Esikíel yrkir og Frjálslyndir í Skagafirði álykta

Ályktunin er sem hér segir:

Frjálslyndir í Skagafirði furða sig á því að sveitarstjórn Skagafjarðar skuli ekki beita sér fyrir því að ríkisstjórnin virði undanbragðalaust álit Mannréttindanefndar Sameinuðu þjóðanna, þannig að stjórnvöld hætti að brjóta mannréttindi á skagfirskum sjómönnum. Við það myndi aukið líf færast í hafnir og atvinnulíf Skagafjarðar. Með þögninni er meirihluti sveitarstjórnar Samfylkingar og Framsóknar að leggja blessun sína yfir áframhaldandi mannréttindabrotum.

Á fundi Frjálslyndra í Skagafirði orti Esikíel þessa vísu um tilefni þotuflugs Rúnu og Geira.

Haarde sprangar hraustur, snar

hristir vanga skrínin, 

Rúnu langar eflaust að

undurganga fýrinn.

Athugasemdir

[Kristján Pétursson, 2.4.2008 kl. 23:21]

Góð ályktun hjá Frjálslyndum í Skagafirði.

[Guðrún María Óskarsdóttir., 3.4.2008 kl. 00:34]

Sæll Sigurjón.

Tek heilshugar undir þessa ályktun félaga í Skagafirði og vísan er alveg gullmoli.

kv.gmaria.

[Guðrún Þóra Hjaltadóttir, 3.4.2008 kl. 10:39]

Þið standið ykkur vel í Skagafirðinum Sigurjón, það má ekki gera ekki neitt.

Góð ályktun hjá Frjálslyndum.

[Sigurður Þórðarson, 3.4.2008 kl. 13:02]

Gott mál hjá baráttuglöðum frjálslyndum í Skagafirði