Óskað eftir mildi í klósetmálum

Merkasti stjórnmálamaður landsins skrifaði víðlesna grein undir fyrirsögninni "Ég neita að pissa standandi."

Í greininni fjallar hún um mikinn metnað ráðherra Sjálfstæðisflokksins í klósetmálum sem birtist í glænýrri hollustuháttarreglugerð.

Í stuttu máli þá fela breytingarnar í sér að

Annað hvort þá þarf:

a) að hafa snyrtingar á veitingastöðum og opinberum stöðum rétt eins og í Alþingishúsinu, opin fyrir bæði kynin.

b) eða þá að bæta við kynlausri snyrtingu.

Nú starfa ég alla jafna við heilbrigðiseftirlit og skoða hundruð snyrtinga á hverju ári og sé það í hendi mér að breytingin muni leiða til bæði mikils kostnaðar og óhagræðis vítt og breitt um landið.

Það á á ekki síst við um minni félagsheimili t.d. í Hegranesi í Skagafirði og minni vínveitingahús vítt og breitt um landið

Ég hef tekið málið upp nokkrum sinnum við núverandi umhverfisráðherra án nokkurs árangurs og tók því til þess ráðs sem varaþingmaður Flokks fólksins að leita eftir liðsinni forseta þingsins í málinu. Til þess að fá ráðherra til þess að sýna minni rekstraraðilum mildi í klósetmálum.

Það er nefnilega svo að snyrtingarnar  í Alþingishúsinu eru ekki í samræmi við nýja reglugerð og það er fyrirséð að þingið þurfi að fara í talsverðan kostnað til að mæta metnaði ráðherra.

Ef vilji væri til þá væri hægt að gera það með því að láta nýtt ákvæði um snyrtingar gilda um nýja starfsemi eða gefa rekstraraðilum rúman tímafrest til þess að ljúka úrbótum.

Þessi tregða Guðlaugs Þórs umhverfisráðherra kemur á óvart þar sem honum er tíðrætt um gullhúðun, en samt er hann illfáanlegur til þess að breyta þessu og öðru sem snýr að minni fyrirtækjum.  

Það sem er sárast við þessa þrjósku er að hún getur snúist upp í neikvæðni í garð þess fámenna hóps sem reglugerðinni er ætlað að standa vörð um. 

Athugasemdir

[Dominus Sanctus., 26.9.2024 kl. 11:29]

Það er greinilega komin þörf fyrir KRISTILEGAN FLOKK á alþingi;

sem að væri tilbúin að sporna gegn

öllum þessum kynjaruglingi hjá alþingi.

[Bjarni (IP-tala skráð) 26.9.2024 kl. 20:43]

"Merkasti stjórnmálamaður landsins" Er hún það þegar hún grenjar í beinni í sjónvarpinu, þegar hún rekur þingmenn úr flokknum án samráðs við aðra flokksmenn eða þegar hún lýgur því að klósettsetur á unisex klósettum séu útmígnar.

Ekki eru kröfurnar miklar á þessum bæ.

[Helga Dögg Sverrisdóttir (IP-tala skráð) 26.9.2024 kl. 22:05]

Með því að taka merkingar af klósettum þá er farið eftir reglugerðinni. Eða setja merki beggja kynja á hurðina. Bæði kyn mega nota þau klósett. Var illilega minnt á af hverju konur vilja ekki karlmenn inn á klósettin í Vilnius á dögunum, illa lyktandi og þvag á klósettsetum. Ekki hægt að setjast á setuna. 

Gera á allt til þess að afturkalla þessi lög sem og lög um kynrænt sjálfræði.

[Bjarni (IP-tala skráð) 26.9.2024 kl. 23:08]

Þessi stöðuga lygaþvæla kvenna um sóðaleg karlasalerni er orðin meira en þreytt, heldur orðinn hatursáróður.  Það eru flest almenningssalerni sem ég nota eru kynjaskipt.  Þar á meðal vinnustaður með meiri en 200 starfsmenn, world class Laugum með hundruði notenda á hverjum degi og það heyrir til undantekninga að umgengni um karlasalerni sé annað en til fyrirmyndar.

Þessi eitraða kvennmenska sem gengur út á að upphefja sig sjálfar á kostnað karla er sjúkleg ásækni í að upplifa sig sem fórnarlamb og sækjast í samúð, og þá skiptir ekki máli hvaða meðölum er beitt. Merkilegt annars hversu margar konur hafa reynslu af karlasalernum, er þær á staðnum til að létta á sér eða í skoðanaferð?

Man vel eftir því á skemmtistöðum ásækni kvenna í karlasalernin, ekki til að létta á sér heldur til að skoð þvagskálarnar.  Þetta er ekki metoo saga, þetta er fuck you to saga.

[Sigurjón Þórðarson, 27.9.2024 kl. 17:29]

Helga Dögg svona vegna þess að við erum sammála hvað varðar kynjamálin og margt fleira, þá hef ég heyrt því fleygt að Inga Sæland sé með stærsta "punginn" á Alþingi.