningur Steingríms J. og Samfylkingarinnar sem verður örugglega sagður jafn glæsileg niðurstaða og Svavarssamningurinn ömurlegi.  Enn á ný á að leika þann sérkennilega leik að láta Þórólf Matthíasson mala um lífsnauðsyn þess fyrir Þjóðina að greiða Icesave. Engu virðist skipta hversu krafan sem átti að greiða í beinhörðum gjaldeyri væri há, jafnvel þó svo upphæðin svaraði til útgjalda ríkissjóðs í heilt ár - prófessorinn vildi borga. Þessi sami prófessor Samfylkingarinnar sá mikla ógn fyrir örfáum vikum við efnahag þjóðarinnar, ef að komið væri á móts við skuldugan almenning með almennum aðgerðum sem voru þó umtalsvert lægri en ósanngjörn Icesavekrafan.

Þórólfur Matthíasson virðist fá ótakmarkaðan aðgang að RÚV til þess að halda sínar eldmessur gegn hagsmunum Íslendinga þar sem fátt er um gagnrýnar spurningar heldur frekar reynt að fá einhverja til að kyrja með Samfylkingarprestinum.  Í Speglinum í kvöld var m.a. fenginn í sönginn með Þórólfi talsmaður CCP en umfjöllun um annars ágætt fyrirtæki er jafnan sett í mikinn ljóma í fjölmiðlaumræðunni.  Í frekari vitnaleiðslum í Speglinum um hvað sé að gerast í heimi viðskiptanna væri ekki úr vegi að hafa það í huga að fyrirtæki á Sauðárkróki einum afla umtalsvert hærri afla tekna í erlendum gjaldeyri en leikjafyrirtækið CCP veltir í fjórum löndum.

Það liggur í augum uppi að það sem rekur á eftir Samfylkingunni og Steingrímsarminum í Icesavemálinu, er að eitthvað truflar málið aðildarviðræður inn í dýrðarsambandið ESB, þar sem hægt er að sækja um styrki og bætur.

VG tekst á um ESB-inngöngu

Athugasemdir

[Pétur (IP-tala skráð) 18.11.2010 kl. 10:05]

Það er ótrúlegt að lesa þvílíkt bull eins og veltur upp úr sumum stjórnmálamönnum. Mönnum er heimilt að hafa hvaða álit sem þeim sýnist á Þórólfi Matthíassyni, Steingrími J. Sigfússyni eða Samfylkingunni, en sú tilhneiging stjórnmálamanna að bera það á borð landsmanna að Icesave snúist allt um eitthvað samsæri er að misnota sér lýðræðið. Grunnur lýðræðisins er að menn takist á með rökum, og nú hefur hver fulltrúi atvinnulífsins á fætur öðrum komið fram og sagt að óleystir Icesave samningar standi fyrir öllum fyrirtækjarekstri á Íslandi. Með því að berja sér á brjóst og segja við borgum ekkert (og ég minni á að forsetinn marglýsti því yfir að auðvitað myndu Íslendingar borga) þá eru stjórnmálamenn að bjóða þjóðinni upp á val -- ekki milli þess að spara Icesave eða borga vondum útlendingum fyrir skuldir ennverri Íslendinga heldur á milli þess að borga ekki sem leiðir til þess að hér verði áfram gjaldeyrishöft, stopp í fjárfestingum, fyrirtæki flytjast úr landi, o.s.frv., eða brjóta odd af oflæti þjóðarinnar og verða tekin í sátt í alþjóðasamfélaginu. En það þora lýðskrumarar ekki, því að þeir gera sér vonir um að nota megi reiði almennings til að afla sér atkvæða þótt þeir hafi ekki hugmynd um hvernig á að stýra þessu landi. Það er Íslands ógæfa í dag!  

[Ómar Geirsson, 18.11.2010 kl. 11:11]

Blessaður Sigurjón og allt þitt slekkt.

Þú fékkst fábjána, einn af þeim síðustu sem Samfylkingin gerir út til að bjánast, á þína síðu.

Aumingjarnir fatta ekki hvað það þýðir fyrir svikara að falla frá 509 milljörðum í um 60 milljarða.

Af hverju var hagur landsins undir því kominn að samþykkja 506 milljarða, svona í ljósi þess að núna vilja breta sætta sig við 60milljarða, og Þórólfur bretavinur er pissed, og fékk Spegilinn til að útvarpa sínu hlandi.

Góður pistill, og  þú ert vel sytraður.

Kveðja að austan.

