Björgvin G. Sigurðsson setur gríðarlega pressu á Sjálfstæðisflokkinn

Með brottför sinni setur Björgvin gríðarlega pressu á afsögn Bjarna Benediktssonar, Þorgerðar K. Gunnarsdóttur, Tryggva Þórs Herbertssonar og Illuga Gunnarssonar. 

Það er ljóst að formlega ber Björgvin mikla ábyrgð á hruninu en hálfur þingflokkur Sjálfstæðisflokksins sat við spilaborðið og var beinn þátttakandi í fjárhættuspilinu.  Spilið gekk út á að taka glæfralega áhættu með fjárhag almennings og landsins en vera síðan með allt sitt á þurru.

Almenningi er misboðið hvernig kjörnir fulltrúar misfóru með það traust sem þeim var veitt og margir efast um að þeir séu færir um annað en að reyna að bjarga eigin skinni. 

Það kæmi mér ekki á óvart að Sunnlendingar kynnu að meta útgöngu Björgvins og hann ætti afturkvæmt á þingið eftir einhver ár, ef marka má vinsældir og traust félaga Björgvins, Árna Johnsen.

Björgvin víkur af þingi

Athugasemdir

[MargrétJ (IP-tala skráð) 15.4.2010 kl. 17:51]

Ég tek hatt minn ofan fyrir honum á sama tíma og mér finnst það algerlega lýsandi dæmi um siðferði ALLRA  annara þingmanna að það skuli vera HANN - HANN sem "fékk" ekki einu sinn upplýsingar eða svo mikið sem að mæta á fundi.

Ingibjörg Sólrún á ALDEILIS eftir að svara fyrir það.

[Árni Gunnarsson, 15.4.2010 kl. 18:00]

Rétt er það að formlega ber Björgvin í raun meiri ábyrgð en flestir aðrir ráðherrar hrunstjórnarinnar. Öllum er þó ljóst sem fykgst hafa með og lesið skýrsluna miklu að utanríkisráðherrann hélt honum utan við fundasetu með seðlabankastjórum á örlagatímum.

Að því slepptu er þessi ákvörðun Björgvins skref sem marka ætti tímamót í pólitísku siðferði sem situr á lágum eldhúskolli í dag á landi voru.

[Hallur (IP-tala skráð) 15.4.2010 kl. 18:07]

Þetta er bara sýndarmennska hjá Björgvin.

[Geiri (IP-tala skráð) 15.4.2010 kl. 19:53]

Bjarni var ekki ráðherra í hruninu og því varla sambærilegt.

[Kristján Sigurður Kristjánsson, 15.4.2010 kl. 22:53]

Já einmitt, Árna Johnsen sem formann hann er búinn að afplána.