Haraldur Árnason ætlar á sjó

Í kvöld hringdi í mig Siglfirðingurinn Haraldur Árnason og tjáði mér að hann væri staðráðinn í að halda til hafs á næstu dögum til þess að láta á það reyna hvort stjórnvöld virtu mannréttindi og leyfðu honum að nytja fjörðinn sinn. 

 

Haraldur komst í fréttirnar fyrir nokkrum árum í kjölfar þess að hann lagði nokkur rauðsprettunet á gúmmíbát á Siglufirði en þá var Halli um áttrætt. Þegar Halli var að koma í land með netin og örfáar rauðsprettur mættu honum lögreglumenn sem gáfu skýrt til kynna að ef hann héldi áfram uppteknum „ólöglegum“ netaveiðum yrði hann kærður, sem hefði það í för með sér að hann yrði sektaður upp á mörg hundruð þúsund og að afli og veiðarfæri yrðu gerð upptæk.

Nú er Haraldur hálfníræður og staðráðinn í að láta reyna á hvort hann fái að ná sér í sprettu í soðið eins og hann hafði gert um margra áratuga skeið en var stöðvaður af vörðum laganna í nafni landslaga sem nú hafa verið úrskurðuð af mannréttindanefnd SÞ óréttlát.

Það verður spennandi að fylgjast með því hvort Ingibjörg Sólrún og Geir Haarde muni enn á ný senda útsendara sína til þess að stöðva gamla manninn frá því að ná í soðið fyrir sig og sína.

Athugasemdir

[Óskar Þorkelsson, 12.1.2008 kl. 23:38]

Ég hef stungið upp á þessari lausn hér á þessari síðu þinni sigurjón fyrir ekki svo löngu.. kannski 2-3 mánuðir síðan.   Þegar umræðan um kvótaskerðinguna stóð sem hæst í haust. Þá stakk ég upp á að menn nýti sér þann rétt sem kveðið er á í Grágás að allir menn megi sér til matar veiða. Hreinlega fari á sjó og fiski með krókum..  Það er gaman að sjá að menn eru að vakna af dvalanum..

Þetta mun bjarga byggðum landsins.

[Óskar Helgi Helgason (IP-tala skráð) 13.1.2008 kl. 00:02]

Heill og sæll, Sigurjón !

Tek undir; með nafna. Heyr, fyrir gamla manninum.

Mbk., sem ætíð / Óskar H 

[Guðrún Jóna Gunnarsdóttir, 13.1.2008 kl. 00:08]

Flott hjá honum. Kjarkur í lagi og mörgum til eftirbreytni

Mér finnst að móttökunefnd eigi að taka á móti honum með pomp og prakt þegar hann lendar fyrsta aflannum og er ég þá ekki að meina lagana verði

[Sigurður Þórðarson, 13.1.2008 kl. 00:22]

Íslands hrafnistumenn!                                                                 Haraldur er hetja, sjómaður og dáðadrengur.

Ég vil ekki trúa því að íslenskir löggæslumenn láti hafa sig út í að fremja mannréttindabrot á gamla manninum og svíkja þannig sína huldumey.

Eitt veð ég að segja þér áður en ég dey                                           enda skalt þú börnum þínum segja sögu þá                                     sögðu mér dvergarnir í Suðurey                                                            sögðu mér það áfarnir í Norðurey                                                         sögðu mér það gullinmura og gleymmérei og gleymdu því ei               að hefnis þeim er svíkur sína huldumey                                                honum verður erfiður dauðinn.--                     

[Gunnlaugur B Ólafsson, 13.1.2008 kl. 00:30]

Flottur karl, mun hann ekki hafa einhverja háseta með sér ....?

[Steingrímur Helgason, 13.1.2008 kl. 00:38]

Rétturinn er klár & stjórnarskrárbundinn, þarf nú ekki að eltast við Grágásina í því.  Frekar spurníng um hvernig hann nýtir nú aflann.

Ég væri nefnilega alveg til í einn skarkola ...

[Jens Guð, 13.1.2008 kl. 01:08]

  Flottur karl,  hann Haraldur. 

[Steini Briem (IP-tala skráð) 13.1.2008 kl. 01:49]

Það er einmitt þetta sem þarf ef íslensk stjórnvöld láta sér ekki segjast fljótlega. Þá gæti þetta mál farið fyrir íslenska dómstóla, sem yrðu nú að taka tillit til álits Mannréttindanefndar Sameinuðu þjóðanna varðandi stjórn á fiskveiðum á Íslandsmiðum. Annars myndi Haraldur Árnason, og þess vegna mun fleiri, einnig geta kært sitt mál til Mannréttindanefndarinnar.

