Skorað á Ólaf Ragnar Grímsson, forseta Íslands, að vísa Icesave III til þjóðarinnar

Á miðstjórnarfundi Frjálslynda flokksins þann 5. febrúar 2011 var einróma samþykkt að skora á forseta Íslands, Ólaf Ragnar Grímsson, að leggja nýjasta Icesave-samninginn í dóm þjóðarinnar. Alþingi Íslendinga er rúið trausti og missti umboð þjóðarinnar í Icesave-deilunni í þjóðaratkvæðagreiðslunni þann 6. mars 2010. Vísasta leiðin til sáttar í samfélaginu er að leyfa þjóðinni að segja álit sitt á því hvort íslenskir skattgreiðendur eigi að greiða ólögvarðar kröfur Breta og Hollendinga. Það er skylda okkar að kanna hvort þjóðin sé sátt við að greiða skuldir einkabanka.

Athugasemdir

[Aðalsteinn Agnarsson, 6.2.2011 kl. 13:57]

Flottur ertu Sigurjón!

[Guðjón Jónsson (IP-tala skráð) 6.2.2011 kl. 14:31]

Vísa Icesave til þjóðaratkvæðagreiðslu, svo og kvótalögunum,

[Sigríður Jakobsdóttir (IP-tala skráð) 6.2.2011 kl. 14:32]

Icesave og fiskveiðistjórnarlögin í þjóðaratkvæðagreiðslu

[Hrafn Arnarson (IP-tala skráð) 6.2.2011 kl. 15:52]

Hversu margir voru á miðstjórnarfundinum? Hvað eru margir skráðir félagar í flokknum? Er Frjálslyndi Flokkurinn rúinn trausti eða nýtur hann trausts? Ef já, þá hverra?

[Sigurður Viktor Úlfarsson, 6.2.2011 kl. 17:05]

Þá verður þú að standa fyrir almennri undirskriftarsöfnun meðal þjóðarinnar.  Forsetinn á ekki að bregðast við ályktunum einstakra stjórnmálahreyfinga - það er ekki hans starf. 

Hann á hins vegar að bregðast við ef tugþúsundir skrifa honum bréf.  Ákveði þjóðin að skrifa honum ekki bréf þá er hún að segja honum að niðurstaðan Alþingis eigi að standa.  Að sama skapi ákvað þjóðin 2004 og 2010 að skrifa forseta bréf vegna þess að hún vildi taka afstöðu í málinu.  Frumkvæðið verður að koma frá þjóðinni.

[Elín Sigurðardóttir (IP-tala skráð) 6.2.2011 kl. 17:14]

Þjóðin er búin að svara þessari spurningu.

[Sigurður Viktor Úlfarsson, 6.2.2011 kl. 19:26]

Nei, Elín.  Þjóðin tók afstöðu til þeirra laga sem samþykkt voru á Alþingi á sínum tíma.  Þeim lögum var hafnað og þau lög gengu til baka.

Nú eru ný lög í burðarliðnum og vilji þjóðin taka afstöðu til þeirra þarf hún að fara fram á það við forseta.

[Elísabet Guðjohnsen (IP-tala skráð) 6.2.2011 kl. 20:23]

Þjóðin kaus ekki um einhverja vaxtaprósentu á skuld sem skattgreiðendur hafa aldrei stofnað til, heldur kaus hún um það, hvort hún telji rétt að henni verði af forráðamönnum þjóðarinnar gert að greiða ólögvarðar kröfur Breta og Hollendinga sem varða skuldir einkabanka og fjárglæframanna. Nú þarf þjóðin enn einu sinni að standa saman og safna undirskriftum: Við borgum ekki skuldir sem við höfum ekki stofnað til. Skora á forsetann að vera sjálfum sér samkvæmur og neita að undirrita og vísa málinu til þjóðarinnar. Ég mun mæta með öllu mínu liði.

[Ásthildur Cesil Þórðardóttir, 7.2.2011 kl. 00:20]

Sammála miðststjórn Fráslyndaflokksins samninginn í þjóðaratkvæðagreiðslu. 

[Helga Kristjánsdóttir, 7.2.2011 kl. 01:43]

 JIBBÝ!!!!  Komið með lista og ég mun safna á hann.

[Ragnar Þór Ragnarsson (IP-tala skráð) 7.2.2011 kl. 09:02]

Sigurður Viktor Úlfarsson ég ætla að svara þér enda er ættin mín dreifð um víðan völl og meir hlutinn af henni er ekki búsettur á Íslandi en núna segi ég hreinlega annað kvört stiður ólafur ragnar grímson alþingi eða þjóðina hans er valið ég við að alþingi verði svift völdum ég rek einkasafn en reglu líka og það hefur rosalega sjaldann verið hlustað á reglur sem eru að berjast fyrir réttlæti alþingi er ekki heilagt ef fólk heldur það ef fólk vill óheiðalegika þá það en ég stend ekki með alþingi enda mart sem hefði mátt ræða betur en þetta er mín skoðun

[Þráinn Jökull Elísson, 7.2.2011 kl. 10:35]

Nú er bara að fara af stað með undirskriftasöfnun. Strax.

[Ragnar Þór Ragnarsson (IP-tala skráð) 7.2.2011 kl. 16:06]

eigum við ekki að byrja undirskrifta lysta hver vill taka það að sé

[Elle_, 7.2.2011 kl. 20:50]

Nei, Sigurður, landsmenn kolfelldu fjárkúgunina sem alþingi hafði aldrei neitt leyfi í fyrstunni til að samþykkja.  Og alþingi hafði heldur ekkert leyfi til að fara aftur og það í 3ja sinn að semja við kúgarana um að nauðga  lögleysunni yfir okkur og niðurlægja.   Við felldum ICESAVE í heild sinni. 

[Ragnar Þór Ragnarsson (IP-tala skráð) 8.2.2011 kl. 19:47]

þeir eru bara að hugsa um sig af því þeir vilja láta okkur borga þeirra mistök við eigum að taka þessa ákvörðun og fella hana enda hafa bretar ekkert fyrir sér nema hótanir og ósvífni við minni lönd eins og okkar égf vil kosningu og eins fljótt og hægt er

[Sigurður Þórðarson, 11.2.2011 kl. 14:07]

Heyr!

[Ásthildur Cesil Þórðardóttir, 17.2.2011 kl. 15:42]

Yfir 39.000 undirskriftir á Kjósum.is.  Við megum vel við una.