Um hvað á Kaninn á njósna?

Össur Skarphéðinsson utanríkisráðherra gerir hvað hann getur til að blása upp nýtt amerískt njósnamál.  Málatilbúnaður Össurar utanríkisráðherra virðist fyrst og fremst byggja á því að starfsmenn sendiráðsins hafi haft gætur á næsta nágrenni byggingarinnar við Laufásveg.

Áhugi Kanans á landinu nú um stundir er ekki meiri en svo að þeir sáu enga ástæðu til þess að hafa  hér her áfram þó svo að stjórnvöld nánast grátbáðu þá um áframhaldandi veru varnarliðsins.  Sendiherra Bandaríkjamanna er nýkominn til landsins en ekki lá þeim mjög á að setja hér niður sendiherra en það tók um eitt ár fyrir stórveldið - svo mikill var áhugi þeirra á Íslandi.

Ekki skil ég þessa aðferð Össurar við að setja nágrannavörslu sendiráðsins í einhverjar skorður með því að blása málið í hverjum fréttatímanum á fætur öðrum. 

Stæði það ekki utanríkisráðherra nær sem hefur verið iðinn við að fara í gegnum gömul skjöl í ráðuneytinu, að kanna til hlítar ásakanir Árna Páls Árnasonar um að hann hafi verið hleraður af íslenskum stjórnvöldum?

Athugasemdir

[Jóhannes Laxdal Baldvinsson, 9.11.2010 kl. 14:29]

Þetta er rétt Sigurjón, hér eru menn að þyrla upp moldviðri til að afvegaleyða umræðuna. Ég bý á móti sendiráðinu og hef aldrei orðið fyrir óþægindum af þeirra völdum. Hvað þá að þeir hafi snuðrað í ruslinu ! En auðvitað gæta þeir að öryggi sínu eins og öll sendiráð gera. Og nota til þess eftirlitsmyndavélar og öryggisverði. En að kalla þetta persónunjósnir er fáránlegt. Hvað þá um þessar 200+ opinberu eftirlitsmyndavélar hér í borginni sem heyra undir lögregluna? Er löggan þá líka að njósna? Almenningur held ég sætti sig við svona aðferðir til að fyrirbyggja glæpi. Skerðing á persónufrelsi er sá fórnarkostnaður sem við berum. Hvort hér séu á ferðinni óeinkennisklæddir menn sem taki myndir og skrái í gagnagrunna veit ég ekki um en tel samt líklegt. Þeir gætu þá allt eins verið á vegum ríkislögreglustjóra eins og hverra annarra og íslensk yfirvöld vinna með Interpól og öðrum ef því er að skipta. Þeir sem hafa ekkert að fela hafa heldur ekkert að óttast. Menn ættu samt að hafa meiri áhyggjur af því hvaða upplýsingar þeir setja á facebókina heldur en hvernig Securitas heldur uppi öryggisgæslu á Laufásveginum

[Óskar Þorkelsson, 9.11.2010 kl. 17:00]

kaninn er ekki með her í noregi eða svíþjóð.. en njósna þar um hagi manna eins og ekkert sé..

[Sigurgeir Jónsson, 9.11.2010 kl. 20:56]

Er ekki málið að kaninn styður kvótakerfið og  er að njósna um Frjálslyndaflokkinn, að beiðni Davíðs og Halldórs.Allur er varinn góður.Kv.