Hæstiréttur myndi aldrei láta slíkt viðgangast, hvort sem honum líkaði það betur eða verr. Hæstiréttur myndi því dæma kvótakerfið hér ólöglegt einn ganginn enn, þar sem það stæðist ekki alþjóðasamninga, því íslenskir dómstólar verða að taka tillit til alþjóðasamninga sem íslenska ríkið er aðili að, samkvæmt Stefáni Má Stefánssyni, lagaprófessor við Háskóla Íslands og okkar helsta sérfræðingi í þjóðarétti til margra áratuga.

[Linda, 13.1.2008 kl. 04:00]

Áfram Haraldur og áfram íslendingar, allir að veiða..! Ok þeir sem eiga bát.

[Haffi, 13.1.2008 kl. 09:21]

Áfram Halli Árna..

[Haffi, 13.1.2008 kl. 09:24]

..svo legg ég til að Halli Árna, verði tilnefndur til orðu frá forsetanum, Fálkaorðu fyrir framlag sitt til samfélagsins á Siglufirði.

[Georg Eiður Arnarson, 13.1.2008 kl. 11:40]

Áfram Halli .

[Árni Gunnarsson, 13.1.2008 kl. 12:01]

Þetta snýst ekki um neina andskotans Hrafnistumenn. Ef einhver mannræna hefði verið í okkur værum við fyrir löngu búnir, hundruðum eða þúsundum saman að gera það sem þessi hetja á níræðisaldri hefur ákveðið að gera.

Ætli það hefði ekki vafist fyrir stjórnvöldum að handtaka, sekta og fangelsa ca 2000 smábátasjómenn á einum og sama deginum?

En það er mannræna í þessum drengjum sem áfrýjuðu og það er mannræna í Nilla Ársæls og Valdimar Jóhannessyni og svo þessum gamla Siglfirðingi.

Við hinir látum berja okkur og skríðum á kjörstað með undirlægjusvipinn stimplaðann á smettið.

"Ég hef nú sjaldan verið barinn svona lítið" sagði Þjóðrekur biskup og var bara nokkuð sáttur.

Afsakið æsinginn.

[Guðrún Jóhannesdóttir, 13.1.2008 kl. 13:25]

Ætla bara að segja gleðilegt ár við þig Sigurjón minn og takk fyrir gömul kynni og góð

Bestu kveðjur frá Gunnu frá Hvammstanga (Gunnukaffi) 

[Árni Gunnarsson, 13.1.2008 kl. 15:24]

Ég bind dálitlar vonir við nokkra Samfylkingarþingmann inni á Alþingi og það er eins gott að stjórnarandstaðan  standi nú þétt saman og samræmi málflutninginn. Árni Páll kom bara vel út hjá Agli í dag og viðurkenndi niðurstöðu Mannréttindanefndarinnar.

Og ég var prýðiega sáttur við Grétar Mar. Aðalatriðið er samt að leiðrétta hlut strandbyggðanna tafarlaust með frjálsu aðgengi trillusjómanna enda eigi þeir lögheimili í byggðarlaginu og rói á eigin bátum.

Kvótinn sem menn seldu en áttu aldrei verði innkallaður á fáum árum og að lokum:

Öllum starfsmönnum Hafró og Fiskistofu verði sagt upp tafarlaust allt niður í skúringafólk og húsvörð og nýtt fólk ráðið í staðinn. Stjórn Hafró aftengd LÍÚ með lagasetningu og samskipti bönnuð, (símtöl hleruð í tvö ár það minnsta.) 

[Óskar Helgi Helgason (IP-tala skráð) 13.1.2008 kl. 16:06]

Komið þið sæl, að nýju !

Heyr; fyrir síðustu athugasemd Árna Gunnarssonar, sem og hinni fyrri !

Hins vegar, á ég eftir, að finna Grétar Mar í fjöru, fyrir fylgispektina við Haarde klíkuna, í þingskapa málinu, engin launung þar, gott fólk. Ég hafði mikið fyrir, að turna frændum mínum, nokkrum, Biskupstungna mönnum og Hrunamönnum, sem og nokkrum Rangæinga, til atfylgis við hinn mæta dreng, sjóhundinn úr Sandgerði, á liðnu vori. Þar með, eigum við sunnlenzkir nokkurn part, af skipstjóranum hugprúða, í okkar sálartetrum, hvað skoðist og afskaffist ei. 

