Þórður Már velkominn í Frjálslynda flokkinn

Nú er það orðið ljóst að elítan í Samfylkingunni með "heilaga" Jóhönnu í broddi fylkingar, er hraðri en  vondri leið með að svíkja öll kosningaloforð um breytingar á hræðilegu kvótakerfi í sjávarútvegi.  Ekki sparaði flokkurinn loforðin í aðdraganda kosninganna 2009, um endurreisn, endurmat, réttlæti og sáttargjörð við þjóðina um breytingar á illræmdu kvótakerfi. 

Núna situr fjölmargt Samfylkingarfólk og reyndar Vg liðar einnig uppi með þá staðreynd að flokksforysta og elíta flokkanna hefur gengið á bak heilagra loforða um breytingar.  Í Kastljósi kvöldsins kom fram að varaþingmaður Samfylkingarinnar væri að íhuga úrsögn úr Samfylkingunni ásamt nokkrum fjölda flokksmanna sem hafa fengið sig fullsadda af vinnubrögðum Jóhönnu Sigurðardóttur, Guðbjarts Hannessonar og Ólínu Þorvarðardóttur.  Ég býð Þórð og þá sem hafa fengið fylli sína af ómerkilegheitum Samfylkingarelítunnar velkomna í Frjálslynda flokkinn.

 

Athugasemdir

[Árni Gunnarsson, 10.9.2010 kl. 23:17]

Tek undir þetta. Ég á þó eftir að sjá að Ólína Þ. kaupi þessa svonefndu samningaleið án þess að prútta.

En nú er líka komið að þeim sem sögðu að ef fyrningarleiðinni yrði ýtt út af borðinu þá myndu þeir krefjast þjóðaratkvæðagreiðslu.

Eftir situr svo þetta tilboð þitt um að vista sig hjá okkur. Þar þarf enginn að óttast að málinu verði drepið á dreif með sýndarsátt.

[Einar Guðjónsson, 10.9.2010 kl. 23:25]

Strákar mínir, þið megið ekki vera svona neikvæðir. Jóhanna og Grímur verða auðvitað að hugsa um hina fjölmörgu starfsmenn bankanna því ef við breytum kerfinu hans Halldórs þá fara bankarnir á hausinn. Ég segi að við eigum ekki að breyta neinu því annars gætum við farið úr 138 sæti á listanum yfir samkeppnishæfar þjóðir í 139 sæti og ég veit að mörgum hér þætti vont að hafa sætaskipti við Zimbabwe.

[Aðalsteinn Agnarsson, 11.9.2010 kl. 22:46]

Samfylkingin lofaði frjálsum handfæraveiðum, sem ekkert bólar á, hvernig

getur þetta fólk horft upp á 15 til 20.000  manneskjur atvinnulausar,

allt alþingi er að fremja glæp á þjóðinni með aðgerðarleysi sínu.

[Kolbrún Stefánsdóttir, 11.9.2010 kl. 23:13]

Já er enn að fjölga í Frjálslynda flokknum.. gaman að því ! kveðja Kolla

[Jóhann Páll Símonarson, 12.9.2010 kl. 15:10]

Heill og sæll Sigurjón.

Þótt þú sért með góðan þokka, og stóðst þig vel á Alþingi þá tel ég að þinn flokkur þurfi á breytingum á að halda til að þið náið ykkar fyrra afli.

Jóhann Páll Símonarson

[Kolbrún Stefánsdóttir, 12.9.2010 kl. 19:08]

Jóhann, hann er alltaf að breytast  kveðja Kolla