[Pétur (IP-tala skráð) 18.11.2010 kl. 11:48]

Ómar minn. Í fyrsta lagi hefur enginn samningur verið gerður enn, og mér heyrist á ykkur Sigurjóni að þið viljið engan gera. Í öðru lagi skil ég ekki alveg hvernig þú færð lækkun ur 509 milljörðum í 60. Í raun hefur ekkert breyst frá fyrri samningum, ef fréttir eru réttar sem enginn veit, nema það að Bretar og Hollendingar virðast reiðubúnir til að bjóða betri vexti. Ábyrgðin er samt enn á öllum milljarðahundruðunum sem greiddar voru í innistæðutryggingar fyrir Icesave. Þar dragast frá (hvaða samningur sem gerður er) hluti af eignum LÍ í Bretlandi og Hollandi. Eitthvað virðast samningamenn hafa þokað upphæðinni niður, sem er gott og kemur á móti þeim milljaratugum sem þjóðarbúið hefur tapað við það að hafa þetta hangandi yfir hausamótunum, en því fer fjarri að þessi lækkun sé úr 500 milljörðum í 60.

[Jón Sveinsson, 18.11.2010 kl. 12:22]

Þjóðin sagði nei við þessu samninga sukki sem er ekki skuld þjóðarinnar, Það er skömm að detta sér í hug að þjóðin eigi að borga þennan gjörning hvort það séu miljarðar eða 1 króna er fólk með kvarnir í stað heila.Stöðnun í landinu er alfarið ríkistjórninni að kenna en engum öðrum.svona verður það meðan við höfum landráðslýð við völd...

[Óskar Helgi Helgason (IP-tala skráð) 18.11.2010 kl. 14:22]

Heill og sæll Sigurjón - og þið aðrir, gestir hans !

Um leið; og ég vil þakka ykkur : Sigurjón - Ómar og Jón, fyrir ykkar ályktanir, sem varðstöðu alla, undrast ég skrif Péturs (hver; hvorki gefur upp föður/ né ættarnafn).

Pétur !

Þú getur ekki; með nokkru móti, varið svokallað samninga ferli, þeirra Steingríms og Jóhönnu, sem þau vinna í þágu þeirra glæpa manna, sem með völdin fóru í Landsbankanum - en hyggjast; láta landsmenn svo borga, bugtandi sig og beygjandi, fyrir Brezkum og Hollenskum nýlendu veldunum, gömlu.

Þú ættir; að vita betur en svo, ágæti drengur.

Með byltingar kveðjum; úr Árnesþingi /

Óskar Helgi Helgason 

[Guðjón Sigþór Jensson, 18.11.2010 kl. 15:29]

Á dögunum var viðtal við Jón Sigurðsson forstjóra Össurar. Hann taldi vera mikinn ljóð á því að ekki hefði verið lokið fyrir löngu þessu Icesave máli. Lánskjör íslenskra fyrirtækja og þar með íslenska ríkisins eru þau langóhagstæðustu sem um getur og hefur það átt sinn þátt í auknum erfiðleikum í fyrirtækjarekstri og vaxandi atvinnuleysi.

Steingrímur J. áttar sig á þessu. En það er við þennan háværa hóp sem með tilfinningarökum heldur uppi kröftugum áróðri og tortryggni sem er eðlilegri raunsærri rökræðu þrándur í götu.

Mosi

[Sigurður Ingólfsson, 18.11.2010 kl. 15:49]

Prófessorinn og fleiri gáfu sér það að borguðumm við Icesave þá opnuðust allar lánalínur og hjól atvinnulífsins margumtöluðu fari að snúast af miklum krafti. Þegar talað var um 5-700 ma. skuldina í upphafi þá fannst manni einsýnt að enginn vildi lána þjóð með allar þessar skuldir á bakinu ef hún tæki þessa á sig líka. Nú þegar hún er komin í 60 ma. og jafnvel greidd að fullu er nokkur sem getur ábyrgst að lánalínur opnist? Ég væri ekkert hissa á því að lítið yrði um lán nema á óbærilegum vöxtum. Það er þó skömminni skárra að hætta 60 milljörðum en 5 til sjöhundruð.

[Guðlaugur Þorvaldsson (IP-tala skráð) 18.11.2010 kl. 17:00]

Þarna skeit nú sú beljan sem ekkert hafði rassgatið sagði kerlinging og þetta datt mér í hug þegar ég las þennan pistil þar sem fylgislaus formaður með trausti rúinn "flokk" sem kjósendur hafa yfirgefið ræðst með grófum aðdróttunum á virtan og vinsælan háskólaprófessor og stjórnmálamenn sem þó njóta trausts mikils hluta þjóðarinnar. Maður verður stundum dapur í huga við að lesa pistla á bloggi Morgunblaðsins. Það gerðist nú.

[Sigurjón Þórðarson, 18.11.2010 kl. 18:06]

Þórólfur á svo sannarlega fyrir þessum skrifum.

[Þórarinn Baldursson, 18.11.2010 kl. 20:56]

Gunnlaugur! kallar þú þennan Þórólf vinsælan háskólaprófesor? Hann er hugsanlega vinsælli í Háskólanum,en hann er ekki vinsæll meðal alþýðunnar á Íslandi það ætla ég að fullyrða hér og nú.Þessi maður er asni og talar þannig. þú segir Sigurjón ráðast að á Þórólf og stjórnmála menn sem njóta trausts mikils hluta þjóðarinnar! Ég spir og vil svar, hvar er þessi meirihluti? síðast þegar ég vissi var það mikill minnihluti landsmanna sem stiður Ríkistjórnina.