Mbk., sem fyrr / Óskar Helgi Helgason 

[Kolgrima, 13.1.2008 kl. 17:24]

Ef kvótakerfið er mannréttindabrot, hvers konar fiskveiðistjórnun er þá ekki mannréttindabrot?

[Sigurður Þórðarson, 13.1.2008 kl. 17:38]

Kolgríma, spurningin er gölluð, því kvótakerfið er ekki fisvveiðistjórnarkerfi, enda ónothæft til slíks.

Tilgangurinn með kvótakerfinu var og er að geta veðsett óveiddan fisk, sem sést best á því að nýlega hafa vannýttar tegundir eins og skötuselur verið settar í kvóta.  

[Kolgrima, 13.1.2008 kl. 17:46]

Að sjálfsögðu er kvótakerfið fiskveiðistjórnunarkerfi, hvað svo sem mönnum finnst um þær forsendur sem liggja til grundvallar - en þú getur haft þína skoðun á því, mér að meinalausu.

Ég get vel umorðað og einfaldað spurninguna: hvaða fiskveiðistjórnun er ekki mannréttindabrot?

[Sigurður Þórðarson, 13.1.2008 kl. 18:12]

Mér þykir leitt að þú skulir halda að kvótakerfið sé fiskveiðstjórnunarkerfi, en skil það vel vegna þess að miklum fjármunum hefur verið varið til að halda því að fólki en ég vona að þetta mál verði til þess að þú og fleiri fari að kynna sér þessi mál. 

Gott og vel Kolgríma, þú spyrð að þessu þröngt og færð knappt svar: Fyrir tíma kvótakerfisins voru almennar reglur um fiskveiðistjórnun sem gilltu fyrir alla borgara landsins, það er auðvitað ekki mannréttindabrot. Ég þekki þetta vel sjálfur enda vann ég við að fylgja eftir reglum fyrir kvótakerfið.  Ég sendi þér eina grein til að byrja með en það er meira en sjálfsagt að benda þér á meira efni:

http://www.xf.is/Default.asp?sid_id=29731&tId=2&fre_id=56571&meira=1 

[Kolgrima, 13.1.2008 kl. 18:58]

Fann ekki svar við spurningu minni á slóðinni sem þú vísar á. 

[Halla Rut , 13.1.2008 kl. 19:03]

Ég segi bara "good luck" og ég stend með þér.

[Steini Briem (IP-tala skráð) 13.1.2008 kl. 19:29]

Hér er einn möguleiki, frú Kolgríma:

http://jensgud.blog.is/blog/jensgud/entry/411330/#comments

[Sigurður Þórðarson, 13.1.2008 kl. 20:08]

Kolgríma, þú ert svo gáfuleg á myndinni að ég hef þig grunaða um að þykast vera einfaldari en þú ert.  Þú varst að spyrja þrögnt um fiskveiðistjórnarkerfi sem ekki felast í mannréttindabrot.  Ég svaraði þér með eftirfarandi hætti: "Fyrir tíma kvótakerfisins voru almennar reglur um fiskveiðistjórnun sem gilltu fyrir alla borgara landsins"  Þar hefur þú það. 

[Ulla og Kalli / Sæborg ÞH - 55 (IP-tala skráð) 13.1.2008 kl. 20:10]

Til hamingju Ísland........

[Sigurður Þórðarson, 13.1.2008 kl. 20:19]

Þá er komið að mér að spyrja þig Kolgríma. Telur þú að ekki sé hægt að veiða fisk án þess að fremja mannréttidabrot?

[Halla Rut , 13.1.2008 kl. 20:45]

Fiskstjórnunarhverfi Færeyinga er dæmi um kerfi þar sem ekki eru framin mannréttindabrot.

[Júlíus Valsson, 13.1.2008 kl. 21:58]

Þetta líkar mér!
Áfram Halli Árna!

[Ásgeir Kristinn Lárusson, 13.1.2008 kl. 22:27]

Var einhver að tala um stjórnarslit - spái kosningum í október - í upphafi nýs fiskveiðiárs!

[Árni Gunnarsson, 14.1.2008 kl. 00:56]

Kolgríma!

