Bjarni treystir á þvottamaskínuna

 Ég sá glefsur úr kjördæmaþætti kvöldsins þar sem fulltrúi Frjálslynda flokksins vakti m.a. verðskuldaða athygli á því að fyrir tveimur árum vöruðum við af römmu afli við verðtryggingunni sem allir sjá núna að er voði heimilanna.

 Nýbakaður formaður Sjálfstæðisflokksins var aldeilis ekki á skotskónum þótt hann hafi reynt hvað hann gat að sannfæra áhorfendur um að kvótakerfið hefði skilað gríðarlegri hagræðingu. Maðurinn virðist ekki vita að verðmæti sjávarfangs hafi staðið í stað eða dregist saman á síðustu árum á meðan skuldir hafa margfaldast. Sömuleiðis lítur hann algjörlega framhjá þeirri staðreynd að kvótakerfið brýtur í bága við álit mannréttindanefndar Sameinuðu þjóðanna og að stjórnvöld eru siðferðilega skuldbundin til að breyta kerfinu í átt til réttlætis. Í breytingunum felast líka tækifæri til að gera betur. Allt þetta veit Bjarni Benediktsson en hann heldur öðru blákalt fram, ekki vegna þess að hann trúi því heldur vegna þess að hann treystir því að áróðursmaskínan haldi áfram að draga upp falska mynd af ástandinu.

Skilað til lögaðila

Athugasemdir

[Sjóveikur, 8.4.2009 kl. 23:45]

http://www.youtube.com/watch?v=48WYPBJxECA

nú fer að líða að því að framhaldssagan um Grínarann góða og Geira harða byrji, Geiri sjálfur ætlar að hilma yfir alla félagana í Sjálfstæðis mafíunni, það er eiginlega kominn tími til að steypa undan “Haukunum” almennilega og frysta alla tilganga sem fólk viðloðandi þessa mafíu síðustu árin eða frá 17 Júní 1944 og þangað til nú hafa, það eru fleiri með í skírlífis veislunni, oj hvað þetta getur orðið ljótt allt saman, Geiri karlinn harði vill að við trúum því að allar þessar milljónir hafi verið án vitundar og ábyrgðar annara í flokknum, þvílíkur jaxl Geiri harði er, (enda frændi minn)  svo les maður svona fréttir, ég fékk bara slummuna beint í augað   það eru svo mörg glæpaferli í gangi á Ísalandi það kemur að því karlinn

Æl, sjoveikur / www.icelandicfury.com

[lydur arnason (IP-tala skráð) 9.4.2009 kl. 03:12]

Sæll, Sigurjón.  Frjálslyndir verða að hamra á þeirri ósanngirni að atvinnuréttur sé orðinn að viðvarandi eignarétti og arfbundinn.   Vitleysan um bætur borgaðar handhöfum veiðiheimilda er auðvelt að hrekja með því að benda á íbúa þeirra fjölmörgu byggðarlaga sem gjaldfallið hafa vegna kvótaframsalsins og það bótalaust.

Kveðja, LÁ 

[Sigurjón Þórðarson, 9.4.2009 kl. 09:39]

Það er rétt Lýður.  Það er undarlegt að það þurfi að standa í langri baráttu fyrir þessu máli þar sem það særir réttlætiskennd þorra fólks.

[Hannes Ingi Guðmundsson (IP-tala skráð) 9.4.2009 kl. 11:23]

Þessi yfirlýsing hefur verið send til allra alþingismanna, fulltrúa launþega, grasrótarhópa og fjölmiðla.

Ágæti félagi.

Meðfylgjandi er yfirlýsing um skuldir Íslands eftir hrunið sem stjórnvöld, að tillögu AGS, ætla að láta landsmenn borga. Einnig eru meðfylgjandi tenglar á greinar og viðtöl við Michael Hudson og John Perkins (Confessions of an Economic Hitman).

Áríðandi er að þessi skilaboð komist til sem flestra og biðjum við þig að dreifa þeim til allra sem þú getur.

Skuldir Íslands og Íslendinga.
Er stjórnvöldum treystandi?