[Ómar Geirsson, 18.11.2010 kl. 22:44]

Blessaður Pétur.

Það sorglegast við ykkur snatana er algjört getuleysi ykkar til að rökstyðja ykkar mál.  Glepjist þið til að minnast á staðreyndir, þá tekst ykkur alltaf að fara rangt með.  Jafnvel Samfylkingin á ekki slíka vanhæfni skilið.

Þú segir að enginn samningur hafi verið gerður enn, hvar hefur þú eiginlega haldið þið síðustu tvö árin, á tunglinu??? Svavar Gestson og hans menn undirrituðu samning við breta í mai 2009, þetta má lesa á vefnum Island.is þann 06.06.09,  "Ríkisstjórnin samþykkti í gær að samninganefnd um Icesave myndi undirrita samning til lausnar Icesave deilunni við Hollendinga og Breta. Samkomulagið er mikilvægur áfangi í endurreisn íslensks efnahags".  Alþingi breytti mjög þeim samning og setti inn ýmsa fyrirvara og síðan sorgardaginn mikla, 2. spt 2009.  Sem betur fer höfnuðu bretar breytingunum og við þá var aftur samið og undirritaður samningur í okt 2009.  Sem var svo að lögum 30. ses sama ár.

Hvernig getur þú logið blákalt að það hafi enginn samningur verið gerður enn, þegar tvisvar hefur verið skrifað undir ICEsave samkomulag við breta.

Og hvað varðar kostnaðinn í seinni samningnum, þá er hann nákvæmlega 507 milljarðar.  Jón Daníelsson hagfræðingur skrifaði grein i Morgunblaðið undir yfirskriftinni "Áhættunni af ICEsave verður ekki eytt eftir á" og þar kom hann með útreikning sem enginn reyndi að hrekja.  Og gefum Jóni orðið:

"Miðað við það mun heildarkostnaðurinn vegna Icesvae nema 507 milljörðum króna miðað við gengið í gær. Sé þeim kostnaði deilt niður á þjóðirnar nemur hann 1,5 milljónum króna á hvert mannsbarn á Íslandi - 6-9 milljónum fyrir meðalfjölskyldu - en aðeins 5.800 krónum á hvern Hollending og Breta. Til að setja þessar tölur í eitthvert samhengi myndu fjármunir þessir duga til þess að reka Landspítalann í sjö ár eða Háskólann í 42 ár. Af þessum miklu fjármunum eru aðeins 120 milljarðar greiðsla á höfuðstóli en 387 milljarðar fara í vexti".

Ef þú leiðréttir ekki Jón Pétur, þá mátt þú gera það upp við þig hvort þú sért lygari eða auðtrúa sál sem trúir öllum áróðri breta. 

Þitt er valið.

Kveðja að austan.

[Guðlaugur Þorvaldsson (IP-tala skráð) 19.11.2010 kl. 12:21]

Skoðanakannanir sýna að nálega helmingur kjósenda styður ríkisstjórnina. Það er nokkuð gott á þessum erfiðu tímum þegar þarf að taka margar óvinsælar ákvarðanir. Þórólfur er vinsæll fræðimaður á sínu sviði og virtur enda mikið notaður sem álitsgjafi og ráðgjafi. Það frýr honum engin vits eða kallar til hans niðrandi uppnefni eins og "icesaveprestur Steingríms og Jóhönnu" á opinberum vettvangi þegar hann flytur mál sitt nema þá formaður Frjálslynda "flokksins". En svo sem skiptir litlu máli hvað sagt er hér á þessari bloggsíðu. Afar fáir ef þá nokkrir nú orðið taka mark á því sem síðuhöfundur og áhangendur hans setja fram af skoðunum sínum. Skoðanakannanir og kosningarúrslit tjá okkur allt um það. Nenni ég því ekki að tjá mig frekar um þetta.

[Sigurjón Þórðarson, 19.11.2010 kl. 13:39]

Á óvart kemur hve Guðlaugur Þorvaldsson telur að almenningur sé sáttur við ríkisstjórnina en hann ýkir að vísu verulega almennan stuðning við stjórnina í skoðanakönnunum.  Ég get sömuleiðis sagt frá því að það er leitun að stuðningsfólki Samfylkingarinnar hér í Skagafirði eftir aðför flokksins að Heilbrigðisstofnunum á landsbyggðinni.

Mér finnst sannast sagna leitt að Guðlaugur hafi ákveðið að tjá sig ekki frekar hér á síðunni undir fullu nafni en það er að verða æ sjaldgæfara  að einlægir stuðningsmenn Samfylkingarinnar hafi þann  háttinn á. Í stað þess iðka stuðningsmenn Samfylkingarinnar frekar þann lúpulega leik í ríkari mæli að hreyta út ómálefnalegum níðskrifum í skjóli nafnleyndar.

Ég hef ekki amast við því og reyndar sýnt þessum skrifum Samfylkingarliða skilning í ljósi hræðilegrar frammistöðu ráðamanna flokksins.