Stjórnmálaklúbburinn og Viðskiptagengin - Framsókn með risastyrk frá formanni Sjálfstæðisflokksins

Frjálslyndi flokkurinn hefur haft opið bókhald frá upphafi og hefur ekki haft neitt að fela líkt og hinir flokkarnir á Alþingi. Allir hinir flokkarnir þar með taldir VG hafa verið á framfæri skulduga útgerðaraðalsins og má eflaust rekja tregðu flokkanna til þess að koma á móts við álit mannréttindanefndar Sameinuðu þjóðanna til þeirrar staðreyndar.

Það kemur mér ekki á óvart að fyrrum stjórnarformaður BNT og núverandi formaður Sjálfstæðisflokksins Bjarni Benediktsson hafi veitt Framsóknarflokknum risastyrk.  Erfitt er að aðgreina Stjórnmálaklúbb Framsóknar, Sjálfstæðisflokks og Samfylkingar frá hagsmunagengjunum sem hafa tröllriðið íslensku samfélagi.

Það er orðið löngu tímabært að það fari fram tiltekt í íslenskum stjórnmálum.

Framsókn opnar bókhaldið

Athugasemdir

[Gestur Guðjónsson, 12.4.2009 kl. 19:41]

Það er jú búið að setja lög einmitt um þetta. Sem betur fer.

[Sigurjón Þórðarson, 12.4.2009 kl. 20:04]

Já sem betur fer Gestur - hlutirnir þurfa svo sannarlega að breytast.

Flokkarnir voru hálf barðir inn í þessar breytingar og þá sérstaklega Sjálfstæðisflokkurinn og nú sjáum við afhverju.  Það er merkilegt að þrýstingurinn á breytingar kom jú frá Frjálslynda flokknum og vel að merkja frá Evrópunefnd sem hafði eftirlit með spillingu.   Þetta mál á sér hliðstæðu þ.e. kvótamálin sem særir réttlætiskennd þjóðarinnar.

Ég tel rétt að almenningur spyrji hvort að flokkar sem ekki geta rekið sig og eru reknir á leynilegum greiðslum um árabil séu þess umkomnir að taka að sér stjórn samfélagsins.

Það er umhugsunarefni að hvernig fjármál flokkanna líta út í dag þrátt fyrir gríðarlegt mútufé auk opinberra fjárframlaga

[Gestur Guðjónsson, 12.4.2009 kl. 20:40]

Þessi lög verða stjórnmálunum vonandi sú aflúsun sem þeim var ætlað að vera.

Þú verður samt að vera sanngjarn gagnvart skuldum Samfylkingar og Framsóknar.

Samfylking tók yfir skuldir Alþýðubandalagsins og Alþýðuflokksins, sem höfðu staðið í dýrri útgáfu Þjóðviljans og Alþýðublaðsins og Framsókn hefur verið að burðast með skuldir frá útgáfu Tímans og NT. Íhaldið þurfti hins vegar ekki að borga slíka útgáfu, með sinn Mogga, sem fékk skuldir sínar afskrifaðar og var afhentur Sjálfstæðismönnum á ný nú um daginn

[Gestur Guðjónsson, 12.4.2009 kl. 20:41]

VG hafa hins vegar ekki þurft að eiga við slíkar skuldir, þar sem þær urðu eftir í Samfylkingunni, meðan Hjörleifur og Steingrímur tóku megnið af félagatalinu yfir í skuldlaust VG.

[Salvör Kristjana Gissurardóttir, 12.4.2009 kl. 20:43]

Er 5 milljóna styrkur risastyrkur? Ég veitt að frjálslyndi flokkurinn hefur skroppið saman en hefur ekki kostnaðarvitund ykkar líka skroppið saman?   Minni þig á að stjórnendur í bankadæminu eins og maðurinn hennar Þorgerðar Katrínar voru með tugi milljóna MÁNAÐARTEKJUR.

Voruð það ekki líka þið (er annars Ólafur  Magnússon í frjálslynda flokknum eða er hann eyland?) sem kölluðum mótttöku Óskars Bergssonar þegar hann  var með fund fyrir sveitarstjórnarmenn Framsóknar utan af landi til að sannfæra þá um  að Reykjavík væri ekki ein rjúkandi rúst lengur, Framsókn væri að krafti farin að taka til eftir Villa-rei ævintýrið og Ólafar Magnússonar flippið og það væri ekki lengur ga-ga borgarstjórn í Reykjavík.  Þessi móttaka kostaði 91 þúsund. Verða fundir og móttökur sem eru eðlilegur þáttur í starfi höfuðborgar til að kynna málefni sjálfkrafa að spillingu ef Framsókn stendur að þeim? Verða smápeningastyrkir sjálfkrafa að "risastyrkir" ef Framsókn tekur við þeim?

[Arnór Valdimarsson (IP-tala skráð) 12.4.2009 kl. 22:07]

Það er 100% eðlileg krafa eftir það böl sem stjórnarflokkar síðustu ára hafa komið okkur í, að bókhald allra flokka verði opnað fram fyrir kvótagjöfina. Þar magnaðist sukkið mest og svínaríið. Og trúnaður hvarf.  Sá flokkur sem hefur eitthvað á móti því, eftir alt sem á undan er gengið. Hlítur að vera að fela eitthvað og ætti að ransakast sérstaklega.

Og engin sátt verður hér á landi fyrr en kvótinn sem og aðrar auðlindir verða komnar, óframseljanlegar í eigu þjóðarinnar, bundnar í Stjórnarskrá.

[Sigurjón Þórðarson, 12.4.2009 kl. 22:51]

Salvör, ekki veit ég hvort að það sé Framsóknarflokknum til framdráttar að gera gys að kostnaðarvitund Frjálslynda flokksins en það er nú svo að við höfum oftar en ekki haft rétt fyrir okkur s.s. hvað varðar spillingarleynd stjórnmálaflokkanna, kvótakerfið og verðtrygginguna.

Þessi viðmið sem þú dregur fram til að réttlæta ruglið í Framsókn þ.e. laun stjórnananda þeirra sem settu landið á hausinn heyra vonandi sögunni til.

[BB (IP-tala skráð) 13.4.2009 kl. 20:29]

Sigurjón, mundu að það er ekki ráðlegt að kasta steinum úr glerhúsi.

[Sigurjón Þórðarson, 13.4.2009 kl. 21:18]

BB, sannleikurinn gerir fjórflokkinn frjálsan og allt upp á borðið hananú.