Hæstaréttardómari götunnar

Fyrrverandi dómari við Hæstarétt Íslands hefur skrifað hverja níðgreinina af annarri um Ingu Sæland félagsmálaráðherra og gengið svo langt að saka hana ranglega um refsivert athæfi, þ.e. að hún hafi tekið styrk ríkisins til stjórnmálastarfs og notað hann til persónulegra þarfa.

 

Það furðulega er að Jón Steinar á að gera sér grein fyrir að saka fólk ranglega um alvarlegt refsivert athæfi án sönnunargagna er brot á hegningarlögum. Nú þegar orðið er ljóst að ýktur fréttaflutningur Moggans af formgalla vegna úthlutunar á styrkjum til stjórnmálastarfs og bulli um Flokkur fólksins séu ekki stjórnmálasamtök, var meira og minna alger della, þá líta þessi dómarastörf Jóns Steinars á götunni hryllilega illa út.

Það er svo að Jón Steinar fær um 30 milljónir á ári hverju sem fyrrverandi hæstaréttardómari og mun hann þiggja slík laun til æviloka án þess að leggja fram nokkurt vinnuframlag, en mér finnst sanngjarnt sem skattborgara að gera þá kröfu til fyrrverandi Hæstréttardómara að þeir séu ekki að ástunda lögbrot og grafa undan stjórnvöldum með röngum sakargiftum.

Þessi heift sem skín úr skrifum Jóns Steinars kemur á óvart þar sem Jón Steinar var lögmaður Flokks fólksins þegar flokkurinn fór í mál til þess að leiðrétta kjör öryrkja/eldri borgara. Ekki veit ég hvort síðareglur hæstaréttardómara né lögmanna ná utan um það þegar viðkomandi ræðst með óbilgjörnum hætti á fyrrum skjólstæðing sinn. Eflaust ná ekki neinar siðareglur yfir svo makalaust athæfi, þar sem fá fordæmi eru fyrir svo dæmalausri framkomu.

 

Nú þegar hann er gengin til liðs við dómstól götunnar til þess að verja sérhagsmuni nokkurra auðmanna þá ætti maðurinn að sjá sóma sinn í því að afsala sér ríkulegum eftirlaunun frá almenningi a.m.k. á meðan hann er að störfum á götunni.

 

Athugasemdir

[Óskar Helgi Helgason (IP-tala skráð) 31.1.2025 kl. 11:33]

Sæll Sigurjón; æfinlega !

Burt sjeð; frá viðhorfum Jóns Steinars Gunnlaugssonar lögmanns, hver má nú naga sín handarbök fyrir fylgispektina við Sjálfgræðisflokkinn lengst af, að þá væri ekki úr vegi Sigurjón að þú beittir þjer fyrir cirka 60 - 75% lækkun launa ykkar þingmanna sem allra fyrst - og lyftir þar með áliti alls almennings á þessarri tæplega 180 ára stofnun, talið frá endurreisn þingsins í Reykjavík - stofnun:: sem Friðrik VI.(1808 - 1839)  Danakonungur var búinn að hafa fyrir að afnema á Þingvöllum, skömmu fyrir aldamótin 1800.

Það er ósvinna Sigurjón; að þið þingmenn skuluð vera skýjunum ofar í launum gagnvart þvi fólki:: sem er að skapa raunverulegu verðmætin í landinu, til sjávar og sveita - og mætti það fólk vera mun nær ykkur þingmönnum í kjörum, væri allrar sanngirni gætt.

Jú; jú eldri borgarar og öryrkjar eru alls góðs maklegir, en ættu yngri borgarar (18 - 66 ára) og þeir yngstu (0 - 17 ára) að vera eitthvað skör neðar ?

Það bezta; sem liðssveit Flokks fólksins gæti nú tekið sjer fyrir hendur væri nú, að hefja rækilegan uppskurð á sukki hins opinbera - þar með töldum launum og öðrum fríðindum ykkar 63 þngmanna:: allra.

Svo; er EINBOÐIÐ, að þið verðið að standa í fæturna gagnvart vaxandi frekju og yfirgangi Sovjet- Evrópu (Evrópusambandsins) hvað varðar bókunar þvæluna nr. 35 svo og IIII. orkupakka fjandann, sem hanga í gættinni, hjá þinginu ! ! !

Með beztu kveðjum; sem oftar, af Suðurlandi /