Vinstri grænir ótrúlegir - vilja ekki bjarga sér

Með því að banna makrílveiðar er sjávarútvegsráðherra að framfylgja ákvörðun Steingríms J. um að setja einhliða kvóta á makrílveiðar upp á 112 þúsund tonn. 

Ekki veit ég hvers vegna fyrrverandi sjávarútvegsráðherra datt í hug að setja þennan kvóta á veiðarnar og hvaða rök voru þar á baki.  Makrílveiðarnar voru gagnrýndar fyrr í vor fyrir það að skipin hafi landað eingöngu þessum góða matfiski í gúanó.  Auðvitað er það gagnrýnisvert en það er gjörsamlega galið að Vg hætti einhliða veiðum á makríl. 

Ætla þeir bara að tína fjallagrös?

Makrílveiðar stöðvaðar

Athugasemdir

[Óskar Þorkelsson, 8.7.2009 kl. 17:44]

.. einhver pressa frá Norge gæti ég trúað.. norðmönnum finnst að makríll sé þeirra einkaeign :)  í alvöru..

annars finnst mér þetta fíflalegt bann.. 

[Sigurjón Þórðarson, 8.7.2009 kl. 17:47]

Óskar, ætli þú eigir ekki kollgátuna en Steingrímur J og félagar hafa sýnt að þeir eru mjög viðkvæmir fyrir utan að komandi pressu.

[Haraldur Baldursson, 8.7.2009 kl. 17:55]

Hver betliferðin til Noregs á fætur annarri hjá Steingrími skilaði.... bíddu engu, svo nú skal þægðast enn meira, þar sem afraksturinn veður... enginn. Hvílíka aumingjaskap hefur maður sjaldan séð. Svo vogar manntetrið sig til að blása sig stóran og ráðast á alla þá sem hann telur sér minna megnuga eins og Lilju Mósesdóttur. Sjaldan hefur nokkur stjórnmálamaður unnið þjóðinni meira ógagn er SJS

[Ómar Bjarki Kristjánsson, 8.7.2009 kl. 18:25]

Það er skylda að setja kvóta.

En alveg rétt að stoppa þessa vitleysu núna.

[Sigurjón Þórðarson, 8.7.2009 kl. 19:21]

Hver segir það Ómar Bjarki?

[Andrés Kristjánsson, 8.7.2009 kl. 20:55]

Sæll Sigurjón.

Ég vill að við veiðum makríl til manneldis. Við verðum að fá EB og þeirra handónýtu sjávarútvegsstefnu til að hleypa okkur inn á markaðinn með okkar fína makríl. Einnig verðum við að tryggja það að þetta fari ekki í hið alvitlausa laxeldi norðmanna. En þeir selja heminum laxinn líkt og um sjálfbæran iðnað er að ræða. En miðað við alla smáfiskabræðsluna þá er mögulegt að meira af sjávarfangi fari í laxeldið en komi úr því. Meðan við tryggjum ekki markað fyrir makrílinn þá ættum við ekki að veiða hann.

Annars var Sænski fréttaskýringar um norska laxeldið en fræg var þátttaka verksmiðjustjóra fiskimjölsverksmiðju Eskifjarða áhugaverð. En meðan við getum ekki veitt smáfiskinn til manneldis þá ættum við ekki veiða hann punktur. Ég tel að við höfum gengið full nærri þessum mikilvæga hlekk í fæðukeðjuni fyrir virðisauka sem nýtist norðmönnum sbr. loðnuna.

VG eru að negla þessa vitleysu,

[Óskar Þorkelsson, 8.7.2009 kl. 21:00]

Ég skildi ekki orð af sem þú sagðir Andrés...

[Óskar Helgi Helgason (IP-tala skráð) 8.7.2009 kl. 21:02]

Heilir og sælir !

Sigurjón !

Þakka þér; þessa þörfu ádrepu, á VG fíflin, Þeir eru; samdauna samstarfsflokknum, um flest, og á engu góðu von þaðan, fremur venju.

Skarkárar; sem Ómar Bjarki, kysu helzt, að við lægjum, einhverjum fetunum neðar, lárétt - dauð; eða lifandi, svo drauma bandalag Nazistanna á Brussel völlum, gæti valsað hér, um lendur og mið, og nýtt sér auðlindir okkar, að vild.

