Umræðan um umræðuna

Í vikunni fór fram tilgerðarleg umræða á RÚV um útlendingamál í Kastljósinu, en viðfangsefnið var fyrst og fremst eitthvað sem nefnt var skautuð umræða um útlendingamál.

Sjálf málefni útlendinga voru aðeins rædd í framhjáhlaupi, en skerpan var á vonda skautun sem sögð var leiða aðeins vont af sér svo sem; aðskilnað, andúð og andstyggð.

Á RÚV hefur verið rekin sjálfstæð útlendingastefna um árabil sem gengur meira og minna út á að opna landamærin m.a. fyrir öllum íbúum Gasa-strandarinnar og frásagnir af brottvísunum sem stjórnvöld hafa þurft að framkvæma hafa gjarnan verið sagðar með neikvæðum hætti. Þingmaður Flokks fólksins sem nýlega deildi frétt Skynews fréttastofunnar af óöldinni í Svíþjóð, var heiðraður með heimsókn helsta þáttarstjórnenda RÚV um áratugaskeið á síðunni sinni og sagði Egill fréttina vera kjaftæði og bætti við að borgin hefði verið hrútleiðinleg á árum áður.

Aftur að Kastljósþættinum sem fjallaði að nokkru leyti um ástandið í Danmörku og þannig að sumt gæti fallið undir hreint Danahatur - Í þættinum var viðmælendum tíðrætt um orsök aðlögunarvanda útlendinga í Danmörku, sem er vel að merkja síst minni en sambærilegur vandi í öðrum Evrópuríkjum. Fullyrt var að vandin í Danmörku stafaði fyrst og fremst af kerfisbundnum ofsóknum Dana á hendur útlendinga!

Skilaboð RÚV voru - passið ykkur ef þið takið upp á því að ræða útlendingamálin þá gætuð þið lent í því að skauta!

Það leiðir hugann að því hvað er þessi skautun umræðunnar og er hægt að benda á áþreifanleg dæmi um að einhver hafi skautað?

Jú nýlega var helsti ritstjóri landsins Snorri Másson, sakaður um að ýta undir skautun þegar hann gagnrýndi furðuleg verðlaun stofnunar sem mér er annt um veitti þ.e. verðlaun Byggðastofnunar  til sveitarfélags á Suðurlandi fyrir að taka einhliða upp annað opinbert tungumál en íslenskuna.

Í framhaldinu má velta því upp hvort þjálfari Aþenu hafi skautað umræðuna með því að kalla Breiðholtið baby Malmö?

 

Athugasemdir

[Birgir Loftsson, 26.4.2024 kl. 08:17]

Inngilding rugls hjá Ríkisrekna Útvarpi Vinstrimanna (RÚV). Tískuorð vinstrimanna er skautun en RÚV er á hálum ís á sínum skautum. Heimur yrði ekki verrri þótt RÚV myndi hverfa af yfirborðinu, ef eitthvað, myndi maður spara sér að borga nauðungaskatta árlega.

[Bjarni (IP-tala skráð) 26.4.2024 kl. 17:21]

Þetta var stórfurðuleg umræða. Engin þeirra þriggja sem í settinu sátu gerðu greinarmun á innflytjendu frá Schengen, sem hafa hér fullt dvalarleyfi og atvinnuleyfi,koma hingað til að setjast hér að og sjá um að framfleyta sér sjálft án aðkomu íslenskra yfirvalda, og svo hælisleytenda sem hvorki hafa dvalar- né atvinnuleyfi og eru á framfæri hins opinbera hvað varðar húsnæði og framfærslu frá fyrsta degi á meðan umsókn þeirra býður afgreiðslu.

Fólk sem ekki hefur skilning á umræðuefninu ætti ekki að vera tjá sig opinberlega um þessi mál.