Íslenska helgimyndin af hryðjuverkamanninum Ismail Haniyeh

Eins og fleiri hef ég verið á ferðinni í dag og heyrt af og til glefsur úr fréttatímum fjölmiðlanna m.a. RÚV þar sem dreginn hefur verið upp hálfgerð helgimynd af leiðtoga hryðjuverkasamtakanna Hamas, Ismail Haniyeh. Leiðtogi Hamas sem féll í loftárás Ísraela er kynntur til leiks af of mörgum íslenskum fjölmiðlum sem einkar kurteis og góður maður og hann jafnvel sagður vera boðberi friðar í Miðausturlöndum! 

Það var því ákveðið stílbrot og léttir að sjá viðtal blaðamannsins Hermanns Nökkva við Svein Rúnar Hauksson þar sem læknirinn er spurður nokkurra gagnrýnna spurninga um fallinn leiðtoga Hamas. 

Nú er það svo að burt séð frá voðaverkunum sem framin voru þann 7. október í Ísrael sem mannvinurinn Sveinn Rúnar lítur á sem réttlætanlega aðgerð í frelsisbaráttu, þá verður seint sagt um stjórnarhætti Hamas að þeir geti talist góðir á nokkurn mælikvarða.  Arabískir pólitískir andstæðingar hafa verið teknir af lífi, alið hefur verið á skefjalausu hatri á nágrönnum og brotið á mannréttindum m.a. með ofsóknum gegn samkynhneigðum. 

 

 

„Sorg að þessi góði maður“ hafi verið drepinn

Athugasemdir

[Wilhelm Emilsson, 1.8.2024 kl. 03:02]

Takk fyrir að benda á þessa frétt á RÚV. Ég las hana og var kjaftstopp.

[Wilhelm Emilsson, 1.8.2024 kl. 03:07]

Afsakið, ég átti við fréttina í Vísi. 

[Sigurjón Þórðarson, 1.8.2024 kl. 08:59]

Umfjöllun Spegils RÚV í gær var síst skárri, en þar var rætt við baráttukonuna Magneu Marinósdóttur.

[Wilhelm Emilsson, 1.8.2024 kl. 09:52]

Takk fyrir að benda mér á þetta viðtal í Speglinum, Sigurjón. Ég er sammála því sem þú segir. Samkvæmt Magneu er Haniyeh "friðelskandi Hamasgæinn". Þetta er svolítið eins og að horfa á stríðsmynd þar sem einn gaurinn er "góði nasistinn".

[Sigurjón Þórðarson, 1.8.2024 kl. 13:02]

Það er áhugavert að bera helgimynd íslenskra fjölmiðla við raunsærri umfjöllun í danska ríkisútvarpinu af föllnum forystumanni Hamas - Hvað ætli ráði þessum sláandi mun?  Mens omverdenen så et 'sympatisk og pragmatisk ansigt', strammede Ismail Haniyeh grebet om palæstinenserne | Udland | DR

[Wilhelm Emilsson, 1.8.2024 kl. 20:01]

Takk fyrir greinina, Sigurjón. Nú komu allir dönskutímarnir að góðum notum. Þetta er alvöru umfjöllun. Það læðist að mér sá grunur að íslenskir blaðamenn hreinlega óttist að fjalla á hreinskilinn og gagnrýnin hátt um hryðjuverkasamtökin Hamas.

[Salah karim (IP-tala skráð) 2.8.2024 kl. 08:14]

Hér gleyst eða visyvitandi ekki nefnd einu sinni að leiðtogar Hamas, Ismail Haniyeh, sendu Erdogan einræðisherra hamingjuóskir og aðdáun í aðdraganda hernáms sýrlensku/kúrdnesku borgarinnar Afrin og blessuðu dráp óbreyttra borgara í borgum og bæjum sem tyrkneska hernámið hernumdi. Valdirnar...þetta er sagt um tvískinnung og hræsni.

[Hördur Thormar (IP-tala skráð) 2.8.2024 kl. 13:40]

Salah Karim.

Þörf og góð ábending.