Súldin hörfaði og tók sumarþingið með sér

Ég reyndist sannspár, um leið og skikkanlegt veður lét á sér kræla á suðvesturhorninu pakkaði þingið saman öllum ágreiningsmálum og lét fyrirheit um að leiða til lykta Íraksstríðið, vatnalög, RÚV o.fl. lönd og leið. Meira að segja Steingrímur J. Sigfússon hafði orð á því í morgun að ekki ynnist tími til að fjalla um og breyta vatnalögunum sem við eyddum þó dögum í að ræða og gagnrýna fyrir rúmu ári.

Það skyldi þó ekki vera heyskapurinn sem kallaði?

Athugasemdir

[Hjörtur Hjartarson (IP-tala skráð) 13.6.2007 kl. 20:38]

Afnám alræmdra eftirlaunalaga bíður líka. Meðal annarra orða Sigurjón, hver setti eftirlaunafrumvarpið saman fyrir þá Halldór, Davíð, Steingrím, Guðjón Arnar og Össur?  Varla var það nefndin sem flutti það.

Ég hef spurt þig þessarar spurningar áður. Getur þú svarað henni? 

[Sigurður Pálsson (IP-tala skráð) 13.6.2007 kl. 22:45]

Er það ekki málið með græningjana að þeir eru á móti öllu og helst vilja þeir að farið verður í torfkofanna aftur.Steingrímur er útbrunninn á öllum sviðum og vill bara komast í stjórn með öllum tiltækum ráðum þó hann þurfi að éta allt ofan í sig.

[Geir Ágústsson, 18.6.2007 kl. 21:44]

Sem betur fer á Steingrímur J. stóran og feitan CO2 hák til að komast á túnið þegar heyskapurinn kallar! Þess á milli berst hann gegn því að aðrir geti eignast slíkt tryllitæki - t.d. þeir sem skammta sér ekki sín eigin laun á kostnað skattgreiðenda.

Aðallinn í dag er ekki aðalsborinn. Hann er kosinn af kjósendum VG.