Nýlega fram komnar upplýsingar frá tveimur erlendum hagfræðingum, Michael Hudson og John Perkins benda til þess að íslensk stjórnvöld séu hugsanlega á algerlega rangri leið með þjóðina, leið sem muni hneppa íslendinga í skuldafen um langa framtíð. Báðir halda því hiklaust fram að í slíku skuldafeni munu fyrr eða síðar eignir þjóðarinnar s.s. auðlindirnar, atvinnutækin og stoðkerfi eins og samgöngumannvirki og veitustofnanir, verða seld erlendum fyrirtækjum sem leið út úr vandanum. Þetta segja þeir alþekkt.

Framsaga þeirra beggja í Silfri Egils s.l. sunnudag og á fundum í Háskóla Íslands og á Grand Hóteli á mánudaginn hefur vakið mikla athygli en jafnframt sætt nánast algerri þöggun í stjórnkerfinu og mörgum helstu fréttamiðlunum s.s. RÚV –sjónvarpi og útvarpi og Morgunblaðinu.

Ljóst virðist að Ísland stendur á barmi þjóðargjaldþrots og að skuldir af völdum bankahruns og efnahags óstjórnar eru sennilega meiri en hægt er að ráða við.

Ekki fæst staðfest hversu háar skuldir þjóðarinnar eru, en stjórnvöld halda samt áfram með stöðugar yfirlýsingar um að fær leið sé út úr skuldafeninu með hefðbundum tekjustreymis aðferðum ríkissjóðs, s.s. skattahækkunum og stórfelldum niðurskurði útgjalda.

Kominn er tími til að stjórnvöld geri þjóðinni nákvæmlega grein fyrir hverjar skuldirnar eru, en hegði sér ekki eins og fyrrverandi ríkisstjórn sem hélt mikilvægum upplýsingum um væntanlegt hrun leyndum fyrir þjóðinni.

Hér er á ferðinni mál sem skiptir alla íslendinga gríðarlegu máli, mál sem heggur að grundvallar lífsskilyrðum okkar, barna okkar og jafnvel barna-barna þar sem vegferð stjórnvalda virðist vera sú að skera samfélagsáttmála þjóðarinnar í ræmur sem aldrei verður aftur byggt á.

Bæði Hudson og Perkins hafa bent á að aðferðir AGS, þær sömu og íslensk stjórnvöld hafa gengist undir, hafa valdið stórkostlegum skaða til áratuga í þeim löndum sem þeim hefur verið beitt. Á hinn bóginn hefur þeim löndum sem hafnað hafi meðulum AGS jafnan vegnað mun betur og þau verið fljótari að rétta úr kútnum eftir áföll.

Hagsmunir almennings hljóta að krefjast þess að samstarfið við AGS verði endurskoðað og að leitað verði annarra leiða út úr skuldafeninu. Gleymum því ekki að það var ekki almenningur sem stofnaði til þessara skulda heldur örfáir fjárglæframenn í samvinnu við vanhæfa ríkisstjórn og stjórnsýslu.

Það er krafa okkar að það verði fjallað ítarlega um þetta mál í fjölmiðlum
og á Alþingi.

Við skrifuðum ekki upp á skuldir auðmanna, og við eigum ekki að borga þær.

Borgarahreyfingin – þjóðin á þing, 8. apríl 2009.

[Jóhann Ólafsson, 9.4.2009 kl. 15:10]

Sæll Sigurjón.

Það er aldeilis upp á þér typpið ídag. Þú ert líklega búinn að jafna þig eftir skelfilega frammistöðu í sjónvarpinu á mánudaginn. Ég háflpartinn vorkenndi þér þegar Þóra spyrill pakkaði þér saman.

[Sigurjón Þórðarson, 10.4.2009 kl. 02:10]

Ég þakka Jóhanni hlýan hug í minn garð.

[Hannes Ingi Guðmundsson (IP-tala skráð) 10.4.2009 kl. 11:49]

Sigurjón, þú stóðst þig vel í sjónvarpinu. Hélst stóískri ró sem allir hefðu ekki gert í þínum sporum. Þessi spyrill, Þóra var sjálfri sér til skammar í sjónvarpinu og ekki hæf sem spyrill. Í einu orði sagt þá fannst mér hún dónaleg og jafnvel hlutdræg. Sjónvarpið ætti að sjá sér sóma í þig að láta hana biðja opinberlega afsökunar á framkomu sinni gagnvart þér og ef ekki þá að láta hana fara.

[Ásgerður Jóna Flosadóttir, 11.4.2009 kl. 15:23]

Sæll Sigurjón, hún Guðrún María stóð sig líka frábærlega fyrir Lýðræðishreyfinguna, fannst þér það ekki?