Er Ísland endanlega fokking fokkd?

Fréttir herma að helstu hugmyndafræðingar og ráðgjafar nýju ríkisstjórnarinnar séu helstu klappstýrur útrásarinnar, þeir fyrrum vinnufélagarnir Ragnar Árnason og Ásgeir Jónsson, hagfræðingur og forstöðumaður greiningardeildar Kaupþings. Ekki þarf að fjölyrða um að spádómar Ásgeirs um auðlegð og ævintýr íslensku þjóðinni til handa hafa ekki gengið eftir og hið sama má segja um dellureikninga Ragnars Árnasonar um gríðarlega hagræðingu og hagsæld sem fylgdi íslenska kvótakerfinu.

Ragnar Árnason játaði nýlega í grein að íslenska kvótakerfið hefði verið forsenda útrásarinnar. Núna er það almennt viðurkennt að kerfið hafi verið upphaf þeirrar gríðarlegu fjármálabólu sem engin innistæða var fyrir og hafi verið upphafið að því hruni íslenska fjármálakerfisins sem þjóðin er lent í.

Þegar maður horfir fram á að ráð þessara manna ráði för þeirra sem ætla að taka við af vonlausri ríkisstjórn Sjálfstæðisflokks og Samfylkingar koma hin fleygu orð upp í hugann: Ísland er helvítis fokking fokkd. Ekki síst þegar maður rifjar upp að um mitt sumar 2007 lagði Ragnar Árnason til að þorskveiðum yrði hætt í þrjú ár vegna þess að efnahagslífið væri í svo miklum blóma!

Telur forsendur fyrir stjórn

Athugasemdir

[Guðrún Hlín (IP-tala skráð) 30.1.2009 kl. 22:48]

Hver vill búa í svona LANDI?

[Einar Áskelsson (IP-tala skráð) 30.1.2009 kl. 22:55]

Kannski þess vegna sem Framsókn vill kíkja betur á áætlun þeirra um aðgerðir til bjargar heimilum og atvinnulífi? Held að fyrirsögnin á fréttini sé röng.  Sigmundur er að tala um forsendur Framsóknar fyrir stjórn. Sem hugnast ekki VG eða Samfó.

[Sigurjón Þórðarson, 30.1.2009 kl. 22:59]

Einar, Ragnar Árnason er helsti ráðgjafi Sigmundar.

[Gestur Guðjónsson, 30.1.2009 kl. 23:24]

Sigurjón, gleymir þú að Sigmundur er sjálfur hagfræðingur og ég tel hann vel færan að greina stóru drættina sjálfur, þótt sýn hinna ýmsu manna dýpki og bæti auðvitað heildarmyndina?

[Guðrún Hlín (IP-tala skráð) 30.1.2009 kl. 23:26]

Forsenda endurreisnar er að við losum okkur við þessa spillingu.Við þurfum að losa okkur við öll þau snýkjudýr sem hafa gert Ísland það óréttlæti sem við ætlum ekki að búa við. Nú eru FJÖLSKYLDUR að sökkva æ dýpra í skuldafen.

[Julius kristjansson (IP-tala skráð) 30.1.2009 kl. 23:36]

Það eru þessir svokölluðu hagfræðingar sem eru búnir að koma Íslandi og Íslendingum langleiðina til andskotans,erum við svo hrikalega vitlaus ir að ætla að láta þá klára dæmið..Mér skilst að það sé enn verið að útskrifa svona fyrirbæri úr háskólum hér.Kann einhver söguna af trúboði þirra félaga Ragnars og Hannesar til S Afríku um árið,og afleiðinga af því trúboði.

[Guðrún Hlín (IP-tala skráð) 31.1.2009 kl. 00:14]

Sigmundur er bara að þvælast fyrir.Hann áttar sig ekki á hvernig við munum bregðast við ef Framsóknarflokkurinn er svíkja Þjóðina um gefið LOFORÐ.

[Anna Benkovic Mikaelsdóttir, 31.1.2009 kl. 00:32]

þessi örflokkur ætlar að taka landið í gíslingu.

[Júlíus Stígur Stephensen (IP-tala skráð) 31.1.2009 kl. 01:16]

Vegna illsku þíns flokks í garð útlendinga er ekki hægt að taka mark á þér kæri vinur.

[Sigurjón Þórðarson, 31.1.2009 kl. 10:22]

Júlíus Stígur, þú ættir að kynna þér málin betur en það er þó nokkrir meðlimir í Frjálslynda flokknum sem eru af erlendum uppruna.

