Jóhanna segir það af því að Logos segir það

Helsta haldreipi Jóhönnu Sigurðardóttur fyrir því að greiða illræmda Icesave-samninga er lögfræðigerð lögfræðings Logos. Í greinargerðinni kemst hann að því - þrátt fyrir fjölmörg önnur álit - að samningurinn skerði ekki fullveldi landsins. Það er fullyrt að ríkisstjórnin ætli að skrifa upp á að greiða í beinhörðum gjaldeyri upphæðir sem eru langt út fyrir greiðslugetu þjóðarinnar. Ég er viss um að það sem skiptir miklu máli í áliti Logos-mannsins er að lögreglan hefur verið tíður gestur inni á skrifstofum lögfræðistofunnar í tengslum við ötult starf hennar fyrir fjárglæframennina okkar og ekki kæmi mér á óvart að lögreglan hefði komist að því að þeir sem þar starfa hafa unnið vel fyrir kaupinu sínu.

Athugasemdir

[Sigurður Þórðarson, 24.6.2009 kl. 12:44]

Jakob kallaði þetta "minnismiða" og hvað skyldi hann hafa fengið fyrir viðvikið?

[Sigurjón Sveinsson, 24.6.2009 kl. 12:46]

Já, þetta er fast skot og hittir í mark.

Held þó að Jóhanna og Steingrímur séu ekki í öfundsverðu hlutverki. Því afleiðingar þess að hafna þessum samningi sem Steingrímur sendi afdankaða komma til að semja um (fyrirgefðu Svavar frændi) og Indriðið er nú ekki beint þekktur sem bjartasta peran, geta verið þær að gera illt verra.

Skrítið líka að hengja sig á lögfræðiálit. Einmitt úr þessari átt. Lögfræðiálit voru ekki sérlega í hávegi höfð af þessu fólki fyrir ekki svo löngu síðan. Ragnar Reykás hvað.

[Haraldur Hansson, 24.6.2009 kl. 13:05]

Lögfræðingurinn segir líka (á bls. 2) að 200 milljón punda eign greiðist inn á höfuðstólinn, sem lækki síðan vaxtabyrðina. Þetta dekki "um það bil 20% af heildinni".

200 milljón pund geta ekki dekkað nema 5,8% af heildinni, m.v. gengi punds og evru í dag. Ef lögfræðingurinn getur ekki klárað eitt lítið prósentudæmi skammlaust, hversu mikið mark er þá takandi á "minnismiðanum" hans?

Það er móðgun við fullorðið fólk að birta þetta "20% lögfræðiálit" opinberlega. Ég rappaði aðeins um aðra galla þess hér.

[Sigurjón Þórðarson, 24.6.2009 kl. 15:10]

Siggi, nafni og Haraldur, það er óskiljanlegt að horfa upp á Samfylkinguna bíta sig í þetta mál sem getur svipt þjóðina voninni um að hlutirnir geti lagast.

[Hammurabi, 24.6.2009 kl. 16:18]

Góð færsla og áhugaverð svör.

Svona yfirlýsingar, "Indriðið er nú ekki beint þekktur sem bjartasta peran" hinsvegar finnst mér vægast sagt tæpar. Indriði hefur getið sér gott orð í hvívetna. Að skella fram svona endemis vitleysu er barnalegt. Þetta er því miður það plan sem margir vilja færa umræðuna niður á, enda býður bloggið upp á að mis miklum spekingum sé gefinn rómur.