Tekur dómsmálaráðherra þátt í þögguninni?

Það var verulega vond ákvörðun hjá ríkissaksóknara Sigríði Friðjónsdóttur að hlaupa á eftir kröfu Semu Erlu og Solaris og fara fram á það við dómsmálaráðherra að vararíkissaksóknari Helgi Magnús Gunnarsson verði leystur tímabundið frá störfum.  Dómsmálaráðherra á auðvitað ekki að verða við þeirri ósk heldur ætti ráðherrann að standa með Helga Magnúsi og fleiri landsmönnum sem hafa legið um árabil undir ofsóknum Sýrlendingsins M. Th. Jóhannessonar.

Ef ráðherra gerir það ekki er verið að senda út meðvirk skilaboð til lögreglumanna, blaðamanna og annarra opinberra starfsmanna um þöggun á nauðsynlegri og gagnrýnni umræðu um útlendingamál.

Málið er að Helgi Magnús sagði ekkert nema sannleikann um að það væri verið að flytja inn vondan kúltur sem væri frábrugðinn því sem Íslendingar mættu venjast.  Staðreyndin er sú að glæpatíðni innflytjenda frá ákveðnum menningarheimum í nágrannaríkjunum m.a. á sviði alvarlegra kynferðisbrota er mun hærri en t.d. innfæddra Skandínava. 

Það verður fróðlegt að sjá hvernig ráðherra bregst við þessari ósk, þar sem hún er ekki aðeins komin frá Solaris heldur studd af áhrifafólki með tengsl við Vg, en Oddur Ástráðarson hefur sakað Helga Magnús um hatursorðræðu.

Helgi verði leystur frá störfum tímabundið

Athugasemdir

[Jón Magnússon, 29.7.2024 kl. 18:15]

Þakka þér fyrir góða færslu Sigurjón. Það er alveg ljóst, að verði dómsmálaráðherra við ósk ríkissaksóknara um að víkja Helga Magnúsi Gunnarssyni úr starfi sínu tímabundið, þá er verið að senda þau skilaboð til ofstopaliðsins m.a. Semu Erlu og félaga að þeim sé allt heimilt. Sema Erla hefur um árabil staðið í því að ófrægja fólk, sem vill takmarka flæði ólöglegra innflytjenda til landsins. Það yrðu heldur betur skilaboð til þeirra sem hafa mátt þola illmælgi og róg Semu Erlu og félaga ef dómsmálaráðherra tekur þátt í þögguninni í stað þess að bera sannleikanum vitni. 

Helgi Magnús hefur ekki sagt neitt nema satt.

[Vagn (IP-tala skráð) 29.7.2024 kl. 21:38]

"Mikill hiti var í Sigurjóni Þórðarsyni þegar hann sást nær nakinn ganga í humátt eftir unglingsstúlkum sem hlupu frá honum þegar hann nálgaðist. Gremja hans var auðséð og ómögulegt að sjá upp á hverju hann tæki næst." eða "Sigurjón Þórðarson steig loks upp úr heita pottinum og gekk að lauginni en gramdist að hann náði ekki sinni uppáhalds braut vegna unglingsstúlkna sem náðu henni á undan honum. Nú þurfti hann að ákveða hvaða aðra braut hann ætti að nota"

Lýsingarnar eru af sama atburðinum og báðar jafn sannar. Sannleikan má segja á marga vegu. Helgi Magnús kaus að nota sömu aðferð og notuð er við fyrri lýsinguna. Sannleikurinn gefur ekkert endilega rétta mynd. Án þess að ljúga nokkru er hægt að rústa mannorði frómustu manna eða sverta hópa sem ekkert hafa til þess unnið.

Að lokum, "Ég er bara að segja satt" og "þetta er tilraun til þöggunar" eru stöðluð svör í miklu uppáhaldi hjá rasistum þegar þess er krafist að þeir beri ábyrgð á orðum sínum.

[Guðmundur Ásgeirsson, 29.7.2024 kl. 22:19]

Hafa "SOLARIS-hjálparsamtök fyrir hælisleitendur" sem starfa að eigin sögn til almannaheila við fólksflutninga yfir landamæri, uppfyllt skráningarskyldu sína sem slík?

119/2019: Lög um skráningarskyldu félaga til almannaheilla með starfsemi yfir landamæri

1. gr. Gildissvið.
Lög þessi gilda um félög til almannaheilla sem stofnað er til eða starfrækt eru í þeim tilgangi að safna eða útdeila fjármunum í almannaþágu og eru með starfsemi yfir landamæri.
Skylt er að skrá félag skv. 1. mgr. í almannaheillafélagaskrá sem ríkisskattstjóri starfrækir.

SOLARIS-hjálparsamtök f. hælisl (6002170380)

Rekstrarform: Félagasamtök

Og hvar er ársreikningurinn birtur skv. 10 gr. laganna?

[Sigurjón Þórðarson, 29.7.2024 kl. 22:42]

Guðmundur, einmitt það væri fróðlegt að fá nánari upplýsingar um félagið.

[Guðmundur Ásgeirsson, 29.7.2024 kl. 22:55]

Það sem ég er að reyna að vekja athygli á er að þessi ákveðnu samtök virðast einfaldlega vera ólögleg.

[Vagn (IP-tala skráð) 29.7.2024 kl. 23:38]

Verður meintur brotamaður sjálfkrafa saklaus ef annar meintur brotamaður kærir? 

[Guðmundur Ásgeirsson, 30.7.2024 kl. 00:11]

Vagn. Nei alls ekki, en jafnt skal ganga yfir alla.

Er ólöglegt að vekja athygli á ólöglegri starfsemi?

[Hördur Thormar (IP-tala skráð) 30.7.2024 kl. 00:30]

Ahmad Mansour er palestínskur sálfræðingur sem býr í Þýskalandi, hann þekkir vel til málefna innflytjenda af sínu þjóðerni og hefur látið skoðanir sínar í ljós. Hann heldur því fram að "góða fólkið" séu rasistar sem líti í raun og veru niður á þetta fólk, sjái það fyrir sér sem einskonar "koddabangsa" sem stöðugt þurfi að kjassa. Það þarf varla að taka fram að Ahmad Mansour og fjölskyldu hans hafa borist margar líflátshótanir og verður hún að njóta lögregluverndar.

[Vagn (IP-tala skráð) 30.7.2024 kl. 01:43]

Solaris voru skráð 10.01.2017 samkvæmt skatturinn.is. Og hafa ekki skilað ársreikningi. En það virðist eiga við fleiri:

Guðmundur, hvað á svo að gera við þessari ólöglegu starfsemi Solaris, Flokks fólksins og Hagsmunasamtaka heimilanna?

[Sigurjón Þórðarson, 30.7.2024 kl. 13:04]

Halldór Þormar, ég get tekið undir það með sálfræðingnum að það séu ákveðnir fordómar hjá "góða fólkinu" að halda það að fólk sem kemur frá öðrum menningarheimum þar sem umburðarlyndi er lítið gagnvart öðrum trúarbrögðum og ólík viðhorf til kynjanna,að það varpi þeim viðhorfum frá sér bara við það eitt að stíga fæti á Keflavíkurflugvelli. 

[Hördur Thormar (IP-tala skráð) 30.7.2024 kl. 13:21]

Hér er þáttur sem fjallar um Ahmad Mansour. Þátturinn er á þýsku en með enskum texta.                          Extremismusforscher Ahmad Mansour: Gegen den Hass | Israel und Palästina | BR Story | BR           

[Guðmundur Ásgeirsson, 30.7.2024 kl. 13:44]

Vagn.

Þarna þekki ég þig. Ekki í fyrsta skipti sem þú berð fyrir þig rangtúlkunum til að halda einhverju fram sem enginn fótur er fyrir. Hvort þú gerir það vísvitandi eða af vanþekkingu skal ósagt látið a.m.k. í þessu tilviki. Ég skal því nota tækifærið til að leiðrétta þessa rangtúlkun og fræða þig í leiðinni.

