Forsætisráðherra blaðrar á CNN

Ríkisstjórnin virðist bara alls ekki ráða við það verkefni að stjórna efnahagsmálunum og krónan er í algjörlega frjálsu falli. Fólk hlýtur að velta fyrir sér stöðu Geirs Haarde forsætisráðherra sem hefur ekki séð ástæðu til að koma fram með einhverjar skýringar til þjóðar sinnar um hvað sé í gangi og hvers sé að vænta.

Á meðan hefur hann verið á CNN og átt fundi í Ameríku með mjög misvísandi skilaboðum. Íslendingar hljóta að eiga heimtingu á að hin æpandi þögn verði rofin.

Sjálfum finnst mér líklegt að þetta fall krónunnar sé eitthvert yfirskot, krónan hlýtur að rétta úr kútnum og styrkjast á ný.

Krónan í frjálsu falli

Hefur fjölmenningarstefnan gefist vel?

Það er athyglisverð skoðanakönnun á Útvarpi Sögu þessa stundina en þar er spurt:

Hefur fjölmenningarstefna í innflytjendamálum í Evrópu gefist vel?

Þegar ég leit síðast inn á síðuna höfðu liðlega 84% hlustenda svarað spurningunni neitandi.