Einhverjar; mestu mannleysur Íslandssögunnar - ESB Quislingarnir, sem á daginn er komið !

Með beztu kveðjum; úr Árnesþingi /

Óskar Helgi Helgason 

[Andrés Kristjánsson, 8.7.2009 kl. 21:38]

Brotið niður fyrir Óskar.

1. Við getum ekki selt makríl inn á markað EB vegna þess að við höfum ekki kvóta.

2. Við getum bara brætt og selt hann sem hráefni, sbr. norska laxeldið.

3. Norska laxeldið selur laxinn sem sjálfbæra afurð.

4. Norska laxeldið tekur inn meira af sjávarfangi (sbr. makríl og loðnu) en þeir framleiða af laxi. Það er talað um stuðulin 1.5-2.

5. Athugasemd mín fyrir makríl á markað eða til manneldis:

Verðmæta aukning.

Virðisauki.

Mikilvægi þess að ofveiða ekki úr þessum hlekk líkt og ofveiði loðnu.

6. Sænskur þáttur sem fjallaði um laxeldi og hversu illa væri farið með smáfiskategundir. Hvort að ofveiði eigi sér stað og því sé þorskstofninn að hruni kominn, sem dæmi. Kenningar um grunnstoðir fæðukeðjunnar voru bornar fram í þættinum.

kveðja

[Ómar Bjarki Kristjánsson, 8.7.2009 kl. 21:49]

"Hver segir það Ómar Bjarki?"

Ann Kristin Westberg deildarstjóri í norska sjávarútvegsráðuneytinu

" segir að þótt Ísland hafi ekki viðurkennt niðurstöðurnar um skiptingu makrílkvótans beri því að hlíta almennum reglum NEAFC, sem kveði á um að viðkomandi ríki verði þá að setja sér sjálfstæðan kvóta í umræddum veiðum." (skip.is 18.9.2008)

Fyrrv. Sjáv.útvegsr.h. afsakaði sig með eftir farandi hætti í sömu frétt í fyrra:

,,Aðstæður á miðunum fyrir austan land voru mjög óvenjulegar í sumar. Makríllinn gekk inn í lögsögu okkar í mun ríkara mæli en við áttum að venjast og hann var blandaður síldinni sem við vorum að veiða, þannig að ekki var auðvelt að átta sig á því hver kvótinn þyrfti að vera til þess að veiðarnar í heild gætu gengið upp. Af þessum ástæðum var eðlilegt að íslensk stjórnvöld hefðu ekki tóm til að bregðast við.”

þeir höfðu "ekki tóm til þess" sjallarnir að setja kvóta í fyrra. 

[Hákon (IP-tala skráð) 8.7.2009 kl. 22:12]

hahaha, og ómar bjarki, áttu þá sjallarnir að setja makrílinn strax í kvóta korteri eftir að hann fer að veiðast innan lögsögunnar í fyrra??? Haltu bara áfram að veiða froðuna úr latte kaffibollanum þínum í 101 rvk.

[Óskar Þorkelsson, 8.7.2009 kl. 22:22]

Ómar .. þeir höfðu tóm til að setja kvóta á hvalveiðar.. ;)  og þær veiðar skemma meira en þær gefa af sér.. ekki það að ég sé á móti hvalveiðum sem slíkum.. bara að benda á hversu HRATT fyrrverandi sjávarútvegsráðherra gat unnið... þótt oftast nær hafi hann verið vita gagnslaus greyið..

[Sigurjón Þórðarson, 8.7.2009 kl. 22:57]

Áróðursþátturinn gegn norska fiskeldinu byggðist á vægast sagt mjög vafasamri líffræði s.s. var það talinn mikill umhverfisglæpur ef að það þurfti meira en eitt kg. af loðnu eða kolmunna til þess að framleiða eitt kg. af laxi. Sá fóðurstuðll sem sagður var glæpsamlegur í þættinum fannst mér reyndar lygilega góður sem bendir til þess að miklar framfarir í eldi á laxi.

Það var hins vegar algerlega hlaupið yfir það að í náttúrunni þá þarf fiskur alla jafna að innbyrða 10 kg. til þess að þyngjast um 1 kg.  Þátturinn var hluti af áróðursherferð græningja gegn fiskveiðum þar sem dregin upp svert og frumstæð mynd af sjávarútvegi.