Keldan sem þú vísar til er einkafyrirtæki og hefur sem slíkt ekkert opinbert hlutverk í eftirliti með því hvort að félög uppfylli lagaskyldur sínar. Gögn um ársreikninga sem þar eru birt eru fengin úr ársreikningaskrá Skattsins. Hvorki stjórnmálasamtökum né almennum félagasamtökum ber skylda til að skila ársreikningum þangað. Sú skylda nær aðeins til hlutafélaga og sambærilegra lögaðila sem stunda atvinnrekstur.

Stjórnmálasamtök

Samkvæmt 9. gr. laga um fjármál stjórnmálasamtaka ber slíkum samtökum að skila ársreikningum til ríkisendurskoðanda, sem birtir þá eins fljótt og auðið er. Sjá hér:

Ríkisendurskoðun - Ársreikningar stjórnmálasamtaka

Ef þú skoðar listann finnur þú þar ársreikninga allra helstu stjórnmálasamtaka, þar á meðal þeirra sem þú nefndir. Þar með er sú lagaskylda uppfyllt og ekkert ólöglegt á ferðinni.

Félög til almannaheilla

Hagsmunasamtök heimilanna eru skráð hjá fyrirtækjaskrá Skattsins sem félag til almannaheilla. Þar sem þau samtök eru aðeins með starfsemi innanlands er slík skráning valkvæð en ekki skylda eins og í tilviki slíkra félaga með starfsemi yfir landamæri. Skráning Hagsmunasamtaka heimilanna sem félags til almannaheilla er því ekki aðeins lögleg heldur umfram skyldu. Samtökin uppfylla öll skilyrði laga um félög til almannaheilla nr. 110/2021 og eru vottuð sem slík af fyrirtækjaskrá Skattsins.

Hér geturðu séð skráningu Hagsmunasamtaka heimilanna á vef fyrirtækjaskrár: Hagsmunasamtök heimilanna (5202092120)

Athugaðu að þar segir að Rekstrarform sé Almannaheillafélag

Samkvæmt lögum um félög til almannaheilla er slíkum samtökum skylt að halda bókhald og semja ársreikning í samræmi við lög um bókhald. Eigi síðar en mánuði eftir samþykkt ársreiknings skal birta hann á vef félagsins eða opinberlega með sambærilegum hætti. Það hafa Hagsmunasamtök heimilanna alltaf gert með því að birta ítarlea ársskýrslu sem inniheldur ársreikning, á vef félagsins fyrir árlegan aðalfund. Reyndar hafa þau alltaf gert það, mörgum árum lengur en lög um félög til almannaheilla hafa verið í gildi og áður en samtökin voru skráð sem slík. Þannig hafa þau ekki aðeins uppfyllt lagaskyldur sínar í þeim efnum árum saman heldur gengið lengra í því en að lágmarki hefur verið skylt. Það hafa þau gert til að sýna ábyrgð og gegnsæi enda er öll starfsemi þeirra fyrir opnum tjöldum. Þess vegna þurftu samtökin ekki heldur að breyta neinum starfsháttum sínum þegar þau skráðu sig sem félag til almannaheilla því þau uppfylltu þá þegar öll skilyrði laganna. Þar er því ekkert ólöglegt á ferðinni heldur þvert á móti gengið lengra í vönduðum starfsháttum en skylt er.

Félög til almannaheilla með starfsemi yfir landamæri

Ólíkt félögum til almannaheilla sem starfa aðeins innanlands, er slíkum samtökum sem starfa yfir landamæri ekki frjálst heldur skylt að skrá sig sem slík. Þeim er að sama skapi skylt að birta ársreikning á sama hátt og að ofan greinir og sú skylda er óháð því hvort þau hafa uppfyllt skráningarskyldu eða aðrar skyldur sínar samkvæmt lögum um skráningarskyldu félaga til almannaheilla með starfsemi yfir landamæri nr. 119/2019. Þessar auknu skyldur sem eru lagðar á svona félög sem starfa yfir landamæri eru í þágu varna gegn peningaþvætti og fjármögnun hryðjuverka eins og kemur fram í greinargerð með frumvarpi til laganna, enda eru mörg dæmi um misnotkun slíkra samtaka í þessháttar tilgangi.

Hér geturðu séð skráningu "SOLARIS-hjálparsamtök f. hælisl" á vef fyrirtækjaskrár: SOLARIS-hjálparsamtök f. hælisl (6002170380)

Athugaðu að þar segir að Rekstrarform sé Félagasamtök.

