Beitir Össur Sivjar bragði?

Nú stendur upp á Össur Skarphéðinsson að taka neðri hluta Þjórsár eignarnámi ef það á virkja Urriðafoss eins og ríkisstjórn Samfylkingar og Sjálfstæðisflokks stefnir ljóst og leynt að. Þórunn reynir að friða grænjaxlana í Samfylkingunni og nú er Össur karlinn á milli steins og sleggju. Það kæmi mér ekki á óvart, ef ég þekki kauða rétt, að hann reyndi með einhverju móti að smeygja sér úr þessari klípu og jafnvel nota sömu aðferð og Siv Friðleifsdóttir notaði þegar hún kom sér undan því að úrskurða í málefnum Þjórsárvera. Þá setti hún Jón Kristjánsson í verkið og gaf þá skýringu að hún hefði einhvern tímann tjáð sig efnislega um málið.

Ég var reyndar ekki sammála þeim skilningi á stjórnsýslulögum sem hún lagði upp með.

Það er allt eins líklegt að Össur reyni að fara sömu leið og Siv og segja sig vanhæfan í málinu þar sem hann hafi einhvern tímann bloggað um það. Sú aðferð gæti þó verið skrambi erfið fyrir Össur þar sem hann bloggar um flestallt með stórkarlalegum hætti.

Athugasemdir

[Gísli Baldvinsson (IP-tala skráð) 9.5.2008 kl. 22:23]

Þá þyrfti Össur að fá þingflokksleyfi sem hann fengi ekki, þú veist hvernig það gengur fyrir sig. Er þetta einstefna hjá ykkur?

[Sigurjón Þórðarson, 9.5.2008 kl. 22:30]

Gísli ertu að gefa í skyn að þetta verði margstefnu mál hjá Samfó.

[Guðrún Jóna Gunnarsdóttir, 9.5.2008 kl. 23:13]

Gæti trúað því að vinurinn sé í pínu ,,kremju" núna. Það verður fróðlegt að fylgjast með

[Víðir Benediktsson, 9.5.2008 kl. 23:54]

Össur notar Þórunnarbragð. Kvittar upp á þó það sé ekki að skapi ráðherrans.

[Guðrún María Óskarsdóttir., 10.5.2008 kl. 02:38]

Sæll Sigurjón.

Já það væri nú fróðlegt að vita einmitt hvort iðnaðarráðherra kynni að vera vanhæfur í fleiri en einu máli vegna bloggfærslna !

kv.gmaria.

[Sævar Helgason, 10.5.2008 kl. 09:17]

Er ekki raunhæft að ætla að iðnaðarráðherra fari eftir eigin sannfæringu .

Hann hlýtur að meta málið heilstætt , með þjóðarhagsmuni í öndvegi.

Ég treysti iðnaðarráðherra ,Össuri Skarphéðinssyni fyllilega til þeirra verka.