Jóhanna Sigurðardóttir lemur í sig kjarkinn

Ýmsir hafa veitt því athygli að Jóhanna hefur margendurtekið að ríkisstjórnin sem verið er að bisa við að mynda eigi að starfa út kjörtímabilið. Ýmislegt má lesa út úr þessu og mér virðist sem hún sé sjálf vantrúuð á það miðað við það ósætti sem uppi er og sem reynt er að breiða yfir með tilgerðarlegu kossaflensi. Hvar er velferðarbrúin sem lá svo á að byggja? Hvað hafa forkólfarnir gert í þeim málum? Þegar verulega liggur á að slökkva elda sem brenna á heimilum landsmanna virðast Jóhanna og Árni Páll og Katrín Júlíusdóttir og Svandís og Katrín Jakobsdóttir japla og jamla á mögulegri Evrópusambandsaðild.

Mér þykið forgangsröðin bjöguð og er ekki einn um það.

Athugasemdir

[Bumba, 5.5.2009 kl. 08:52]

Æ Sigurjón minn, þetta er alltaf sami lesturinn. Maður veit svo sem að þetta fólk tekur við slæmu búi, svo sannarlega. En þau eru algjörlega ráðþrota, vita ekkert hvað þau eiga að gera. Alls ekki neitt! Þegar vinstri stjórnir hafa komist til valda hafa allir sjóðir verið fullir og þessar stjórnir hafa eytt og spent eins og þær hafa haft lífið að leysa. En nú er ekki svo. Þetta fólk er búið að tafsa og tönglast á verðtryggingunni til fjölda ára, en nú? Ekki einu sinni minnst á hana hvað þá að gera einhverjar ráðstafanir til þess að minnka hana, nei, heldur þvert á móti, koma með einhverjar tillögur um truntuleg vettlingatök og ekkert verður úr neinu. Ekki kaus ég þau það veit trúa mín. Með þessum orðum er ég EKKI að mæla bót með gjörðum fyrrverandi ríkisstjórna, síður en svo, en eru íslenzkir stjórnmálamenn algerlega óhæfir til að stjórna landinu? Ég bara spyr. Það er allavega ekki um auðugan garð að gresja, sannast sagna. Með beztu kveðju.

[Sigurjón Þórðarson, 5.5.2009 kl. 11:32]

Já, þetta er ekki björgulegt. Stýrivextirnir sem nú er verið að tala um eru upp á 14% og hvernig fer það með atvinnulífið? Núna talar gamla konan Jóhanna um niðurskurð upp á 5-10% af fjárlagagatinu en enn sem komið er er ekki minnst einu orði á hvernig hægt er að auka tekjur í samfélaginu. Jóhanna ætti að muna tímana tvenna og þar með þegar veidd voru 400-500 þúsund tonn af þorski ár eftir ár og ætti þess vegna að fara gagnrýnið yfir hvort ekki mætti auka veiðar í helminginn af því sem áður var, 260 þúsund tonn eða svo.

[Jens Guð, 5.5.2009 kl. 22:49]

  Þegar Jóhanna talar um að stjórnin eigi að sitja út allt kjörtímabilið hefur hún í huga að þetta kjörtímabil verður mjög stutt.