Leita í fréttum mbl.is

Að heiðra brennuvarginn

Samtök iðnaðarins hafa með réttu verið gagnrýnd fyrir að styðja þá ákvörðun iðnaðarráðherra að veita brennuvörgunum í Landsbankanum sérstakt forskot og afslátt til að nýta sameiginlegar auðlindir landsmanna. Til þess að reyna að skilja þessa ákvörðun SI verður að líta til þess að þau eru á opinberu framfæri og fá iðnaðarmálagjaldið sem rennur til reksturs samtakanna. Starfsemi þeirra er þá að einhverju leyti komin upp á náð og miskunn stjórnvalda.

Mig minnir að Davíð Oddsson hafi, sem stjórnvald á sínum tíma, hótað að kippa rekstrargrundvellinum undan samtökunum þegar þau voru að hans mati farin að daðra of mikið við Evrópusambandið. Samtök iðnaðarins tóku á sínum tíma þátt í því að útiloka Frjálslynda flokkinn frá allri umræðu á sínum vegum af því að hann gagnrýndi mjög harkalega einkavinavæðinguna og spillinguna.

Núna þarf ekki að koma á óvart að Samtök iðnaðarins hlaupi í vörn fyrir ráðandi stjórnmálaöfl þótt málstaðurinn sé alvondur. Það er orðið tímabært þegar horft er fram í tímann og spáð í Nýtt Ísland sem svo er kallað að skoða sérhagsmunasamtök sem hafa rjómann úr fjórflokknum gegn hagsmunum þorra almennings.


« Síðasta færsla | Næsta færsla »

Athugasemdir

1 Smámynd: Arinbjörn Kúld

Þessi samtök líkt og hið alræmda viðskiptaráð verða að fara í alsherjar naflaskoðun. Í viðskiptum líta menn ávalt til fortíðar og orðspors þeirra sem þeir eru að fara skipta við eða gera samninga. Annað er siðleysi og einfeldni, jafnvel heimska og kemur mönnum á endanum í koll. Engin furða hvernig komið er fyrir okkur.

Kveðja að norðan.

Arinbjörn Kúld, 19.12.2009 kl. 21:35

2 Smámynd: Árni Gunnarsson

Þessi samningur við Björgólf Thor er afar skýr vitnisburður um það ástand í viðskiptasiðferði íslenskrar stjórnsýslu sem við súpum í dag seyðið af.

Við skulum hætta að undrast viðhorf annara þjóða til okkar.

Árni Gunnarsson, 20.12.2009 kl. 16:08

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband