Stefnumótunarvinna á Sægreifanum - Landsþing Frjálslynda flokksins

Nokkrir punktar sem fram komu á fundi um stjórnsýslu og stjórnskipan á Sægreifanum 16. febrúar 2010.

1) Þjóðaratkvæðagreiðsla – færa valdið til þjóðarinnar frá stjórnmálastétt sem bundin er á klafa þröngra sérhagsmunasamtaka.
 a)  Minnihluti þings, 2/5, geti vísað málum í þjóðaratkvæðagreiðslu – ákvæðið leiðir til þess að leiðtogar stjórnarflokka sem ráða sínu þingliði verði ekki einráðir við lagasetningu.
 b) 10% atkvæðisbærra  manna geti með undirskrift hjá opinberu embætti, s.s. sýslumanni eða ráðhúsi, látið fara fram þjóðaratkvæðagreiðslur um einstök mál. 

 c) Halda málskotsrétti forseta Íslands.                                                                                       

2) Festa í sessi að stjórnlagaþing verði kallað saman á 25 ára fresti – tryggja að grundvallarlög lýðveldisins verði tekin til endurskoðunar fjórum sinnum á öld.

3) Skipan hæstaréttardómara – 3/5 hlutar þings þurfi að samþykkja tilnefningu dómsmálaráðherra.

4) Nefndarfundir Alþingis verði í heyranda hljóði – tryggir opin og lýðræðisleg vinnubrögð.

5) Háskóli Íslands þiggi ekki stöður eða styrki til einstakra embætta, heldur verði styrkjum veitt í einn pott sem úthlutað verði til rannsókna. Ætlað að tryggja að sérhagsmunaöfl, s.s. LÍÚ, geti ekki búið áróður í fræðilegan búning og gengisfellt  háskólastarf.

6) Frjálslyndi flokkurinn setji sér siða- og umgengnisreglur sem fela m.a. í sér að frambjóðendur undirriti drengskaparheit um að láta af trúnaðarstörfum fyrir flokkinn ef viðkomandi verður viðskila við flokkinn.

Nú er bara að leggja í púkkið og mæta á Sægreifann sunnudaginn 21. febrúar kl. 20  eða þá að senda mér línu.

Athugasemdir

[Óskar Þorkelsson, 20.2.2010 kl. 09:06]

góðir punktar Sigurjón.  

[Sigurjón Þórðarson, 20.2.2010 kl. 13:07]

Ég þakka fyrir það en það væri vel þegið að þú sendir á mig nokkra punkta en ég hef þegar fengið nokkrar góðar ábendingar í tölvupósti á [e-mail]