Sparimerkjagifting Steingríms og Jóhönnu

Að afloknum kosningum er komið í ljós að fyrirheitin sem gefin voru fyrir kosningar voru bara um hagkvæmnissamband til að komast í gegnum kosningarnar sjálfar. Trúlofun Jóhönnu og Steingríms var bara eins og sparimerkjagiftingarnar forðum, stofnað til hennar í hagkvæmnisskyni til að leysa út verðmæti. Nú voru kosningaúrslitin verðmætin.

Ég hef enga trú á því að meðan ástand mála er eins og það er sé meginmálið Evrópusambandið. Miklu stærra mál er að leysa úr ríkisfjármálum, ná niður vöxtum og koma í veg fyrir að fólk hlaupi frá skuldum sínum. Stjórnvöld hafa á síðustu mánuðum sett mörg hundruð milljarða í að bjarga sparifjáreigendum en yngra fólkið er skilið eftir með skuldaklafa sem engir aðrir en frjálslyndir lögðu fram tillögu um hvernig mætti leysa með afnámi verðtryggingarinnar og lækkun vaxta, að því að ógleymdu að auka tekjurnar.

Það kæmi mér ekki á óvart að Steingrímur og Jóhanna hlypu hvort frá öðru rétt eins og ófá dæmi voru um af fólki sem var búið að eyða öllum merkjunum sínum.

Stjórnarsáttmáli í smíðum

Athugasemdir

[Hörður B Hjartarson, 3.5.2009 kl. 15:29]

    Við sem áttum sparimerkin , töpuðum lítt eða ekkert minna en hinir sem hálf - gáfu þau , því þau brunnu upp í  "óðasnertilendingunum" í þá gömlu góðu - , . Ég veit ekki með þessa verðtryggingu sem annar hver er að bölsótast út í , hvað verður um stóra bróður , verði hún afnumin , ekki má eingöngu hugsa um örverpin , þótt ég sé örverpi ? Það sem fólkinu svíður sárast , er að það virðist ekki vera hægt að snerta hár þessarra glæpamanna sem eru búnir að kollríða þjóðfélaginu að stæðstu leiti , og í ofanálag þá reka sumir þessarra glæpamanna fleiri en eitt fyrirtæki hér í landinu t.d. Actavis , Novator og hvað með Haugbaug ?

    Mér er það með öllu óskiljanlegt að ekki sé hægt að breyta lögunum í landinu , þá úr ólögum , í lög , þannig að skerða megi hár á heilögum höfuðum þessarra manna , hvar í FL okki sem þeir standa .

[Jón Aðalsteinn Jónsson, 3.5.2009 kl. 17:48]

Góð samlíking

[Ragnhildur Kolka, 3.5.2009 kl. 19:46]

Samlíkingin er frábær, en ég hef og hafði efasemdir um  þessa lausn FF.