Saksóknari á að segja hlutina eins og þeir eru

Hvers vegna er það fyrirferðamikil frétt í hinum ýmsu fjölmiðlum að lögmaður fari fram á að vararíkissaksóknara sé sagt upp störfum fyrir það eitt að segja sannleikann um að hér sé kominn inn hópur fólks sem gerir ekki mikið fyrir íslenska samfélagsgerð og sáttmála? 

Er málið að umræddur lögmaður sé kominn af hreinræktuðu íslensku stjórnmálakyni? 

Mér finnst löngu tímabært að blaðamenn spyrji þá sem ganga svo langt eins og raun ber vitni í að koma í veg fyrir eðlilega og gagnrýna umræðu um alvarlega glæpamenn í röðum hælisleitenda hvaða þeim gangi eiginlega til.  Í leiðinni mætti spyrja hvað lögmaðurinn og fyrirtækið hans hafi haft miklar tekjur af þessum hælisiðnaði?

 

 

Segir orðræðu Helga ala á sundrung og fordómum

Skýringar Jens Garðars og Biblían

Skýringar á sveiflum og minnkandi veiði í íslenskum laxveiðiám taka á sig æ undarlegari mynd.  

Sumir "fiskifræðingar" hafa beitt fyrir sig hálfgerðum Biblíuskýringum á sveiflum í veiði þ.e. í stað 7 ára tímabila Biblíunnar er komið fram með kenningu um 5 mögur ár sem síðan leiða af sér 5 feit laxveiðiár. 

Jens Garðar fyrrum stjórnarformaður SFS stekkur hér fram með stórundarlega kenningu um að það eigi sér stað einhver stórtæk ofveiði í íslenskum laxveiðiám.  Þessi kenning Jens Garðars er furðulegri en Biblíukenningarnar þar sem í meira mæli en áður tíðkast það hálfgerða dýraníð að veiða og sleppa hrygningarfiski. Í öðru lagi sýna allar athuganir fram á að enginn skortur er á laxaseiðum í ánum og ýmislegt bendir jafnvel  þess að árnar séu ofsetnar af seiðum.

Hvers vegna er Jens Garðar að ala á ofveiðigrýlunni?  

Segir hnignunina ekki tengjast sjókvíaeldi

Kerfið ver kerfið

Ríkisendurskoðun er farin að snúast upp í andhverfu sína en það birtist skýrt fyrir þjóðinni í Lindarhvolsmálinu þar sem Ríkisendurskoðun beitti sér að afli fyrir leynd yfir rökstuddum grun um spillingu núverandi forsætisráðherra.

Nú er komin út skýrsla Ríkisendurskoðunar um úthlutun á byggðakvóta m.a. Byggðastofnunar, en hún einkennist af meðvirkni og átakafælni með ónýtu fyrirkomulagi. Skýrslan er einkar áhugaverð fyrir það sem hún fjallar ekki um þrátt fyrir skýrar ábendingar.

Ríkisendurskoðun fjallar ekki um þann þátt málsins sem gagnrýndur hefur verið m.a. á Alþingi að byggðakvótar sem nefndir hafa verið félagsleg úrræði til að bregst við áhrifum samþjöppunar, renna að stórum hluta til stórútgerðarinnar og jafnvel til útgerða sem komnar eru upp fyrir lögbundið kvótaþak.

Ríkisendurskoðun virðist ekki hafa fjallað um þá greinargóðu gagnrýni sem hefur verið sett fram varðandi úthlutun Byggðastofnunar á fiskveiðiheimildum sem meta má á 2 milljarðar kr. árlega.

Hún hefur komið fram í Heimildinni og á Alþingi m.a.:

a) Byggðastofnun úthlutaði byggðakvóta til erlendra fiskeldismanna.

b) Einn aðili er með úthlutaðan byggðakvóta fyrir nokkur byggðalög og fær liðlega fimmtung af öllum sértæka kvóta stofnunarinnar.

c) Eftirliti er verulega áfátt en ekki hefur verið hægt að sýna fram á að úhlutaður byggðakvóti hafi verið veiddur í viðkomandi byggðalagi með skýrum hætti og flest bendir til þess að hann hafi leigður.

d) Ríkisendurskoðun hefur ekki fjallað um þann þátt sem snýr að félagslegum undirboðum í þeim þorpum sem byggðakvóta Byggðastofnunar hefur verið ætlað að styrkja. Þeir sem hafa fengið samning frá Byggðastofnun hafa í framhaldinu gert verktakasamninga við litlar útgerðir í þorpunum sem teljast ekkert annað en félagsleg undirboð.

e) Byggðakvóta er ekki landað í viðkomandi byggðum sem fá honum úthlutað og jafnvel í allt öðrum landshluta.