Hin svonefndu fiskiþorp víðs vegar um land byggðust upp á nýtingu fiskimiðanna. þannig, öld fram af öld og kynslóð fram af kynslóð byggðust upp þessi smáu samfélög og fólkið sem þar lifði og dó kærði sig ekki um öðruvísi líf. Þeir sem höfðu aðrar væntingar til lífsins fluttu sig einfaldlega á brott og af því hafði svosem enginn áhyggjur.

En þarna reisti fólkið sér hús og byggði upp sitt samfélag með því sem til þurfti og sætti sig við að stundum fiskaðist vel og á öðrum tímum illa. Auðlind hafsins var lifibrauð þessa fólks, örlög og allt að því átrúnaður.

Einn góðan veðurdag er þessari auðlind byggðarlagsins ráðstafað til einhverra fyrirtækja og einstaklinga og gengur þar kaupum og sölum.

Þegar hann Bjössi í Guðrúnarbæ kemur heim úr Stýrimannaskólanum og ætlar að feta slóð forfeðra sinna, gerast útgerðarmaður á eigin báti kemst hann að því að til þess að sá draumur rætist verður hann að kaupa af einhverjum sægreifa heimild til að fiska. Og sú heimild kostar pr. 1 tonn af þorski 3 milljónir!

Þetta sér hann að getur ekki gengið og ákveður að selja íbúðarhúsið og flytjast í burtu. Þá er húsið óseljanlegt en í Reykjavík kostar hús af sömu stærð 50 milljónir!

Þetta kalla ég mannréttindabrot og margar, fjölmargar hliðar þessa máls sem ég hef ekki nennt að rekja flokka ég einnig undir gróf mannréttindabrot.

Mér er næst að halda að Mannréttindanefnd Sameinuðu þjóðanna hafi þennan sama skilning. Þetta er nefnilega ekki torskilið.

[Kolgrima, 14.1.2008 kl. 01:11]

Er ástand fiskistofna við Færeyjar betra en við Ísland?

[Kolgrima, 14.1.2008 kl. 01:41]

Siggi, ég er aðeins hér til að fræðast.

[Sigurður Þórðarson, 14.1.2008 kl. 08:14]

Kolgríma, komdu fagnandi! Varðandi spurningu þína er áreiðanlega best að vísa þér á heimasíðu Jóns Kristjánssonar fiskifræðings.  Þar er að finna tölulegar upplýsinar og samanburð á fiskveiðum Færeyinga og Íslendinga.  Eins er örruglega allt í lagi fyrir þig að hringja í Jón hann myndi örugglega taka þér ljúfmannlega.  

p.s. Stutta svarið við spurningunni er já.  Fiskimiðin við Ísland eru frá fornu fari margfallt auðugri en þau færeysku. Í Færeyum er heldur ekkert brottkast eins og kom fram í Kompásþáttunum í sumar. 

[Guðsteinn Haukur Barkarson, 14.1.2008 kl. 16:43]

Þessi maður er hreint og beint hetja!

[Halla Rut , 14.1.2008 kl. 17:54]

Sigurður hefði kannski átt að gefa upp síðuna hans Jóns en hér hún: http://www.mmedia.is/~jonkr/

[Ólafur Hannesson (IP-tala skráð) 14.1.2008 kl. 18:37]

Góðan daginn allir. ég vildi bara láta ykkur vita að Jafnréttindafélag Íslands verður stofnað í næstu viku.

Fyrsti fundurinn verður miðvikudagskvöldið 23. Janúar kl 20:00.

Nánari upplýsingar eru á síðunni minni.

[Sigurgeir Jónsson, 14.1.2008 kl. 20:39]

Þið, sem eruð grenjandi alla daga út af kvótakerfinu,mér sýnist það vera hátt í fjörutíu í dag hér á síðunni hjá Sigurjóni, þeim ágæta manni,þið ættuð aðskammast ykkar.Þið etjið hálf níræðum manni út í foraðið að gera það sem þið þorið ekki sjálf. Þið eigið að skammast ykkar.

[Sigurgeir Jónsson, 14.1.2008 kl. 20:51]

Ég legg til að Árni Gunnarsson sem ekki hefur sett neina útgerð á hausinn, fari með heiðurs og kjarkmanninum hálfníræða á sjó.Þeir gera þá mörgum sem yngri eru og eru á móti kvótakerfinu skömm til.En, Árni, Landsamband smábátaeigenda hefur á aðlfundi hafnað frjálsum handfæraveiðum. Það hefur líka lagt til að kvótakerfið verði fest í sessi.