Makríll er reyndar vinsæll til manneldis og fæst gott verð fyrir hann.  Ýmsum fannst það vera illa farið með gott hráefni að íslenskar útgerðir væru í kapphlaupi um að veiða sem mest í bræðslu til þess að merkja sér veiðireynslu í von um að fá úthlutuðum kvóta.  Jón Bjarna hefði reyndar vel getað komið í veg fyrir kapphlaupið með öðrum hætti s.s. með því að setja reglur um að veiðreynsla myndaði ekki veiðirétt seinna meir.

[Óskar Þorkelsson, 8.7.2009 kl. 23:12]

takk fyrir þetta Andrés.. núna skildi ég þig :)

[Óskar Þorkelsson, 8.7.2009 kl. 23:14]

.. ég vildi bæta við.. ég dreg flest það sem svíar leggja fram í sjávarútvegi í efa. Svo þessi þáttur sem mig minnir að ég hafi séð þegar ég bjó í SE er varla trúverðugur..

[Sigurjón Þórðarson, 8.7.2009 kl. 23:15]

Ómar Bjarki, Ann Kristin er nú ekki farin að stjórna veiðum í íslenskri lögsögu.

[Sigurjón Þórðarson, 8.7.2009 kl. 23:21]

Óskar, ég tek undir með þér Svíar eru snarruglaðir þegar kemur að sjávarútvegsmálum en þeir eru mjög uppteknir við að grafa upp nokkur 4.500 ára þorskbein í Eystrasaltinu - til þess að reikna út stofnstærð þorsksins þá og fá auðvitað út hnignun og úrkynjun þorsksins.

[Ómar Bjarki Kristjánsson, 8.7.2009 kl. 23:25]

Nei rétt er það.  En eins og hún bendir á þá verður Ísland að "hlíta almennum reglum NEAFC" um að ríki verði þá að setja sér kvóta.  Enda meikar það sens því annars gætu þeir bara mokað og mokað eins og bavíanar og eytt stofninum eða stórskaðað.  Sameiginlegum stofni fjölda ríkja.  Hvernig fór með kolmunnann.  Ekki svipur hjá sjón.

Enda má greina að Enar Kristinn skammaðist sín fyrir þetta þegar Anna Kístín tók hann í gegn.

[Sigurjón Þórðarson, 9.7.2009 kl. 00:10]

Ómar Bjarki, fiskistofnar rísa og hníga eins og vera ber.  Í gegnum aldirnar hafur gegnið á með góðri fiskgegnd og ördeyðu á miðum.

Ég hef ekki fylgst með mjög nákvæmlega með kolmunnanum en þó nægjanlega mikið til þess að vita það að stofninn stækkaði mjög þegar veitt var tugi prósenta umfram ráðlagða veiði reiknisfiskifræðinga  en þeir meta hrygningarstofn kolmunna nú nokkrar milljónir tonna.

[Helgi Jóhann Hauksson, 9.7.2009 kl. 01:00]

Sigurjón, mikið vildi ég gefa fyrir að skynsamir menn eins og þú ert tækju sig saman um að tala stóryrðalaust og af alvöru ábyrgð í stað þess sífellt bara að skora og höggva.

[Sigurjón Þórðarson, 9.7.2009 kl. 08:46]

Hvað áttu við Helgi Jóhann?

[Sindri Karl Sigurðsson, 9.7.2009 kl. 10:21]

Leiðrétta smá misskilning:

1. Það er ekkert mál að selja makríl inn á EU

Annað sem má gagnrýna í stjórnsýslunni varðandi þessar veiðar er að ráðherra var í sjálfsvald sett að leggja fram reglugerð sem kveður á að bannað sé að landa makríl beint til bræðslu. Af hverju var það ekki gert, þrátt fyrir tregðu innan LÍÚ að fara þá leið?

