Sjálfstæðisflokkurinn er skrýtin skrúfa

Um árabil hafa þingmenn Sjálfstæðisflokksins gengið með þá hugmynd að selja Landsvirkjun og eina alþjóðlega flugvöll landsmanna. Það er í sjálfu sér hálfklikkað að ætla að selja nánast eina hliðið inn og út úr landinu, en það er augljóst að nýr rekstraraðili, ekki ólíklega kínverskur mun ekki sæta neinni samkeppni að neinu tagi.

Einhliða umfjöllun Morgunblaðsins um ágæti einkavæðingar á Kastrup hleypur yfir þá hörðu gagnrýni sem kom upp í Danmörku þegar ljóst var að alþjóðlegu fjárfestarnir fluttu allan ágóða starfseminnar á Kastrup í skattaskjól á Bermúda. 

Varaformaður Sjálfstæðisflokksins sagðist nýlega vilja fara með flokkinn lengra til hægri og hefur þá eflaust átt við að setja enn meiri kraft í einkavæðingu Landsvirkjunar og fleiri innviða. Sjálfstæðisflokkurinn er skrýtin skrúfa en á meðan hann segist vilji fara til hægri og auka samkeppni, þá festir hann í lög að leyfilegt sé að koma upp einokun í úrvinnslu kjötafurða og sér ekkert athugavert við ríkisverðlagningu á fiski sem er langt undir markaðsvirði. 

Einkavæða alþjóðaflugvelli

Athugasemdir

[Júlíus Valsson, 12.8.2024 kl. 11:37]

Pólitískir sálfræðinga myndu eflaust greina Sjálfstæðisflokkinn með málefnalegan geðklofa. Fylgið hrynur enda er ekki hlustað á flokksmenn enda er forysta flokksins í einhvers konar geðrofi sem veldur því að hún hamast við að framselja fullveldi þjóðarinnar til yfirþjóðlegs valds og rústa öllum innviðum landsins með glóbalisma og heimskulegum einkavæðingum þar sem engin samkeppni er til staðar. 

[Sigurður Þorsteinsson, 12.8.2024 kl. 21:21]

Sigurjón þú ert skrítin skrúfa. Fyrst veist þú ekkert um óvinsældir Matvælaeftirlitsins en þar sem ég hef í allnokkurn tíma unnið með bændum og matvælafyrirtækjum, þá vissi ég að óvinsældirnar eru að miklar að það væri ekki nokkurn möguleiki að þú vissir ekki um það nema að þú værir í engum tengslum við raunveruleikann. Auðvitað vissi ég að svo væri ekki þú ert bara svo hræddur um að staðan þín verði lögð niður að þú ert alveg til í það að ljúga ef það hentar þér. Ómerkilegur, ja það var það sem bændurnir og eigendur litlu matvælaframleiðslufyrirtækjanna sögðu. 

Nú tel ég mig fylgjast vel með í pólitík, er það sem Ólafur Ragnar skilgreindi hægri sinnaður jafnaðarmaður. Vil nýta fyrirtækin þar sem það er hægt og hagkvæmara fyrir samfélagið, en hugsa vel um þá sem minna mega sín. Það sem ég hef lesið eftir forystumenn Sjálfstæðisflokksins er einhvern tímann voru hugmyndir um að selja Keflavíkurflugvöll. Kaupendur yrðu þá lífeyrissjóðirnir. Mér skilst að það gangi bara vel á Kastrúp og sé slíka sölu ekkert stórmál. Hitt er Landsvirkjun. Þar komu líka hugmyndir um að selja lífeyrissjóðunum minnihluta. Það að þú haldir öðru fram, kemur svo sem ekkert á óvart. Þegar ég heyri menn ljúga, eins og þig, þá kemur ekkert á óvart að þú haldir afram að ljúga. Sérstaklega ef það gæti orðið til þess að þú hangir í starfinu. Þá skulum við koma að þer og Flokki fólksins. Há verðbólga hérlendis er fyrst og fremst vegna húsnæðisliðarins. Til þess að ná verðbólgunni niður þarf fyrst og fremst að bjóða upp á lægra lóðaverð og miklu fleiri lóðir og síðan að Seðlabankinn fylgi eftir sínu aðhaldi sínu undir stjórn Ásgeirs Jónssonar. Eina tillagan sem þetta aulalið ykkar kemur fram með er að láta segja Ágeiri Jónssyni upp st0rfum, sem yrði að sjálfsögðu vatn á millu íbúðabraskarana. Sem einnig myndi hækka leiguverð. Í rauninni eruð þið ekkert að vinna fyrir þá sem minnst mega sín, það er bara í munninum á hátíðisdögum. Þar á ofan getur þú ekki leynt andúð þinni á bændastéttinni. Já, Sigurjón þú ert skrítin skrúfa í óþverrahópi sem þykist vera að vinna fyrir þá sem minna mega sín. Þið kunnið ekki einu sinni að sammast ykkar. 

[Sigurjón Þórðarson, 13.8.2024 kl. 12:30]

Sigurður - Satt best að segja þá hef ég nákvæmlega engar áhyggjur einhverjum skipulagsbreytingum Guðlaugs Þórs persónulega, þar sem það er nokkuð ljóst að þær munu aðeins koma mér vel þó svo að vandséð sé að þær geri það fyrir sveitarfélögin. Sveitarfélögin munu sitja uppi með verkefni á sviði umhverfis- og hollustumála en án tekna tekna og úrræða sem þau hafa nú. Það sem Guðlaugur Þór er að gera með ríkisvæðingunni snýst aðeins um eitt þ.e. að geta hreykt sér að því að hafa sameinað stofnanir á sama tíma og flokkurinn fjölgaði ráðuneytum og kom á Mannréttindstofnun með ærnum kostnaði. 

Mér finnst miður að þú virðist ekki hafa lesið greinina í Morgunblaðinu sem bloggið er athugasemd við en þar eru rifjuð upp vandræðaleg ummæli Ólafs Ragnars í tengslum við flugstöðina, en þú segir að Ólafur Ragnar sé þinn pólitíski áttaviti. Einu haldbæru rökin fyrir því að selja flugvelli er að fá inn sérhæfða aðila inn í reksturinn, þó svo að það hafi svo sannarlega kostað Dani fjárstreymi í skattaskjólsfélög.  Það er alveg kristaltært að það eru engir sérfræðinga að finna í lífeyrissjóðunum sem þekkja betru til reksturs flugvalla en Isavia. 

[Geir Ágústsson, 13.8.2024 kl. 14:34]

Kastrup-flugvöllur þykir almennt vel rekinn, þægilegur og samkeppnishæfur. Ég hef á mínum 20 árum í Danmörku aldrei heyrt einn einasta Dana svo mikið sem minnast á breytt eignarhald á vellinum þegar ríkið kom sér að mestu út úr eigendahópnum. 

Raunar hefur gengið svo vel að reka flugvöllinn að sá í Malmö er orðinn að hálfgerðri eyðimörk, eða svo segja mér Svíar. 

[Sigurjón Þórðarson, 13.8.2024 kl. 15:54]

Það er ekki almennt vel rekin starfsemi þegar háar upphæðir streymdu frá innviðastarsemi þróaðs lands á borð við Danmörku í skattaskjól, en mögulega eru viðmiðin önnu hér á landi þar sem núverandi og a.m.k. einn annar fyrrverandi forsætisráðherra hafa nýtt sér skattaskjól til þess að forðast skattgreiðslur. 

Vissulega hafa áströlslu fjárfestarnir sem áttu í hlut farið út úr rekstrinum og hlutur þeirra keyptur upp af eftrilaunasjóði.