Mörg dæmi eru um að handhafi samnings í brothættri byggð búi ekki í plássinu og sé komin í forréttinda og yfirburðastöðu gagnvart þeim sem stunda útgerð í byggðinnni.

Þörf á veigamiklum breytingum á úthlutunarkerfi

Ráðherra treður á Alþingi - Hvað gerir forsetinn?

Vg er í miklum vanda við að réttlæta ótímabundin afnotarétt af fjörðum landsins, sem flokkurinn vill að verði söluvara sem hægt verði selja í kauphöllinni til auðmanna.

Vörn matvælaráðherra er að vefja ætlan sína um sölu á fjörðunum inn í skrumskældan orðavaðal þar sem bullukollast er um að frumvarpið snúist fyrst og fremst um; umhverfið, setja kodda undir náttúruvernd, vistkerfisnálgun og aukið eftirlit og vöktun.

Á blaðamannafundinum á Hilton var augljóst að Bjarkey var að kynna allt aðrar tillögur en hún lagði fram í frumvarpi á þingi og er nú til meðferðar á Alþingi.   Það blasir við að með því að gera leyfin ótímabundin og framseljanleg þá er verið að slæva eftirlitið og aðhald að starfseminni.  Réttast væri fyrir ráðherra að draga frumvarpið til baka og breyta því þannig að umsagnaraðilar fái frumvarpið fullbúið til umsagnar en ekki einhverjar óljósar misvísandi fréttir af fyrirhuguðum breytingum.

Forseti þingsins Birgir Ármannsson hlýtur að mótmæla vinnubrögðum nýliðans í ríkisstjórninni þ.e. að boða til blaðamannafundar um breytingar á máli sem er nú á forræði þingsins - Ég man ekki í svipan eftir að ráðherra hafi gert jafn lítið úr hlutverki Alþingis með svo opinskáum hætti.

Fyrir mig sem mikils áhugamanns um fiskeldi þá er beinlínis ömurlegt að horfa upp á algert klúður Vg í málinu. Í stað þess að leggja fram vandað frumvarp um umgjörð atvinnugreinarinnar þá leggur ráðherra fram nýfrjálshyggjumál um sölu og veðsetningu á fjörðum landsins um aldur og ævi.

 

 

 

„Þetta er metnaðarfullt frumvarp“

Seilst til sjálfseyðingar

Nýja fiskeldisfrumvarp matvælaráðherra, eru þvílíkar gælur við núverandi rekstraraðila, þar sem leyfi eru gefin út til eilífðar og þeim gefinn réttur til að veðsetja og leigja leyfin. Frumvarpið er þannig úr garði gert að eindregnir stuðningsmenn fiskeldis þykir nóg um óhófið í dekri.

Það er ekki úr vegi að fara yfir það hvers vegna í ósköpunum ráðherra Vg sé kominn í þá stöðu að leggja það fram, en Jón Bjarnason fyrrum sjávarútvegsráðherra fer með greinargóðum hætti hér yfir að frumvarpið fari þvert gegn stefnu Vg.

Ábyrgð núverandi og fyrrverandi ráðherra er vissulega mikil á málinu, en á löngum pólitískum ferlum sínum hafði hvorug sýnt  áhuga á málefnum fiskeldis né sjávarútvegs áður en þær gengu inn í ráðuneytið. Forysta Vg hafði skýra kosti sem voru betur fallnir til þess að stýra ráðuneytinu þ.e. þeir Orri Páll og Bjarni Jónsson. Þeir félagarnir eru víst ekki konur og því áttu þeir ekki möguleika í femínískum flokki.

Í verkum sínum hafa þær Svandís og Bjarkey á stuttum ferli, lagt til hliðar stefnu Vg og látið þess í stað þrönga sérhagsmuni SFS (LÍÚ) ráða för  í helstu málum með örfáum undantekningum. 

Í ljósi þess hve pólitísk forysta í ráðuneytinu hefur verið veik þá er rétt að skoða ráðuneytið sjálft sem er fámennt og líta til tengsla þess við SFS (LÍÚ) sem hefur úr ómældum sjóðum að spila. 

Fyrrverandi framkvæmdastjóri SFS (LÍÚ) stýrir skrifstofunni í matvælaráðuneytinu sem sér um fiskeldismálin, fyrrum fiskifræðingur SFS er orðinn að sérfræðingi inn í ráðuneytinu og fyrrum sjávarútvegsráðherra er kominn í grimma hagsmunagæslu fyrir fiskeldisfyrirtækin, svo eitthvað sé talið upp. 

