Kynlegur fréttamannafundur

Fréttamannafundur AGS vakti fleiri spurningar en svör.  Á sama tíma og stjórnvöld boða; blóðugan niðurskurð, skattahækkanir og að gengið verði rösklega til verks að bjóða heimilin upp í haust, þá lýsa landstjórar AGS því yfir að kreppunni sé lokið! 

Óneitanlega læðist að manni sá grunur að fundurinn sé liður í stærri fléttu sem mun koma fram í yfirlýsingum undirmanna sjóðsins þ.e. þeim Gylfa Magnússyni og Steingrími J. Sigfússyni þegar líður á vikuna.

 

Kreppunni lokið segir AGS

Athugasemdir

[Hrannar Baldursson, 29.6.2010 kl. 04:17]

Hljómar eins og pólitískt plott. Þar er ég sammála þér. Grunar að þetta tengist dómi hæstaréttar um gengislánin og að einhvern veginn verði þessar "upplýsingar" notaðar til að verja lánafyrirtækin og bankana gegn kúnnunum. Ekki veit ég hvernig, en þessi grunur læddist líka að mér.

[Vilhjálmur Örn Vilhjálmsson, 29.6.2010 kl. 08:09]

Þeir voru ekki að tala um ríkisstjórnarkreppuna. Við eru enn eftir að losa okkur við hana.

[Sigurjón Þórðarson, 29.6.2010 kl. 09:05]

Það er ýmislegt í gangi sem hefur ekki verið útskýrst s.s. 90 milljarða kaup lífeyrissjóðanna á Jökla eða krónubréfum. Þessi kaup hafa ekki verið útskýrð með fullnægjandi hætti. Var verið að þjóna AGS með því að losa um þessi bréf eða Jóni og Gunnu sem borga brúsann?

[Guðmundur Ásgeirsson, 29.6.2010 kl. 10:18]

AGS er ekki að standa vörð um fjölskyldurnar sérstaklega, heldur réttarríkið og þar með eignarréttinn. Ekki síst til að koma í veg fyrir þjóðnýtingu á borð við þá sem ákveðinn stjórnmálaflokkur hefur boðað vegna andstöðu sinnar við erlenda fjárfestingu í orkugeiranum. Ef það er eitthvað plott í gangi þá er það plottið, og fordæmisgefandi líka.