[Pétur (IP-tala skráð) 9.7.2009 kl. 10:59]

Þessar "umræður" sýna vel hvers vegna jafn illa er komið er fyrir Íslendingum og raun ber vitni. Aljóðleg samvinna á að byggjast á því að við gerum það sem okkur sýnist í umhverfismálum og heimtum síðan aðstoð frá umheiminum þegar við höfum leyft "útrásarvíkingum" -- sem við vörðum með kjafti og klóm gegn danskri "öfund" (því að þeir voru svo frábærir bissnissmenn, enda íslenskir) -- að vaða uppi og hreinsa sparifé af íbúum nágrannalandanna -- og nú viljum við auðvitað ekkert kannast við þessa fyrrum þjóðhetjur. Það er auðvitað allt í lagi að ofveiða makríl og bræða í gúanó, því að við látum jú ekki útlendinga segja okkur fyrir verkum. Það hefur aldrei verið okkar stíll og við förum auðvitað ekki að taka svoleiðis ósiði upp nú. Verst er að frekir krakkar eru í augum flestra annarra en foreldra þeirra hin versta pest sem enginn telur húsum hæfa, og kannski ættum við að hugsa okkur um nú áður en við ullum framan í heiminn, því það er eins og mig gruni að okkur veiti ekki af velvild á næstu mánuðum, ef ekki árum.

[Ómar Bjarki Kristjánsson, 9.7.2009 kl. 12:00]

"...reglugerð sem kveður á að bannað sé að landa makríl beint til bræðslu..."

Já, en er ekki málið að makrílinn er bara nothæfur í bræðslu núna ?  Man ekki, á þessum árstíma.  Mikil áta eða eitthvað og ekki hægt að frysta.

þetta er bara villimennska hjá LÍÚ og rétt ábending hjá Pétri. 

Maður er orðinn geðveikt þreyttur á þjóðrembingi og frekju sumra íslendinga.  Farinn að  dauðskammast sín fyrir að vera íslendingur útaf háttalagi sjallabjálfa og LÍÚ kálfa.  talað er um að stór hluti dana skammist sín fyrir þjóðernið og leyni uppruna sínum á erlendri grundu (aðalega útaf útlendinga stefnu) Veit ekki, ætli maður fari ekki að segjast vera frá Finnlandi erlendis.

[Sigurjón Þórðarson, 9.7.2009 kl. 12:08]

Pétir, þessir útlendingar sem þú vilt strjúka með hárunum hafa ekki hleypt Íslendingum að samningaborði um skiptingu á veiðinni, þó svo að makríll sé í síauknum mæli innan íslenskrar efnahagslögsögu.

Annars segir útbreiðsla makrílsins margt um að ætla að skipta upp magnbundinni veiði á einstaka fisktegundum um langa hríð.  Náttúran sveiflast og tegundir breyta útbreiðslu sinni. 

[Lúðvík (IP-tala skráð) 9.7.2009 kl. 12:40]

Veiðum sem mest af makríl og hvernig hann er verkaður skiptir engum máli enda kaupandinn af honum örugglega ekki í svelti og þorskurinn sem vantar næringarríkt fæði nær ekki í hann.En hættum loðnuveiðar því lífríkið kringum landið þarf bráðnauðsynlega á henni að halda og við enn meir til að geta veitt stóran og heilbrigðan þorsk.

[Sindri Karl Sigurðsson, 9.7.2009 kl. 23:35]

Hver segir að það sé ekki hægt að nýta makríl til manneldis á þessum árstíma?

Austantjaldsþjóðirnar sálugu og Rússar núna, veiddu og veiða makríl á þessum árstíma til manneldis.

Annað sem vert er að benda á að það er áta í makrílnum nánast allt árið, líka þegar verið er að veiða hann í Norðusjónum og upp með Noregsströndum. Þetta er einungis spurning um meðhöndlun um borð í veiðiskipum hvort hægt er að nýta hann til átu eða ekki.

[Rafn (IP-tala skráð) 9.7.2009 kl. 23:54]

það á að verka makrílinn til manneldis.

það er að reykja hann og koma ofan í dósir.

birki reyktan makríl frá Íslandi ?

gætti verið góður söluvara

[Ómar Bjarki Kristjánsson, 10.7.2009 kl. 01:14]

"Hver segir að það sé ekki hægt að nýta makríl til manneldis á þessum árstíma?"

Tja, þetta er nú reyndar býsna góð spurning.  Allavega hefur maður séð að eitthvað svona hefur verið fært fram sem ástæða.  Áta eða þá of feitur minnir mig.  Allt ómögulegt svo mest öllu er dælt beint í kvarnirnar.

Þyrfti að skoða þetta aðeins betur.  Kæmi manni svo sem ekkert á óvart að LÍÚ væri með einhverjar rangfærslur þarna eins og annarsstaðar.