Afkvæmið er frumvarp sem ráðherra virðist varla skilja eða á minnsta kosti mjög bágt með að rökstyðja a.m.k út frá almannahag. 

Niðurstaðan er sú að í stað þess að lagt væri fram frumvarp sem myndi efla greinina og skapa aukið traust á umgjörðinni um fiskeldið, þá hefur sérhagsmunapotið gengið út fyrir öll siðleg mörk og skaðar framtíð fiskeldisins.

 

 

 

 

  

 

 

Umræðan um umræðuna

Í vikunni fór fram tilgerðarleg umræða á RÚV um útlendingamál í Kastljósinu, en viðfangsefnið var fyrst og fremst eitthvað sem nefnt var skautuð umræða um útlendingamál.

Sjálf málefni útlendinga voru aðeins rædd í framhjáhlaupi, en skerpan var á vonda skautun sem sögð var leiða aðeins vont af sér svo sem; aðskilnað, andúð og andstyggð.

Á RÚV hefur verið rekin sjálfstæð útlendingastefna um árabil sem gengur meira og minna út á að opna landamærin m.a. fyrir öllum íbúum Gasa-strandarinnar og frásagnir af brottvísunum sem stjórnvöld hafa þurft að framkvæma hafa gjarnan verið sagðar með neikvæðum hætti. Þingmaður Flokks fólksins sem nýlega deildi frétt Skynews fréttastofunnar af óöldinni í Svíþjóð, var heiðraður með heimsókn helsta þáttarstjórnenda RÚV um áratugaskeið á síðunni sinni og sagði Egill fréttina vera kjaftæði og bætti við að borgin hefði verið hrútleiðinleg á árum áður.

Aftur að Kastljósþættinum sem fjallaði að nokkru leyti um ástandið í Danmörku og þannig að sumt gæti fallið undir hreint Danahatur - Í þættinum var viðmælendum tíðrætt um orsök aðlögunarvanda útlendinga í Danmörku, sem er vel að merkja síst minni en sambærilegur vandi í öðrum Evrópuríkjum. Fullyrt var að vandin í Danmörku stafaði fyrst og fremst af kerfisbundnum ofsóknum Dana á hendur útlendinga!

Skilaboð RÚV voru - passið ykkur ef þið takið upp á því að ræða útlendingamálin þá gætuð þið lent í því að skauta!

Það leiðir hugann að því hvað er þessi skautun umræðunnar og er hægt að benda á áþreifanleg dæmi um að einhver hafi skautað?

Jú nýlega var helsti ritstjóri landsins Snorri Másson, sakaður um að ýta undir skautun þegar hann gagnrýndi furðuleg verðlaun stofnunar sem mér er annt um veitti þ.e. verðlaun Byggðastofnunar  til sveitarfélags á Suðurlandi fyrir að taka einhliða upp annað opinbert tungumál en íslenskuna.

Í framhaldinu má velta því upp hvort þjálfari Aþenu hafi skautað umræðuna með því að kalla Breiðholtið baby Malmö?

 

Aðgerðin gekk vel en sjúklingurinn dó

Það að fjármálaráðherra tjáir sig ekki um verstu lánskjör á byggðu bóli varpar ljósi á hve forysta ríkisstjórnarinnar er algerlega ótengd kjörum almennings og stöðu minni fyrirtækja.

Minni fyrirtæki sem geta ekki fjármagnað sig með því að ganga í sjóði lífeyrissjóða og skuldugur almenningur býr við síversnandi stöðu og sama má segja um leigjendur.

Yfirgengilegt vaxtaokrið þrengir að hálsi lántakenda með tilheyrandi eignaupptöku þar sem verðmæti flytjast frá almenningi og til fjármálafyrirtækja. Á sama tíma leiða háir vextir til þess að það dregur úr húsbyggingum, en sár skortur á íbúðarhúsnæði er einn helsti þátturinn í spennunni og hækkun verðlags.

Það er meira en lítið spes að hafa fjármálaráðherra við völd við þessar aðstæður sem hefur enga sérstaka skoðun á því hvort rétt sé að lækka vextina sem eru að gera út við fólk til sjávar og sveita.   

„Á réttri leið en nokkuð í land ennþá“

Vg vill selja og veðsetja íslenska firði!

Vg segist gjarnan vera róttækur grænn umbótaflokkur en leggur engu að síður fram hvert nýfrjálshyggjufrumvarpið á fætur öðru.

Nú er það frumvarpið um lagareldi en það kom í hlut núverandi matvælaráðherra að leggja það fram en það var samið undir handleiðslu tilvonandi formanns Vg, Svandísar Svavarsdóttur.