Ekki almannaheillafélag og enn síður almannaheillafélag með starfsemi yfir landamæri, heldur aðeins almenn félagasamtök. Það samræmist ekki skráningarskyldu slíkra samtaka.

Þú getur svo sjálfur leitað á vef þeirra að ársreikningum og kannað hvort þau hafi uppfyllt skyldur sína til að birta þá. (Höskuldarviðvörun: sú leit mun ekki bera árangur.)

Þessi samantekt skýrir vonandi þær skyldur sem hvíla á hverri af þessum þremur tegundum samtaka, þann blæbrigðamun sem er á þeim og hvað þarf til að uppfylla þær, nógu vel til þess að hver sem er geti sjálfur dregið sínar eigin ályktanir.

[Vagn (IP-tala skráð) 30.7.2024 kl. 15:14]

Guðmundur, til gamans gerði ég bara eins og þú þegar þú sakaðir samtök um glæp. Leitaði í nokkrar mínútur að einhverju á netinu sem engin skylda er að setja á netið. Og lét það sem ég vissi ekki eftir þá leit nægja til að mynda mér þá skoðun að öll þrjú samtökin væru sek um sama glæp. Þú opnaðir á þessa aðferðarfræði og ættir frekar að gleðjast yfir árangri kennslu þinnar.

[Salah karim (IP-tala skráð) 30.7.2024 kl. 16:18]

Ég velti því fyrir mér hver, og ég spyr Sەma, getur eða þorir að gagnrýna tyrknesk stjórnvöld fyrir fjöldamorð gegn Kúrdum? Skrifaði hún eina línu gegn glæpum Erdogans gegn Kúrdum? Opnaði Sema munninn fyrir hernámi tyrkneska hersins á löndum nágrannalanda, eins og íraska Kúrdistans, eins og Afrin, og hins vegar austur af Efrat og sýrlenskum löndum? Þorir hún að gagnrýna stjórnvöld í Ankara fyrir að koma í veg fyrir Kúrda frá málfrelsi, eða er Sema pólitískur skíthæll að nýta sér íslendinga... ég vona ,Já, að hún heyri orð mín og svara mér!

[Haraldur G Borgfjörð, 30.7.2024 kl. 17:14]

Það er akkúrat sem hún er" pólitískur skíthæll" sem er að reyna að grafa undan okkar lýðræði. 

[Guðmundur Ásgeirsson, 30.7.2024 kl. 18:51]

Vagn.

Ólíkt þér fullyrti ég ekkert nema það sem fótur er fyrir. Það var ekki gert til neins gamans. Enginn var sakaður um refsivert athæfi (glæp) heldur var bent á að ein tiltekin samtök væru brotleg við lög og það var stutt gildum rökum. Svo er það annarra en mín að meta hvort og hvaða viðurlögum brotið skuli sæta.

Ég opnaði ekki á neitt annað en staðreyndir. Þú fórst aftur á móti með fleipur en ert vonandi einhvers vísari núna.

[Vagn (IP-tala skráð) 30.7.2024 kl. 20:52]

Guðmundur, að koma með spurningar og vitna í lög sem fjalla um það sem spurt var um eru ekki rök. Það sem þú ekki veist eru ekki rök og sanna aðeins eitt.

[Guðmundur Ásgeirsson, 31.7.2024 kl. 00:21]

Vagn.

Ég varpaði aðeins fram þeim spurningum hvort umrædd samtök hefðu uppfyllt skráningarskyldu sína og hvar ársreikningur þeirra væri birtur eins skylt er samkvæmt lögum.

Vísaði jafnframt á það hvar svörin mætti finna svo að hver sem kærði sig um það gæti dregið sínar eigin ályktanir.

Fyrst að þú gast ekki dregið neinar ályktanir sjálfur af þeim upplýsingum, hefur mér vonandi tekist núna að auka skilning þinn með nánari skýringum í seinni athugasemdum.

En hvað finnst þér um það að samtök sem segist vilja láta gott af sér leiða fari ekki eftir lögum sem er ætlað að sporna við peningaþvætti og fjármögnun hryðjuverka?