Spákaupmennska "Norrænu velferðarstjórnarinnar"

Steingrímur J. Sigfússon snaraði á fimmta tug milljarða króna lánveitingu til fjármálafyrirtækjanna Saga Capital og VBS  í upphafi valdaferils síns sem fjármálaráðherra.  Lánið var sannkallað vildarlán með 2% vöxtum á sama tíma og bestu lán til almennings voru þrefalt dýrari.

Spákaupmennska Steingríms J. og Samfylkingarinnar hefur ekki reynst ábatasöm fyrir ríkissjóð en áðurnefnt VBS fór fyrir nokkru í þrot og stjórnendur Sögu virðast vera flæktir í misferli sem gæti reynst fjármálafyrirtækinu afdrifaríkt. Sama má segja um 12 milljarða króna reddingar ríkisstjórnarinnar til Sjóvár en því miður lítur út fyrir að talsvert að umræddum fjármunum tapist.

Þó svo að ríkisstjórninni hafi ekki tekist vel upp í milljarða braski sínu til að blása lífi í fjármálafyrirtækin þá er ekki annað hægt en að játa að stjórninni hefur tekist aðdáunar vel við að komast hjá því að útskýra brallið fyrir almenningi.

Verður áfram forstjóri Sögu

Athugasemdir

[Jóhannes Laxdal Baldvinsson, 19.11.2010 kl. 18:02]

Mestu mistökin voru gerð á fyrstu mánuðunum. Katrín ákvað að eyða 30 milljörðum í Hörpuna og þar fyrir utan 2 milljörðum á ári í rekstur allt í boði skattborgaranna. Svo var það 15 milljarðar til að redda Sjóvá. Icesave samningur Svavars. Svo láta menn eins og þessi stjórn sé að taka til og moka flór!! Alla vegana er þetta lið ekki að stjórna með hagsmuni almennings að leiðarljósi frekar en fyrri stjórnir. Fjórflokkurinn hefur verið veginn og léttvægur fundinn

[Sigurjón Benediktsson, 20.11.2010 kl. 09:35]

Þakka þér kærlega fyrir þessa góðu áminningu - þjóð sem hefur ekki einu sinni gullfiskaminni verður að fá að heyra hvernig er í pottinn búið,  -reglulega. Hvernig væri að taka saman kostnaðinn af þessari "eitthvað annað" pólítík og leyfa okkur að svitna.

[Sigurjón Þórðarson, 20.11.2010 kl. 17:31]

Harpan er hneyksli http://sigurjonth.blog.is/blog/sigurjonth/entry/818357/

Sigurjón, Steingrímur er varasamur - búinn að keyra þjóðélagið á kaf með háum vöxtum, áframhaldandi bankaspillingu og dekri við erlenda kröfuhafa. Ekki er hann til viðtals um að auka veiðar - hann hugsar í gömlu kerfunum sem hafa fyrir löngu gengið sér til húðar.