Stöðugleiki og tækifæri Bjarna Ben

Það er ekki mikil eftirsjá í þessari ríkisstjórn sem nú er að fara frá völdum fyrir íslenskan almenning.  Öðru máli gegnir um launaðan her aðstoðarmanna, almannatengla, auglýsingastofur og nefndir "sérfræðinga" sem hafa getið af sér gagnslausar afurðir á borð við söluráðgjöfina dæmalausu á Íslandsbanka, svikaleikrit Svandísar Svavars "Auðlindin okkar" og Hvassahraunsskýrslu Sigurðar Inga.

 

Sjálfstæðisflokkurinn hefur verið með lykilinn að efnahags- og útlendingamálum og skilar nú af sér eftirfarandi "árangri":

1) Stöðugum hallarekstri ríkissjóðs.

2) Stöðugri verðbólgu allt kjörtímabilið.

3) Stöðugri kreppu á húsnæðismarkaði.

4) Stöðugum innflutningi á hælisleitendum.

5) Stöðugri kyrrstöðu í orkumálum.

6) Stöðugum flutningi fjármagns frá almenningi til auðmanna.

 

Ekki ætla ég að fjölyrða um afrek Framsóknar en þau þekkja landsmennum af hrakandi lesskilningi, heilbrigðiskerfinu og versta vegakerfi í Evrópu. Helsta framlag Vg eru jú kynlausu klósetin sem Guðlaugur Þór vinnur nú samviskusamlega við að byggja upp.

Flokkur fólksins mun bjóða kjósendum upp á breytta stefnu þar sem hætt verði bruðli og tekið mið að hag almennings en ekki fámennrar hirðar í kringum stjórnmálaelítuna.

 

Athugasemdir

[Helga Dögg Sverrisdóttir (IP-tala skráð) 13.10.2024 kl. 21:37]

Vonandi detta Vinstri grænir af þingi nú og láta aldrei sjá sig aftur. Síðan þarf að þurrka flokkinn út úr öllum sveitarstjórnum. 

Verður forvitnilegt að fylgjast með hvaða fólk verður á listum flokkanna, skammur fyrirvari en fyrir vana menn er þetta lítið verk. 

Menntamálaráðherra losnar þjóðin við. Passa verður upp á að sá sem velst til starfans sé hæfur. Farsældarlögin þarf að endurskoða það eru göt í þeim sem geta valdið fjölskyldum mikið tjón.