Ráðandi öfl virðast ganga út frá því sem vísu að fiskeldið verði óþrjótandi gullnáma sem muni skila ómældum gróða - Er það svo?

Nei alls ekki og það vita þeir sem þekkja sögu fiskeldisins sem er saga áfalla. Sjávarströndin á Íslandi er á ystu mörkum þess að hægt sé að ala fisk í sjó vegna lágs sjávarhita og umhverfið er ávallt skrefinu á eftir samkeppnislöndunum, hvað varðar vöxt. Á níunda áratugnum drapst t,d, allur lax í kerjum í Hvalfirði og fyrir utan afföll vegna kulda má búast við að hafísinn geti gert sig heimakominn sbr. á 7 og 8 áratugnum og valdið ómældu tjóni.

Vissulega hefur eldið gengið þokkalega síðustu árin en það er því miður ekki á vísan að róa. 

Það segir ákveðna sögu um hugsanaganginn hjá hefðarfólkinu í Vg að í stað þess að það séu áberandi grænar áherslur í frumvarpi eða viðbúnaður til þess að bregðast við áföllum, að þá sé lagt fram nýfrjálshyggjufrumvarp byggt á blautum draumi nýfrjálsrar gullgerðarmanna.

Best skín það í gegn í 120 gr. frumvarpsins þar sem tilvonandi formaður Vg leggur það til að handhafi ótímabundins rekstrarleyfis verði heimilt að  framselja og leigja út rétt til þess að nýta íslenska náttúru.

Stofnandi Vg samþykkti framsal á vafasömum fiskveiðikvótum á sínum tím og þá er það kannski vel við hæfi að síðasti formaður hreyfingarinnar leggi það til að firðir landsins séu leigðir veðsettir og jafnvel seldir.

 

 

 

 

 

 

Segir nýtt frumvarp gefa eldisfyrirtækjum auðlindir

Ráð sem valda tjóni

Það er stórundarleg hve lítilli gagnrýni er hleypt að veiðiráðgjöf Hafró í loðnu.  Það er ekki eins og "ráðgjöfin" sé hafin yfir gagnrýni frekar en önnur mannanna verk.

Í fyrsta lagi þá byggir veiðireglan sem tekin var upp árið 1983 ekki á neinni líffræði og stofnmatið er með óvissu aðeins í aðra áttina, þ.e. niður á við. Það liggur einnig fyrir að endurskoðuð veiðiregla sem tekin var upp árið 2015 hefur hvorki leitt til aukins afla eða að koma í veg fyrir "aflabrest". Endurskoðunin sem fól í sér aukna vernd hefur reynst ávísun á frekari hörmungar.

það er áhugaverð staðreynd að loðnuveiðin á sl. 20 árum er innan við þriðjungur af því sem hún var 20 árin þar á undan.

Það er tímabært að spurt sé hver sé árangurinn og hvert er markmiðið með ráðgjöfinni? 

 

„Áhrif loðnubrests eru enn mikil og víðtæk“

Mun nýr formaður Vg treysta stöðu sína?

Í yfirstandandi viðræðum um framhald stjórnarsamstarfs Vinstri grænna, Sjálfstæðis- og Framsóknaflokks hefur umræðan snúist um hvort Bjarni eða Sigurður Ingi muni leiða ríkisstjórnina en báðir kostirnir eru slæmir.  Bjarni er nýbúinn að flakka á milli ráðuneyta vegna "sölunnar" á Íslandsbanka og svo verður það að segjast eins og er að það hefur hvorki gengið né rekið í nokkrum þeim málum sem Sigurður Ingi hefur haft á sinni könnu. 

Jú vissulega eru settar upp flottar glærusýningar um uppbyggingu húsnæðis næstu áratugina en raunveruleikinn er ekki í nokkru samræmi við þá draumsýn enda vandinn farið vaxandi. Vegna þess hve báðir kostirnir hafa þótt slæmir, þá hefur Þórdís Kolbrún verið nefnd til sögunnar til þess að hlaupa í skarðið fyrir flokksformennina. 

Það er ljóst að Sandís Svavarsdóttir hyggst berjast við Guðmund Inga núverandi formann Vg um forystusætið í flokknum.  Það er því freistandi fyrir Guðmund Inga að láta undan þrýstingi frá Sjálfstæðisflokknum um að setja hana út úr ríkisstjórninni og taka Bjarna Jónsson inn, en með því myndi ekki aðeins verða starfsfriður í ríkisstjórninni heldur myndi nýr formaður styrkja stöðu sína innan flokksins.