Jákvætt að Kristján Möller taki undir málflutning Frjálslynda flokksins

Það kom að því að Kristján Möller sæi ljósið og tæki undir málflutning Frjálslynda flokksins sem hefur um árabil fært mjög góð fyrir því að auka veiðiheimildir í þorski og fleiri tegundum.  Nú á síðustu 3 árum hefur Frjálslyndi flokkurinn margítrekað sýnt fram á að auknar veiðar séu nærtækasta og skynsamast leiðin til þess að auka atvinnu og erlenda gjaldeyrisöflun þjóðarinnar.

 Það er vonandi að þingmaðurinn kynni sér þau rök til hlítar sem forysta Frjálslynda flokksins hefur lagt fram í umræðuna.  

„Má ekki bara veiða meira?“

Athugasemdir

[Jón Snæbjörnsson, 10.8.2011 kl. 11:54]

það hefur Sjálfstæðisflokkurinn gert líka Sigurjón ... fyrir ykkar tíð þó ekki sé meira sagt .... gott að við stöndum ekki "einir" í baráttunni ;)

[Anna Sigríður Guðmundsdóttir, 10.8.2011 kl. 12:14]

Það er nauðsynlegt að veiða meira, sérstaklega þegar nóg er af fiski. Það er neyðarástand hjá fjölda fólks í landinu, og nærtækast að minna á allan þann fjölda af fólki sem neyðist til að leita til hjálparstofnana, til að hreinlega lifa af.

Þetta eru engar ýkjur, heldur blákaldar staðreyndir, og eru næg rök til að nauðsynlegt er að veiða meira núna. Þar að auki er fæðuskortur í sjónum líka, og nauðsyn að grisja meira til að fiskurinn drepist ekki úr hor, eða flýi á önnur mið til að finna átu. Makríllinn er nefnilega kominn í fæði við Íslandsstrendur, og þar af leiðandi gengur á fæðuforðann í sjónum, og nauðsyn að veiða meir af þeirri ástæðu.

Vonandi tekur Jón Bjarnason af skarið, og lokar eyrunum fyrir tuði sægreifanna, og gefur veiðar frjálsar hjá minnstu bátunum, í það minnsta.

Það er ekki um annað að ræða á þessum síðustu og verstu tímum. Fátæktin er falin og sést ekki úti á götu, og þar með telja kannski sumir að ekki sé svo stór vandi hjá fjölda fólks, sem raun ber vitni.

Þetta er spurning um mannúð eða villimennsku, og það verður að hætta að hlusta á þá sem hér telja sig ráða öllu, og eiga allan ránsfenginn skuldlausan, og kunna ekki aura sinna tal, meðan margt fólk í landinu sveltur og veikist.

M.b.kv.