[Sigurjón Þórðarson, 31.1.2009 kl. 10:27]

Gestur, það lofar ekki góðu að dýpka myndina með þeim sem að eru hugmyndafræðingar bólunnar sem hratt þessu af stað.

Ég er sammála Guðrúnu Hlíln að forsenda þess að koma okkur út úr stöðunni er að hreinsa út spillinguna.

Það er rétt Júlíus það vantar bara Hannes Hólmstein í þennan hóp til þess að hægt sé  að klára dæmið..

[Res (IP-tala skráð) 31.1.2009 kl. 11:51]

Það er til máltæki sem segir ,,brennt barn forðast eldinn,, þessir menn gera örugglega ekki sömu mistökin aftur,,batnandi mönnum er best að lifa......k.v

[Gestur Guðjónsson, 31.1.2009 kl. 13:05]

Þótt sjónarmið þeirra komi fram þýðir það ekki að þeirra sjónarmið verði ofaná. Þröngsýn jákór eru vinnubrögð fortíðar sem ekki hafa reynst vel

[Víðir Benediktsson, 31.1.2009 kl. 14:18]

Það er ekki int traustvekjandi að sjá ragnar Árnason þarna innan dyra. Hélt að hann væri rúin öllu trausti vegna arfavitlausra hugmynda í genum tíðina.

[Gerður Pálma, 31.1.2009 kl. 14:28]

Ef Ísland á ad rísa upp úr oskunni verdum vid ad koma okkur undan eldinum sem vid erum ad brenna í og er ad eyda orku og anda landsmanna.

THAD VERDUR AD STOFNA NÝTT LÝDVELDI byggt á heilbrigdum grunni og sjálfraedi landsmanna, med kosningu til stjórnar landsins á naestu mánudum eru dagar okkar sem sjálfstaedrar thjódar taldir, sama súpa í somu skál.  Ef sama kerfi vidhelst tha verdur ekki spurnig heldur naudsyn af afhenda landid efnahagsbandalaginu, thar sem af tvennu hrodalegu er thad betri kostur en spillingarkerfi íslensku stjórnmálaflokkanna thar sem allri heidarlegri vidleitni til virdingar og uppbyggingar í landinu er afneitad.

[Vilborg Traustadóttir, 31.1.2009 kl. 15:48]

Hrelvítis fokking fokk!!!

Það er ekki á góðu von...væri ekki betra ef Frjálslyndir, Framsókn og Sjálfstæðisflokkur mynduðpu meirihlutastjórn.

Þá yrðu hvalveiðar alla vega ekki blásnar af?

Nytt lýðveldi, ég styð það.

[Svanur Gísli Þorkelsson, 31.1.2009 kl. 19:08]

Er ekki nokk sama hvaða hagfræðingar ráðleggja, þeir hafa allir lært það sama.

Lygin sem nýfrjálshyggjan byggist á er a hægt sé að reikna sér eign umfram það sem fyrir hendi er og geta verðlagt hana sjálfur. Í því liggur stærsti  hlutinn af falskri verðmætasköpun í landinu og því því liggur svikamilla "útrásarvíkinganna" sem gátu reitt fram tryggingar á þessum forsendum og þar sem engin raunverulegar eignir lágu að baki.

Að eiga búðarkassa einn og sér er kannski ekki mikils virði. Að eiga búðarborð og búðarkassa er skárra. En að leggja þetta saman og segja virði þess tvöfalt miðað við upphaflegt kaupverð og að af því að þú sért svo góður kaupmaður þá eigi bankinn að lána þér þrefalt eða fjórfalt andvirði þessa.

Eftir að bankinn hefur lánað stingur þú af með summuna til útlanda til að leika þar sama leikinn. Og þannig kemstu á Forbes-listann. Þetta eru "dauðu peningarnir" hans Hannesar Hólmsteins sem svona fengu líf. Og sama dæmið má heimfæra upp á sjávarútveginn líka.

[Atli Hermannsson., 31.1.2009 kl. 22:41]

Sigurjón. Mér brá líka heldur í brún er ég sá Ragnar Árnason sniglast í kringum frammarana. Ég man fyrst eftir Ragnari er hann ásamt nokkrum öðrum (sérvöldum af LÍÚ) sendu frá sér skýrslu um ágæti og árangurinn af kvótakerfinu. Eftir þrotlausa útreikninga og yfirlegu komust þeir að því að framleiðni hafði aukist í greininni á ákveðnu tímabili um 91.44%. Á þessu sama tímabili minnir mig að aflaheimildir í þorski hafi minnkað frá því að hafa verið 380 þúsund tonn í 165 þúsund - en það skipti eðlilega minna máli.