[Árni Gunnarsson, 14.1.2008 kl. 23:01]

Þetta er ekki fráleit tillaga hjá þér Sigurgeir og vel gæti ég hugsað mér að verða háseti hjá heiðursmanninum á Siglufirði. Þetta mál verður hinsvegar ekki leyst með svo einföldu móti eins og við öll vitum. 

Það má koma hér fram að Landssamband smábátaeigenda er ekki helgur dómur í mínum huga. Þetta eru hagsmunasamtök tiltekins hóps í baráttunni um aðgengi að auðlindinni og álykta samkvæmt því. Hagsmunir þeirra byggja að nokkru á réttinum til framsals en það er aðalmeinsemdin í þessu kerfi. 

[Vilhjálmur Jónsson (IP-tala skráð) 15.1.2008 kl. 08:37]

Góðan dag:

Árni, má ég benda á að Landssamband smábátaeigenda er ekki samtök í eðlilegum skilningi þess orðs.

Enginn er spurður um vilja til aðildar og ef einhver á smábát sem fiskur er seldur af, þá er þeim sama kippt inn í LSS að honum forspurðum.

Í 74.gr stjórnarskrár segir að engan megi skylda til félagsaðildar, nema almannahagsmunir liggi við. Í tilfelli LSS hefur Umboðsmaður Alþingis reynt árum saman að leiðrétta þetta mannréttindabrot og bæði löggjafinn og LSS spyrnt við fótum.

með kveðju Vilhj

[Árni Gunnarsson, 15.1.2008 kl. 15:36]

Þakka ábendinguna Vilhjálmur þó hún breyti í engu afstöðu minni til þessa máls. Engu að síður finnst mér þetta Landssamband afar undarlegt fyrirbæri ef rétt er lýst.

Það sem fyrst og fremst misbýður mér er að hægt sé að banna fólkinu í sjávarbyggðunum að bjarga sér á eigin forsendum. 

[Þorsteinn Valur Baldvinsson, 16.1.2008 kl. 08:59]

Á Alþingi setja menn lög, séu þau ítrekað ekki virt í samfélaginu eru það ólög.

Stjórnvaldið hefur þá bara tvo kosti, framfylgja þeim eða breyta þeim.

Ekkert Þjóðríki getur framfylgt ólögum til langframa, og allar tilraunir til slíks munu skaða grunn undirstöðu allra ríkja.

Lagagrunnin sem byggt er á.

[Ólafur R. Sigurðsson skipstjóri (IP-tala skráð) 16.1.2008 kl. 20:42]

Sæll Sigurjón.

Þetta er í fyrsta sinn sem mér gefst kostur á að fara inn á síðuna þína.

Ég sé það að mönnum er tíðrætt um úrskurð Mannréttindastofnunar Sameinuðu þjóðanna að því tilefni langar mig að upplýsa eftirfarandi: Fjöldinn allur af íslenskum sjómönnum hafa haft samband við mig og ég við þá og hafa menn verið áhugasamir um að láta kanna rétt sinn til skaðabóta fyrir hliðstæð atvik og það sem úrskurðurinn á við.

Einnig er allstór hópur manna sem vill láta reyna á það að fara til veiða án kvóta og eru sumir mjög heitir í þá veru, ég hef hinsvegar hvatt menn til þess að bíða átekta og sjá hvað stjórnvöld aðhafast í málinu. Hinsvegar eru menn á fullu að undirbúa sig til athafna.

[Þorsteinn Valur Baldvinsson, 17.1.2008 kl. 08:29]

Í Fréttablaðinu þann 17. janúar 2008 er mjög góð grein eftir Þorvald Gylfason prófessor um málið.

[Sigurjón Þórðarson, 17.1.2008 kl. 11:32]

Sæll Óli það er ef til vill rétt að kanna enn einu sinni áður en gripið er til aðgerða hversu einbeittur brotavilji ráðamanna Samfylkingar og Sjálfstæðisflokks er.

Erlingur já það sætir mikilli furðu að verða vitni að miklum og einbeittum brotavilja.

Þorsteinn Valur: það er öruggt að þetta kerfi lætur undan nú.  Ekki veit ég hvernig Samfylkingin ætlar að halda andlitinu og halda áfram að láta dæma vinnandi fólk eftir ólögum.